新的開始

各位朋友, 我找到新工作了! 我下個月脫離ncsc 行列, 回母校做EO了! ^^
不經不覺, 在這裏快三年了.一切工作己經非常熟識,所以每天上班也很輕鬆.只是NCSC快被EO取締了,加上是時候接受新的挑戰,所以上個月便開始找工作.

收到面試邀請,感謝CELL員們的代禱,面試很順利,面試官也好喜歡我.這份工作的性質與我的資歷背景很吻合,可說是一拍即合.果然,第二天便收到人事部取錄的電話,我也隨即答應了.

就如前文提及,上司很支持我跳糟.很感激他們的無私,又允許我提早離職(合約要求一個月通知的,我的15天年假也大派用場了),讓我可以在兩個星期後便上新工.

5月13日開始,我要對輕鬆上網,準時放工的日子說再見了. 對於新工作,我是滿有期待及盼望的! 終於有個好title ^_^ 我已經作好了心理準備,要全情投入適應新工作!! GOGOGO~~~

最不捨得這裏的同事,希望日後保持聯絡吧! 願大家工作愉快!

十字包

有老麵,又有花奶…最好就係做十字包啦! 十字包好得意, 係用麵種加中筋粉,泡打粉做, 唔使發兩次酵, 焗既時候會因為泡打粉而令十字紋爆開發大, 剛焗起會外脆內軟的.


這種界乎於麵包同蛋糕之間的點心, 是我喜愛的食品之一啊! 希望下次可以整到好似車厘哥夫噤香就好喇…但應該要落好多牛油呢..

無油香蕉蛋糕

今次乜油都冇落, 加左bran flakes,好健康. 香蕉蛋糕放到第3日係最好味架! 香蕉熟透的味道, 加上濕潤的口感, 正是香蕉蛋糕既魅力之處…

真正菠蘿包

約左同事仔上來整包包, 今次係整上堂學過既菠蘿包. 我地仲加左芝士同菠蘿粒入個包度, 食落都幾得意架! 不過因為我冇用豬油同人造牛油(溶點高d 會香脆d), 只係用左牛油, 所以凍左就淋. 好彩剛焗起果陣都幾脆口架! J 仲食左三個添~~ 太好了, 幫我清多d ^^


個皮好肥, 呢次係專登為j同事而整的, 相信都冇下次喇. 一齊整包好開心呀, 下次整咩包好呢…

十字架

個十字架靚唔靚呀? 我整架! 係咪估唔到我呢個手工白痴可以做到個o禁得意既穿珠掛飾呢? 咪全靠阿茵,carey同frente三位靚靚導師教我地囉! 其實呢個係上星期日我地大組一齊整俾媽咪做母親節禮物嚟架!

靚仔見到個十字架,第1句就話:我整過啦,好易jer... 哈,幾大口氣呀...咁佢既手工藝又真係幾得既,起馬次次都睇到我呆左...一個正常既男仔又點會有噤好手勢架@.@ 不過真係好多謝你呀,我知道你每次整俾我既小手工,都花左好多心思時間呢~~

工聯會麵包實習中班 第10堂

話噤快就最後一堂喇~~~ 真係唔捨得… 好鐘意賴師傅同jacky, 仲有呢班同學,佢地好nice架, 一路搓包一路傾計, 唔覺唔覺就搓完個麵團呢~~ 希望可以拎返我地既大合照啦!

今堂做乳酪方包同酥皮吉士包. 估唔到lai sir 賣大包拎左提子乾俾我地包餡, 哈哈, 呢個要多謝kinki 呢~~ 我只係包左少少提子, 冇其他同學仔d包包噤大, 但係都幾光滑呀~~~ 好明顯經過9堂練習,大家都搓得好好, 所以發到爆晒模呀!! 幾勁!

至於酥皮吉士包,食落就普通啦, 我包的餡去左個底度添~好醜呀~~~

工作...前途

噚日一返來,我上司就同我review performance report,平時一般只花10min 時間的review,我地一傾就傾左個幾鐘. 喺呢個幾鐘裏面,其實真係review我既部份只有好少,反而係佢分享左好多佢以前既工作, 考政府工同在不同部門做eo既經歷俾我聽, 真係大開眼界. 原來佢坐過請eo既board添, 以面試官既身分分享好多佢地screen人的量尺,我諗佢都唔知,其實佢解答左我好多對面試既謎團.
佢講噤多野俾我聽,都係為我既前途著想,仲話如果將來in eo可以隨時問佢意見添! 平時office 大家都忙,佢都花噤耐時間同我傾我既野,真係好感動…有這樣的上司,夫復何求呢!

同事j 終於返來喇!! 仲有來自日本既手信添~~ 呢兩星期佢一定係咋病去旅行啦, 呃晒我地既同情心呀! 中間係同事s 送既小食, 太靚唔捨得開添^^

印尼雞肉串燒

今晚整左雞肉串燒呀~ 同以住一樣，我整親雞扒一齊去皮去脂．切條之後就醃過夜．再用木簽穿起，塗上印尼少辣花生醬($2一包)，放焗爐焗熟就食得喇！仲有好多油焗左出來添，所以好健康架～～又唔會乾身~~　靚仔都好鍾意, 仲叫我下次encore 添~~ 等我入定啲貨先^^

腿葱包 / 芝腿包

買菜送左啲葱,終於用得著個腿葱包食譜喇~~ 仲有幾個改用芝士添! 個包搓左我半個鐘呀,佢好乖發得好鬆好輕身,一出爐仲有一絲絲添! 但係直接法的命運是…第二天會開始變乾, 保濕方面始終中種/湯種做得好啲呢…

不過即使是第三天, 其實只要將包包放入微波爐中火叮20秒,就會鬆軟返晒, 所以其實唔太高要求的話, 直接法都係最方便既 : )


p.s. 留左175g 麵團做老麵, 過兩日又可以整包包喇~~~

豆腐雪芳蛋糕

仲係好down, 整個豆腐雪芳蛋糕玩下. 結果中間未夠熟,冇原作者般發得澎鬆.
我用的是街市2蚊一件的板豆腐,加上大和低糖豆漿一同攪碎.
雪凍後第二朝, 豆腐的香味會明顯一些. 僅僅合格啦!


原食譜:a moon 豆香雪芳蛋糕

湯種合桃無花果乾祼麥包

前日剩下的湯種，用來做多次祼麥包．


不過酵母落多左，結果第1次發過頭添～第二次唔敢發太耐就拎去焗...唔通因為第二次發唔夠?做唔到鬆軟效果呢!我跟呢個食譜:Cass's Baking Lab 湯種合桃無花果裸麥包 但我只夠材料做半份.

工聯會麵包實習中班 第9堂

一眨眼已經是第9堂了. 今堂是意大利包與芝士方包.
這個芝士方包用的是cream cheese, 其實用cheddar cheese 會更好味的. 不過可以拎成個小方包返屋企, 都係第一次. 最搞笑係,我地將d方包棟起吹涼先拎走, 但係就好似英國古蹟巨石群Stonehenge, 靚仔客串上鏡先^^


意大利包就好重檻欖油同香草味, 其實我鍾意架, 不過食譜d油份量我覺得多左啲,食到成手都係油.

今堂最特別的地方就係同學仔帶左d榴槤返來,阿sir就開d粉漿同忌廉俾我地自己整pancake. 我本身好少食榴槤架!但係我食左一啖, 又幾好味喎! 要多謝同學仔同阿sir呢~

湯種金寶芝士包

死不服氣做不了湯種的煙un效果，結果用高筋粉再做一次．今次乖乖用返高粉加水煲熱至65度(上次只求其用熱水加高粉攪拌)．而且一開始留點水慢慢加入，不會黏手黏得太利害．薄膜也在搓揉15分鐘後出來了. 第1次發酵不是很大，但第2次發得很不錯(2.5倍大). 結果12am, 包包出爐了!! 真的如中種/麻糬冷藏法般一絲絲啊!~~~ 最重要的是,它的保濕程度很好,第三天也不會變乾呢~~(之後已經沽清了, 不能試第四天是否變乾^^)


湯種煮多了可以放雪柜, 幾天內使用也可以. 不用如中種般要待上幾小時才搓主麵團呢! 下次再試湯種麥包測試先!

把肉桂金寶粒全部倒在麵包表面，焗起有香香肉桂味, loving it~~~

紫菜薯仔餅乾

今日有點納悶，做了兩個點心氹自己開心.


紫菜薯仔餅乾　(共約370卡路里)

材料(約30塊)：薯仔170克、麵粉120克、腰果粉30克、糖50-60克、鹽1/4茶匙、發粉1/4茶匙、紫菜粉1茶匙。

做法：

1. 薯仔洗淨去皮切粒，放入鍋中蒸10分鐘(或至腍身)，取出趁熱壓成茸備用；腰果洗淨，用白鑊炒香腰果，然後打碎成腰果粉。

2. 冷卻後的薯茸加入糖拌勻，然後順序加入鹽、腰果粉、紫菜粉、麵粉及發粉輕手拌均勻；

3. 將拌好之麵糰放進保鮮袋，壓平，模印出不同形狀，放上焗盤；

4. 放入已預熱焗爐，用攝氏180度火焗12-15分鐘成金黃色，即可取出，待冷即可享用。

貼士：
1) 加入粉類時不要大力攪拌，免麵粉出筋；
2) 要做到香脆，每塊餅乾不要太厚，而焗至中段時要較低少釩袧④挋K長些陵伅‵K可以了；
3) 不想自己炒腰果，買即食腰果回來攪碎即可，亦可用杏仁粉代替；
4) 這餅乾不加蛋和油來製作，嗜甜的可自行增加糖的分量，情人節不妨做這健康餅乾送給至愛啊！
(METROHK)

圖文並茂食譜在此: 紫菜薯仔餅乾

這個食譜吸引我的地方除了是它的外型之外，還有它無油無蛋的配方．很難想像一個無油的餅會否變石頭．．．橫豎家中材料齊備,即管試一試吧!
結果麻，星星型的尖角位很易變燶，可是中間位置還是淋的．不敢再加時焗，怕變石頭，寧願當軟餅仔吃．味道還不錯呢！有點薯仔和腰果香，咸甜交雜的感覺^^
無油無蛋的餅乾始終不能做到鬆脆的效果吧，我想這個食譜加上牛油也真不錯呢！

南瓜洋葱粟米包

呢個包隔左一晚都有點乾, 其實我已在南瓜包加入湯種, 但係因為太懶用煲, 所以只係求其用熱水開, 唔知係咪因為咁, 所以做唔到一絲絲效果呢…
今次我自行加了南瓜茸與洋葱, 比例分量都冇跟食譜, 下次要跟足食譜再戰湯種~!!



朋友常說我花那麼多時間做包包, 不如落街買好過. 很想藉此訴說自己的心聲.大家大概不明白烘焙是我的興趣. 就如喜歡釣魚的發燒友會大灑金錢添置釣魚工具, 而我便是喜歡做烘焙實驗, 嘗試不同配方技巧做麵包,蛋糕,餅乾的效果, 那滿足感是別人感受不到的. 享受的不只是品嘗的時候(那可能只不過是幾分鐘的事, 如果是送給別人的就連這幾分鐘也沒有), 享受的時刻還有搜尋資料及製作的過程, 能夠想做就去做, 享受自己親手製作的無添加出品, 可真一點也不覺得辛苦呢!

千島蟹柳粟米腸仔Pizza

影婚紗相延期了, 結果這天相約鄰居整包包. 最後得貓貓嚟到, 不過我地整得好開心,焗完仲拎過去探wing wing 同希希添~ 今次送左好多件俾街坊呀!!!可以清緊條queue先.



pizza 係薄批皮, 一塊先焗皮,放材料再焗. 另一個係連材料一齊焗, 發覺後者效果較好,但要轉下層1加焗5min,餅底才夠熟

好同事兼朋友 j 病了,好多日唔見佢返工, 希望佢快d好返啦~~ 好返教你整菠蘿包啦~

工聯會麵包實習中班 第8堂

今堂學麥提莎包 同粟米麥包. 麥提莎包並非放D 麥提莎入個包度, 而係整D金寶脆面喺個包面度, 有我鍾意既肉桂粉加入呀~~ 個包包吉士餡, 我又玩野唔跟大隊整晒圓型, 而係一棚牙, 你睇下D 粟米似唔似D牙? 佢對住你騎騎笑呀^_^



另外既粟米麥包就麥粉多過筋粉, 所以唔係發得好大, 我同Kinki又勤力d搓埋呢個包, 不過勤力冇勤工獎, 都係同其他同學一樣分噤多,但係就兩款包都係親手做喇!
呢款包我地明明加左好多粟米入去, 但係食落又唔覺, 而且不是想像中的甜呢~ 呢個我又唔跟大隊整豬仔型, 一開二整左一個辮子一個長型, 阿sir 話我貪靚, 哈哈, 我邊度係呢~~

今晚天氣熱, d 包放晒入雪柜, 第二朝只淨低麥包, 証明都係甜包受哥哥們歡迎啲呢~

中大一日遊

原本是清明節去pre-trip的.但完成了各樣家務後己經是3時半了, 決定改星期六去.誰知星期六的天氣認真頂瓜瓜呀!! 同昨天真的兩個世界~~ 昨天還天陰陰的, 今天卻是藍天與白雲, 真的希望是今天去拍婚照呢!!

新建成的展覽館



即使今天是為了定路線而去中大,但係都係一個好好既拍拖節目.好耐冇返去喇, o係snack bar 食碟頭飯, 睇到隔離既大學生,諗返好多以前既生活片段. 仲有唔少畢業生影相添! 中大的景色真係一絶! 仲使乜去其他地方影丫~

天文台話星期六多雲天陰呀...天氣唔好既話寧願改期了...
翠綠的樹
2007年2月拍攝的紅樹 (絶冇做後期加工!)

重祼麥合桃無花果乾包

星期六出完街街,又把握時間整包包.以祼麥粉代替全麥粉，olive oil 代牛油,做了這個差不多40%祼麥成份的重麥包. 今次嘗試以湯種法做包,但是做不到預期的效果,可能是因為祼麥做出來的成品比較紮實,只發了1.5倍,不太鬆軟.

合桃是在家中取回來的,無花果乾是二哥早前買回來的,吃剩兩大棵,切碎它加入麵糰,發覺口感很好,而且像提子般甜,下次一定encore 呢!!
原食譜在此:湯種核桃提子麥包 mc 實驗室

麻糬種地瓜包

繼續做包包實驗，麻糬種+冷藏8小時發酵法, 發大得比中種更更更更鬆軟. 但是蛋味略嫌重了一點.地瓜茸是我自己加入的,但吃的時候卻不覺得有地瓜味道. 這個包真的到第三天仍是很鬆軟不變乾呢!!麻糬種好勁呀!!
加了些做撻用剩的金寶牛油碎在上面, 不錯不錯~

誠意推介給習慣用直接法的朋友試試, 或許會有前所未有的新發現呢! leilako 的食譜

最後發酵之前
發到迫爆個模呀~~
大大個

好鬆軟,一絲絲架~~~