工聯會麵包實習中班 第8堂

今堂學麥提莎包 同粟米麥包. 麥提莎包並非放D 麥提莎入個包度, 而係整D金寶脆面喺個包面度, 有我鍾意既肉桂粉加入呀~~ 個包包吉士餡, 我又玩野唔跟大隊整晒圓型, 而係一棚牙, 你睇下D 粟米似唔似D牙? 佢對住你騎騎笑呀^_^



另外既粟米麥包就麥粉多過筋粉, 所以唔係發得好大, 我同Kinki又勤力d搓埋呢個包, 不過勤力冇勤工獎, 都係同其他同學一樣分噤多,但係就兩款包都係親手做喇!
呢款包我地明明加左好多粟米入去, 但係食落又唔覺, 而且不是想像中的甜呢~ 呢個我又唔跟大隊整豬仔型, 一開二整左一個辮子一個長型, 阿sir 話我貪靚, 哈哈, 我邊度係呢~~

今晚天氣熱, d 包放晒入雪柜, 第二朝只淨低麥包, 証明都係甜包受哥哥們歡迎啲呢~