工聯會麵包實習中班 第1堂

向大家報告一下第一堂的實況吧! 整左噤耐麵包,正式跟師傅學都係第一次，阿sir 好nice, 有問必答, 我好俾心機聽書架! 仲幫阿sir 手搓大包添! 一次過搓三十個包既大麵團真係第一次, 夾埋二次搓包時間應該搓左40分鐘都有,搓到我出晒汗,(應該消耗不少熱量呢!),第二朝對手有點酸軟添!

今堂學整法包，洋蔥包同檀香山包．因為時間關係，我地自己親手搓既只有法包，而其餘兩個包就由師傅示範，洋蔥包其實係用法包麵糰加洋蔥碎，而檀香山包就加左牛油同蛋，所以比較鬆軟．我就有份幫阿sir 搓洋蔥包．這晚最大的得著是知道正確試麵糰筋度的方法．我在家一直拿起整個麵糰來試薄膜，師傅話原來係要用少少麵糰滾薄來試的，用大大舊來試一定會撕斷麵糰呢! 臨走時每人每款只可以拎一個包返屋企咋, 如果多一兩個就好喇~

(最下面果個就係我親手搓既法包喇^^)


(大個的是檀香山包 , 小的是洋蔥包)


(這是師傅用法包焗架示範的法包)

堂上作的包包都加了麵粉改良劑/加強劑, 其實麵包店買的都是這樣, 所以我還是喜歡自家製的麵包.另外,上堂時因為要短時間內發酵完成, 所以用的酵母份量是我平時的2倍多呢! 而發大的size 卻與我平時作的差不多(當然我在家發酵的時間是堂上的一倍多), 酵母太多,包包中間的部份會有點酵母的酸味 (與大哥在實習初班的情況一樣). 所以我想這次學了作包的基本功, 也不會再報班了, 始終添加劑不是好東西呢~

在班上認識了志同道合的Kinki，她的blog 有很多好靚靚的作品呢! 好開心呀! 可以有多點分享了~