阿華田/花生醬QQ波

星期六的早上，睡到１０點，懶洋洋的作了個小食做早/午餐，不知不覺的吃了10個，糯米粉真的很飽肚，之後去阿毛度玩wii玩到天黑都未肚餓.
華田味很好吃，花生醬有些碎花生,很香口. 留了一些給他作明天的早餐，不過QQ波隔夜還是變硬了，不知道如果翻焗後會不會回復外脆內軟的狀態呢？

下面的那個像不像一個心型?

外脆內軟架! (出爐不久時)

拍拖褓姆查經聚會 － 浪子的比喻

今次的聚會是查經，經文是浪子的比喻，一個耳熟能詳的故事，想不到角度一轉，也可以應用在拍拖關係之上．在此與大家分享一下，不論你是否基督徒，相信也是一個很好的反省．

經文：路加福音15：10-32
故事大綱：曾有一個不孝之子要求父親分家產，他得了大量金錢後，竟到遠方飲酒作樂荒淫度日。不久耗盡了所有的錢財加上大荒年，無以度日，雖然找到了一份養豬的工作，他卻連餵豬的豆莢也不能拿來充飢！那時他才恍然大悟，自己的老家有多少傭工個個衣食無慮，自己卻在這裡餓肚子。於是痛定思痛決定回家，準備求父親給他做工換糧食，誰知他回到父親那裏去的時候，他父親不但熱情地迎接他，還宰了家中最好的肥牛來慶祝。長子知道了便惱父親，說：這些年來我服事你，從未違背過你的命令，而你從未給過我一隻小山羊，讓我同我的朋友歡宴；但你這兒子同娼妓耗盡了你的財產，他一回來，你倒為他宰了那隻肥牛犢。父親給他說：孩子！你常同我在一起，凡我所有的，都是你的；只因為你這弟弟死而復生，失而復得，應當歡宴喜樂！

這個故事的一般解說是喻意不論我們是如何的叛逆，只要我們回轉，天父還是會無條件地接納我們這些罪人．如果就上述不同角色中的角度來看，從這個故事可以看到大兒子, 小兒子, 父親 對愛分別都有不同的量尺：
小兒子：拿了“應得的”家產便遠走高飛，毫不為父親付出過．到山窮水盡的時候才想到家
大兒子：他認為好兒子是要服事父親，聽話，才能換取父親的疼錫，反之便不值得被愛
父親：不理兒子是好是壞，只要是自己的兒子，便毫不計較的愛他

我們在拍拖的關係中會否像上述的角色那般？
希望你不是像小兒子那樣認為對方愛你是應份的，而又不為對方付出吧?!
但你又會否像大兒子般用對方付出多少來衡量對方？有一天若他不為你付出那麼多,你又會否因此認為他不再值得你愛呢? 我老實的反省自己, 有時的確會將斤斤計較著誰愛誰多一點，但其實真正的愛，是像父親那般，毫無條件的付出，即使他做錯了事，仍然會原諒及接納他．

要做到這個，真的不容易．但如果在拍拖的關係裏雙方都可以像父親那樣無私的愛對方，那麼很多相處上的問題也可以減少了．願大家的拍拖關係都是甜甜蜜蜜，即使有不和，也藉著不和更加了解對方，互相磨合繼續走拍拖的路　：）

2008年2月22日

昨天又請了半天假,但係冇特別野想整,所以只係好悠閒咁行西田,用左$100 COUPON 加$3.2 買左罐黑芝麻粉孝敬母親大人,一支WASABI,泰式甜辣醬同一包水牛芝士(都是一些1煮食材料),咁就冇左1百蚊,家陣啲野真係貴...

在西田CREPE店買了一個照燒雞卷$22.味道OK啦,不過衰收尾,因為D照燒汁嚴重滲漏,整到我件褸,衫同裙都遭殃了,結果只得往洗手間洗...以後都唔買Crepe喇>.<

回到家沒事做,吃了些南瓜年糕(仲係軟熟架!一個多星期了,服未!),腰果,餅等(都係高脂高糖食品),睇左陳冠希既記者會,懶洋洋的一個下午...之後換鞋落城門河跑步. 上次農曆新年一連跑了三日之後就未再跑過喇, 今日天朗氣清,又有大把時間,決定跑個夠本,由廣源落濱景再直產去馬場盡頭的天橋(見到中大新建的酒店了!好高呀!),再跑到源禾路過橋折返,一口氣跑了1小時10分鐘. 回程的路途腳有點酸,要做足拉筋過鬆的cool down(很重要啊!). 很滿足!如果個個星期都可以跑得o禁盡慶,唔使趕時間就好喇!

在地圖量度跑過的距離,原來跑左10.7公里,咁咪可以去馬拉松囉~~~ 早知今年都報10km啦!

工聯會麵包實習中班 第1堂

向大家報告一下第一堂的實況吧! 整左噤耐麵包,正式跟師傅學都係第一次，阿sir 好nice, 有問必答, 我好俾心機聽書架! 仲幫阿sir 手搓大包添! 一次過搓三十個包既大麵團真係第一次, 夾埋二次搓包時間應該搓左40分鐘都有,搓到我出晒汗,(應該消耗不少熱量呢!),第二朝對手有點酸軟添!

今堂學整法包，洋蔥包同檀香山包．因為時間關係，我地自己親手搓既只有法包，而其餘兩個包就由師傅示範，洋蔥包其實係用法包麵糰加洋蔥碎，而檀香山包就加左牛油同蛋，所以比較鬆軟．我就有份幫阿sir 搓洋蔥包．這晚最大的得著是知道正確試麵糰筋度的方法．我在家一直拿起整個麵糰來試薄膜，師傅話原來係要用少少麵糰滾薄來試的，用大大舊來試一定會撕斷麵糰呢! 臨走時每人每款只可以拎一個包返屋企咋, 如果多一兩個就好喇~

(最下面果個就係我親手搓既法包喇^^)


(大個的是檀香山包 , 小的是洋蔥包)


(這是師傅用法包焗架示範的法包)

堂上作的包包都加了麵粉改良劑/加強劑, 其實麵包店買的都是這樣, 所以我還是喜歡自家製的麵包.另外,上堂時因為要短時間內發酵完成, 所以用的酵母份量是我平時的2倍多呢! 而發大的size 卻與我平時作的差不多(當然我在家發酵的時間是堂上的一倍多), 酵母太多,包包中間的部份會有點酵母的酸味 (與大哥在實習初班的情況一樣). 所以我想這次學了作包的基本功, 也不會再報班了, 始終添加劑不是好東西呢~

在班上認識了志同道合的Kinki，她的blog 有很多好靚靚的作品呢! 好開心呀! 可以有多點分享了~

整麵包

上星期愉友Shirley 說起她正在焗包包，談到冬天發酵很難（所以我也未再作包包了），她就pm問我試不試,愛包包的我當然興奮不已，回到家已經急不及待的試食，雖然個蟹柳火腿包因為天氣關係包得不太大, 但真的很好味, 包身很香，本來以為是牛油香，原來是鮮奶油! 我之前都試過用打衰左既cream 充當牛油，都是很香滑的．但那次是亂來的作品，遲d有shirley 食譜就可以自己再試整喇~~

真係好耐冇整包包喇．．．約定了gloria 一起等天氣暖一點的時候一起搓包，期待中 ^^

今晚就係工聯會麵包實習中班，等左幾個月,真係望穿秋水…很期待很期待! 以後一連十個星期三晚6:40pm~10:10pm就會在觀塘上堂，明天再話俾大家知我學整左d咩包啦~~~

芝士/原味QQ波

這晚Ada, Alice, Diana到訪，做了這個快靚正的小食．今次用糯米粉加澄麵, 食落個質感幾似出面賣的, 不過因為原味因為加多左水搓唔到波型，變左餅餅添！芝士味就真係似返個波波．
原味上面加左少少花生糖碎，味道不錯．芝士味就嫌芝士不夠，如果再加d 水牛芝士碎就更好了!
第二日雖然冇變硬到,但係粉味重左,外皮又唔脆, qq波都係焗熱食最好呢~

南瓜年糕後記:
這個年糕很神奇，雪過了一星期竟然仍能維持軟熟煙ｕｎ的狀態，也能吃到南瓜的味道．．．但是這次除了下了南瓜茸之外，其他材料和做法也與平時的一樣．．．軟熟的秘密是否真的因為下了南瓜茸？！ 未解開…

情人節晚餐

這晚回家已準備好所有材料, 打算整 白汁鴨胸會意粉 同 紅酒繪梨, 點知棋差一著…唔夠力開支紅酒 >.< 只夠力把酒塞提出了1cm…於是等他回來替我開瓶才能繼續, 幸好他這晚早回家, 所以一切還算順利

鴨胸是在凍肉店買的, 8蚊一包, 已經可以切出十多片來, 而且已經預先醃好了, 所以煮起來很方便, 只需解凍切片再煎香 (可以連油也不下, 因為皮層會出油) 味道與餐廳吃到的一模一樣呢! 下次會試下用橙汁 / 紅酒汁 煮, 聽說也蠻夾的!

意粉用上我最愛的linguine, 不粗不幼的扁意粉, 加上金寶雞粒磨菇湯, 大功告成!

至於紅酒繪梨, 煮法簡單, 但用料很雕讚，為了這個飲品買了丁香粒，肉豆寇粉
剛煮好的時候試了點，覺得有點酸，原來這個飲品雪凍後先最好飲架~ 真係好正^^

在家裏過情人節還是最好的 : ) 真正的二人世界

南瓜年糕

昨天又請了半天假，回到家做了一輪家務，再焗了橙和蕉蛋糕，已經是６時了（又是平時下班的時間，感覺好像返第二份工再放工咁．．．）

回到自己的家，與媽媽再作這個年糕．把南瓜加入年糕可算是新嘗試，出來的效果也不錯呢！不過南瓜的味被黑片糖蓋過了，下次可以減糖及增加南瓜茸的份量呢！

食譜:
糯米粉 450g
澄麵 150g
片糖 5片
南瓜茸 400g
水適量

南瓜去皮去核, 加適量水煮林, 待涼後放入攪拌機攪
粉類過茜
片糖 加水煮溶隔去雜質
把南瓜茸及糖水加入粉類, 再加水攪至無粉粒 (我冇量過加左幾多水添)
大火蒸1小時

p.s. 有食譜會加 油50ml

香蕉全旦muffin (4件)

至於香蕉muffin 仔, 很奇怪地焗的時候像火山爆發般, 可能梳打粉可以減少, 蛋下多了1只, 剛焗起時太重蛋味, 但幾小時後變得好吃很多, 可能待得越久,香蕉的甜味會越發滲出來呢! 不過用菜油沒有用牛油來得脆香, 下次試返用牛油先~


材料:
1. 雞蛋 – 2隻 (其實1隻都夠)
2. 菜油 - 30克
3. 楓糖漿 – 2.5 大匙 (不夠甜)
4. 麵粉 - 100克
5. 梳打粉 - 3克
6. 鹽 - 1小撮
7. 香蕉 - 1隻
8. 檸檬汁 - 小量
9. 桂格脆脆 – 少許

做法:
(焗爐預熱150度)
1.雞蛋 , 菜油, 楓糖漿打混.
2. 麵粉, 梳打粉和鹽混合篩勻.
3. 香蕉壓爛, 與檸檬汁混合.
4. 將香蕉與麵粉混合, 加入蛋混合物, 拌勻.
5. 將麵糊倒入muffin模內,約八分滿, 曬上脆脆, 焗20分鐘即成

全麥香橙pound cake

大家如何有留意, 都知道我很喜歡用水果加入甜點,作為天然的糖份. 今次做的是非常健康怡人的橙和蕉蛋糕, 用上ada 送的楓糖漿代替砂糖, 又用菜油代替牛油, 大大減少油膩感. 香橙pound cake 更用上全麥麵粉, 加入橙皮茸有淡淡的橙香, 是一個高纖又好吃的蛋糕呢!


全麥香橙pound cake(一條莎莉蛋糕模的份量)
材料:
雞蛋 - 2隻
楓糖漿 – 3大匙
全麥粉 - 60g
低筋麵粉 - 20g
橙皮茸 – 1 個
橙汁 – 1個
菜油 - 2湯匙
杏仁片 少許 (舖面用)
做法:
1. 預熱焗爐至150度.
2. 低筋麵粉過篩
3. 雞蛋及糖打至奶白色
4. 加入低筋麵粉及全麥粉. 改用橡皮刮刀輕輕拌勻.
5. 加入橙皮茸及橙汁, 輕力拌勻.
6. 加入植物油拌勻.
7. 倒入蛋糕模, 舖上杏仁片, 焗約30分鐘. 當表面呈金黃色時, 可以鋪上錫紙以免焗燶. ,

自作業 －馬蹄冬菇肉餅/炒雜錦/菜心

繼續煮飯! 今晚比較趕，因為要先在旺角買送再回家，仲買左個米缸, 比平時遲了足足１小時才開工，未正式煮的時候他已經回家了! 於是我以極速洗米煮飯洗菜切菜整肉餅（最多功夫的是削馬蹄）,結果用了1小時完成以上工序，再用15分鐘同時利用3種不同煮食工具煮熟三款送（微波爐叮肉餅，煲煮菜心，平底鑊炒甘筍馬蹄蜜糖豆），總算順利完成…



剛完成的時候愉友莎莉與可愛肥B也剛好回家, 取了美味的年糕回來,椰汁加原味做成啡白間的波浪紋,美觀又好吃,我也禮尚往來把朱古力蛋糕和曲奇餅送給他們作交換.
回來後我們邊吃飯邊看了<螢之光>的結局，這是一齣不錯的日劇（特別鳴謝wai ming san ^^），這晚就是這樣子渡過了.

大家明白我為何常說放了工才是我一天正式的開始吧! 不過為了令他不要再吃腸仔公仔麵, 忙d 都值得既…^^

鼠年新年快樂!

總結這個農曆新年假期，可以話係好享受咁渡過，節目不多不少，雖然不能見晒所有朋友，但在有限的時間又讓自己有私人時間休息，實在是最好不過呢～最重要係，以前忙碌既佢都喺我身邊一齊渡過呀！ 好開心好開心呀~

這三天也有與他的家人聚會，他們都很好客和友善的，有說有笑很愉快呢．
除了家庭聚會，還與鴿子園朋友一齊行花市，又探望了中學miss，見返幾位中學同學同老友,初四更與一眾愉友飲下午茶同家訪,好熱鬧呢!

二人世界的時候, 我們看了＜魔法奇緣＞早場，試了椒財雞腿／牛肉飽，煲了幾集日劇＜螢之光＞ (是關於一個女版電車男的故事，很搞笑又有教育意義－提及男女相處之道很有道理呢～)

一個人的時候也作了香蕉班戟,朱古力蛋糕與曲奇餅,又去了taste/jusco 掃煮食材料
數返轉頭, 年卅晚,初一同初二都可以去城門河跑步,實在太幸福了. 不知甚麼,跑步成了我一有時間便想做的運動，因為只要有一對波鞋，不用找同伴便可以成行，外面雖然很凍，但跑完會有暖love love 的感覺，出一身汗很爽呢～

這四天假期可真充實. 最正既係, 可以唔使校鬧鐘, 訓到幾點都得
不過做人唔可以太貪心, 4天假期很足夠了! 叉足電努力工作去!!

雙重芝士曲奇 / 咖啡腰果蛋白脆餅

這個食譜找了很久喇, 勝在快靚正, 打算整來招呼jam 的cell員.用了4片低脂芝士片 加35g 芝士粉, 香濃得很. 再加上少許五香粉增加風味. 不過可恨芝士粒易燶, 表面燶了裏面又有少許淋…還是不敢請朋友吃了…可是, 只論味道真的不錯, 所以我會再encore 的!!

弄了一個濃味的芝士曲奇, 由於只用蛋黃, 所以多了3只蛋白, 結果找來了這個健康食譜, 是只用蛋白製成的脆餅, 加入腰果, 是意大利人伴咖啡吃的小食. 可惜腰果不夠香脆, 又不夠心目中的咖啡香氣., 幸好只做了一半份量, 廿幾塊…下次再改良吧~

法式松露朱古力蛋糕

這個要特別鳴謝欣昕&Simon送的法國Truffle朱古力，用來做濃朱古力蛋糕一流! 第一轉用7寸圓模,第二轉用小muffin 模, 加了一只香蕉茸及肉桂粉少許.
朱古力的可可脂果然利害, 加入蛋白糊的時候見住佢不斷消泡...所以蛋糕的質感比平時的結實, 與網友的成品比較也差不多, 口感很rich. 男友讚不絶口, 還介紹給他的cell 員吃. 本來這個蛋糕是弄給愉友吃的, 但結果因為時間關係, 成了招呼朋友與同事的開年小食. 不過還有一包朱古力, 會再弄的, 這個蛋糕可以見得人喇, 嘿嘿

楓糖漿

謝謝ada 遠道由seattle 帶來的A 級楓糖漿, 令我首次品嘗楓糖的味道. 真的很特別, 比蜂蜜來得清香怡人, 很想快點用它來製作糕點呢! 上年買的<自然派甜點> 食譜有很多用上這低卡路里食材呢!

滷水雞脾 / 炒南瓜糕 / 糯米紅米飯

話說之前在葵涌買了一包$1.5 的花椒八角，今日決定試整滷水雞脾，於是又買了一樽老抽(家裏的調味醬料越來越多了…)．煲了10min 便熄火浸30min，加上我早一晚已經醃了, 所以很入味呢~ 不過用了5大匙老抽, 3大匙生抽, 又黑糖又楓糖, 都只係整4只雞脾, 真的有點大費周章呢, (倒汁料的時候真的有點痛心>.<) 不過留左都唔知幾時再整, 冇計啦…

這是南瓜糕臨行刑前的橫切面, 今次切粒落海鮮醬炒, 又唔錯啊! 總算ko 左底糕喇! 依家仲差1樽仔年糕未食，新年真係增肥日．．．要做多d運動先得!

至於糯米飯，我加了冬菇，五香豆干粒同豬肉鬆，不過原來糯米同紅米浸完水之後唔使再落平時ｏ禁多水架，　所以今次煮得太削，下次會好味ｄ架喇honey ^^

薯仔餅 / 豆瓣醬炒南瓜糕 併 煎餃子 / 炒雜錦

上次唔憤氣，要再戰雜菜餅，今次用薯仔甘荀西芹加麵粉，煎得似為啲樣喇，仲幾好味添～　呢款餸用來tum 細路食蔬菜就最啱喇 : )

南瓜糕在家被冷落，帶左一半返愉翠，又買左豆瓣醬，將南瓜糕切糕炒（抄酒樓既ｘｏ醬炒蘿蔔糕），出來效果幾好喎! 個味道仲好似蘿蔔糕添~ 底糕有救喇~~

煎餃子同炒雜錦就冇乜特別，都係雪柜有咩剩就煮熟佢咁, 不提也罷啦，　哈哈～
今晚試整卥水雞脾喇～～各位祝我好運喇～～

二月生日會愛筵

今年第一次由我地cell 搞愛筵，一於搞大佢！！當我地開會傾既時候，發現原來我地小組有好多藏龍伏虎，喺我地”腦震盪”既時候諗左好多野，結果出左以下既餐單：
１． 煎餃子（jelly確保不用日本出事餃子！！）
２． 咖喱小丸子（frente）
３． 秘製厚切豬扒 (大健媽咪，好入味架！)
４． 啫喱糖　（蟹）
５． 雜果粟米沙律（志偉，原來有沙律醬係0g飽和脂肪架! 味道仲要同普通沙律醬一樣添呀!）
６． 雜果賓治（由嶠切生果，加香檳芬達雜果）
７． 煎蘿白糕（Annie媽咪）
８． 炒麵（Jay J, 真係不敢相信,好味到好似出面賣的, jj 你大可以做大廚呢!）
９． 栗子蛋糕(好軟綿綿又香甜既栗子蛋糕, Michelle 專登為haha 學整架! 仲整到好夜先訓添, 辛苦晒^^)
１０． 芒果布甸(外援: monica，依家好難買到芒果架! Monica 勁勁呀!)
１１． 大健由沙田買左8個炒飯麵，仲要整個暖水袋為ｄ飯麵保溫，我拎過個袋，真係好重好重
由於今次好多野都係出自弟兄姊妹既無私奉獻(包括家中私伙材料, 時間同心機), 所以今次請埋壽星女haha 都係每位25蚊咋! 大家都大叫好抵又好食, 仲有剩添~~

今次安排得幾順利，多得cell員的共同努力，惟一想搞好啲timing　control , 已經預早了時間，但結果都比我預期遲左15min 開始，祈禱會變得好趕時間添! 希望下次可以做好d～ 今次o禁多自製美食, 當然要影低留為紀念啦!

同時加映祈禱會後的進修查經，之後仲同cell員打羽毛球，回家時已經天夜了, 豐富的一個主日 ^_^

咖喱薯仔雞翼 / 南瓜甘筍絲餅

好緊張呀! 今晚係維修飯煲後第一次再試用它煮飯, 結果好順利, 仲要半個鐘唔使就煮好,咁都安心d.
上次在葵涌買了一包1蚊非常香既印度咖喱粉,用來弄咖喱薯雞翼，點知留得太少，唔多夠味，雞翼醃得半粒鐘，唔夠入味添～

第二款新餸係雜菜餅, 材料有洋葱,南瓜甘筍西芹笣絲, 衰在自己多手除左麵粉之外仲加左糯米粉, 以為會出到燒餅效果, 點知變左黏到一pat 野咁…變左薯蓉, 仲要煎燶左, 我仲要適應下隻鑊先得, 用慣左易潔鑊添…
由於今次失敗左, 所以相都冇心機影喇, 下次再影啦~~~

p.s. d 雞翼到第二日lunch 叮飯時入味左喎，隔左夜仲好味ｄ

開始重拾住宿時煮野食既感覺喇~以前在宿舍，次次都要由房抽個飯煲，煮食用具同材料行10米路出出入入，又要同鄰居輪流煮，好多野都控制唔到，煮衰左又驚俾人見到．依家爽好多呢, 成個廚房任我舞！偷食都冇人知，哈哈哈～～

年糕與南瓜糕

星期三下午又請了假, 今次返屋企整年糕, 不知不覺，原來媽咪幾年冇整到年糕喇！好鍾意年糕凍食硬硬地，煎熱食就煙煙ｕｎ　ｕｎ　既感覺．媽咪話年糕要搓好耐先會煙ｕｎ架! 不過我都係跟食譜整,所以都係用最簡單既方法開粉漿. 鄰居們的豬仔同魚魚年糕好靚呀! 我整既傳統年糕相對就遜色多了. 不過今次不是送禮既就冇所謂啦~ (圖中仍是蒸前與蒸後的樣子)

用差不多2斤粉(糯米粉同澄麵)蒸左2粒鐘,剛蒸好果陣好淋架,所以未知好唔好味, 聽日試下先 :）

另一樣新嘗試係南瓜糕，其實佢就好似蘿蔔糕咁，不過用南瓜代替白蘿蔔．只係用左250g粘米粉，因為唔知好唔好味，結果真係好淡，南瓜絲又未溶，粉還粉，瓜還瓜．下次都係要跟足食譜煮到佢變南瓜蓉先得．聽日要試下煎香佢睇下有冇得救．．．(好彩只係整左細底啫…)

焗南瓜汁雜錦意粉

大食會過後，由於美食太豐富，多得食不完，結果把吉女弄的海鮮辣粉絲拿回家，回家仔細的看了看，發覺這個粉絲毫不簡單！單計這剩下的部份，已經有廿幾三十隻蝦(仲要已經為我們去殼!), 還有豬肉碎，西芹絲，清甜得很的車厘茄（在中心位置預先切開了十字），加上辣汁，非常美味! 可見吉女真的為這個大食會花了不少心機呢, 下次要找機會感謝她，小吉娶到吉女真係幸福呢!

結果，粉絲成了我的早餐，餘下的材料(蝦和肉碎)，再加上南瓜，腸仔，芝士，便做成這個意粉．滿滿一盆被我和他ko了, 很喜歡用南瓜煮溶製成的汁，他也很喜歡，不過因為時間關係，未焗上色便拿出來了! 也頗好吃的, 很滿足^^