奶茶麥香蛋糕 24.3.07

想整蛋糕,有奶茶包同麥粉,又想搞搞新意思.整蛋糕的技巧越來越純熟了,由準備材料至入爐及洗滌收拾只用了1小時,出爐即倒扣至全涼才脫模,果然沒有回縮，分旦法還是最好的!
由於用了3份全麥粉+1份低筋粉，加上奶茶包，所以蛋糕體本身是啡色的，不過蛋糕是出乎我意料之外的軟滑，還有淡淡的麥香，本來以為多麥粉會鞋口添！
拎左一半返永光請鴿子園的同工吃，受苦週來讓大家受苦，應應節^^

入爐前

焗緊喇

有部份痴住個底，唔見得人

中間都見到d麥粒粒

轉貼 -- 女 醫 生 辭 工 學 聲 樂 芭 蕾 舞

無意中在網上看到cu choir認識的小勁勁於上年的一篇報紙訪問，她是一位精靈可愛的靚女醫生，可說是人見人愛，但想不到她的光輝背後，原是是付出了那麼多的努力才能換取的呢！

莊 勁 怡 相 信 學 習 音 樂 、 舞 蹈 藝 術 更 能 掌 握 病 人 的 感 受 。
撰 文 ： 冼 麗 婷
攝 影 ： 王 子 俊

我 兩 年 前 在 中 文 大 學 醫 學 院 畢 業 後 當 家 庭 醫 生 ， 今 年 十 月 我 會 與 醫 生 男 友 結 婚 。 早 前 ， 我 辭 去 工 作 學 習 聲 樂 、 鋼 琴 、 芭 蕾 舞 、 還 要 準 備 合 唱 團 表 演 ， 考 取 健 體 教 練 牌 照 … … 所 有 在 童 年 、 少 年 時 期 沒 有 機 會 學 習 的 ， 我 都 要 一 一 追 尋 。
有 人 覺 得 我 現 在 的 生 活 很 寫 意 ， 其 實 ， 我 的 成 就 、 幸 福 ， 得 來 不 易 。

家 貧 放 棄 入 讀 女 拔 萃
小 時 候 ， 父 親 工 廠 結 業 ， 我 們 兄 弟 姊 妹 六 人 只 能 用 最 少 資 源 生 活 、 讀 書 。 念 幼 稚 園 時 ， 因 為 媽 媽 買 不 起 一 條 二 百 多 元 的 芭 蕾 舞 衣 ， 每 星 期 全 班 女 同 學 嘰 嘰 喳 喳 到 舞 蹈 室 跳 舞 ， 我 卻 一 人 留 在 課 室 做 功 課 。
小 學 時 ， 我 架 又 大 又 厚 的 近 視 眼 鏡 ， 束 媽 媽 剪 的 冬 菇 頭 ， 襪 子 舊 得 發 黃 ， 曾 因 班 長 向 老 師 投 訴 不 清 潔 而 被 記 名 。 但 我 對 讀 書 很 有 信 心 ， 本 來 可 以 升 讀 拔 萃 女 書 院 ， 為 了 節 省 車 費 ， 我 只 能 選 擇 最 近 我 家 的 學 校 。
中 一 至 中 三 媽 媽 中 午 送 飯 到 學 校 ； 高 中 以 後 ， 我 得 依 靠 自 己 ， 直 至 考 上 大 學 ， 我 才 有 機 會 學 爵 士 舞 、 聽 古 典 音 樂 會 。 修 讀 醫 科 期 間 ， 我 又 因 為 父 親 有 情 緒 問 題 ， 一 度 無 家 可 歸 ， 最 後 得 同 學 朋 友 幫 忙 才 能 度 過 難 關 。
感 謝 上 天 ， 我 有 快 速 的 學 習 能 力 ： 別 人 講 解 蛙 式 撥 手 及 呼 吸 方 法 ， 我 下 水 便 學 會 ； 上 雪 山 滑 雪 ， 我 學 一 小 時 便 懂 得 轉 左 、 轉 右 、 加 減 速 及 煞 停 ， 從 山 頂 輕 盈 滑 行 三 十 秒 落 山 ； 學 習 駕 駛 十 小 時 ， 我 成 功 考 取 車 牌 ； 用 數 月 時 間 便 成 功 考 取 了 八 級 聲 樂 ； 因 為 掌 握 人 體 結 構 ， 考 取 健 身 器 械 教 練 牌 照 一 點 也 不 困 難 。

立 志 兩 年 考 取 八 級 琴
快 速 不 等 於 容 易 ， 我 做 每 一 件 事 都 集 中 精 神 。 以 前 考 公 開 試 ， 同 學 用 十 天 時 間 做 十 年 的 試 卷 ， 我 連 續 坐 十 五 小 時 把 它 完 成 。 自 小 在 壓 力 下 長 大 ， 我 沒 有 揮 霍 時 間 的 本 錢 。
將 來 ， 我 很 希 望 當 一 個 宣 傳 健 康 教 育 的 醫 生 ， 懂 得 藝 術 、 愛 好 運 動 ， 才 能 體 貼 病 人 感 受 、 影 響 他 們 關 注 健 康 ， 我 也 相 信 ， 懂 得 唱 歌 跳 舞 的 民 族 會 特 別 健 康 快 樂 。
我 已 上 了 鋼 琴 第 一 課 ， 希 望 兩 年 內 完 成 八 級 考 試 ； 稍 後 我 也 會 學 習 芭 蕾 舞 、 考 專 業 試 。 我 不 虛 榮 ， 有 些 事 情 錯 過 了 便 不 能 彌 補 。 否 則 ， 十 年 後 ， 我 還 能 跨 「 一 字 馬 」 嗎 ？

<轉貼自 蘋果日報 阻你三分鐘 我想話你知...>

Three Sixty

位於置地廣場4/F的Three Sixty Supermarket，市場對象很明顯是中環出入的premium class。與太子大廈裏的Oliver’s Delicatessen相比，這裏的空間感大一些，也光鮮一點，上層還多了個high class food court。超市裏貨品種類則差不多，都是一些外地運來的貴價貨，還有標榜健康的有機食品，不買也值得來見識一下。當中最吸引我的，當然是La Rose Noire Bakery啦!La Rose的麵包雖然是比一般bakery貴一點，但勝在夠新鮮，麥包散發著麥香，外脆內軟，有時候還有試食。靜靜告訴你一個秘密，我與他的第一個情人節晚上就在這間Bakery買了兩個麵包在公園吃，於我而言，我從不會用“捱”麵包來形容自己呢，因為我真的喜歡吃麵包呢^^（註：我只愛吃歐陸及台式麵包，日式和港式麵包很多都太油太甜，吃了會壞肚皮的啊!）

被麵包哥哥發現了!

靚過citysuper，價錢也自然．．．

色彩繽紛的紅橙黃綠椒

聯合詩班

喜歡唱歌的我，自從cu choir的朋友走得七七八八，也再沒有回去練習了…很懷念以前與一班alto好姊妹一齊hehehaha的日子呢…一直都想試下參與聯合詩班(即客串詩班)，但每次都錯過了試音機會，今次把握機會試音，但我竟由從前cu choir時的女低音(alto)變成了女高音(soprano)。詩班長說這樣安排是因為我的高音較響亮，大概是因為現在的我與七年前的我的唱歌方法不同了吧?的確自懂得用丹田唱歌以後，聲音是會比較出的。但是，就合唱團而言，alto唱的和音部份難度較高和較有趣，以往最享受alto聲部可以把主音和唱得很悅耳動聽。

聯合詩班為4月6日的受苦節崇拜獻詩練了兩次，都是一些很動聽的英文詩歌(最喜歡”Come and See”mp3)，很期待當日穿上詩班袍在台上為主獻唱的時候呢!由於練歌的時間太緊迫了，沒有機會認識其他詩班員，有點可惜呢。詩班員給我的感覺是很專業，他們會一同報考樂理試及溫習，但另一方面，他們也要為教會付出很多時間心力呢!不知有朝一日，我會否成為全職的詩班員的一份子呢?

最近發生的幾件小事

唔知係咪完左考試同馬拉松，壓力細左，心廣就自然．．．比幾個月前足足肥左4公斤呀!夏天就來了，到時要著短袖衫褲就見到啲肥肉了，弊喇弊喇，要戒口同做多啲運動先得! 、

中學好朋友Ann來電，佢轉左行做保險經紀，想約我出來傾下，講真，如果係第二個我一定會立即推，但佢係我少數中學的知己之一，所以都答應了出來，順便聚下舊。但事先講明唔會幫襯，無謂令佢失望。初初聽佢講轉左行，都幾驚訝，因為講真做呢行一定要好圓滑同好厚面皮，俾我就一定唔得，都希望佢可以處理得到。

每逢夏天將至我都會剪頭髮，早兩日把心一橫一剪剪左六寸，例牌幫襯樓下間新偶像68蚊搞掂洗剪恤。平時幫我剪開既Mary當天剛好放假了。無指定師傅一向都係要冒險，如果碰巧遇著新手便凍過水了。幸好最後是一位有經驗的髮型師替我剪髮，見她手勢純熟，出來的效果也不錯。因為頭髮剪短後有點蓬鬆，所以出街前把頭髮束起了，從前面看與往日長髮時沒多大分別，果然，同事們都不察覺我剪了頭髮呢!

昨日吃了個蘋果後，牙齒有點酸軟，越諗越驚，晚上將買左好耐但一直懶得用既牙線拿出來，嘗試跟住示範去做，唔係好慣添…不過冇我想像中般流牙血，為左將來著想，試下突破自己先得。

饑饉月,除左夜晚仲有口痕食包(已得到教訓 -- 肚痛),其他都ok遵守得到,繼續努力!

饑饉月開始 11.3.07 ~ 7.4.07

永光堂一年裏面會分不同的節期,每年3月~4月就輪到為期28日左右的「大齋期」(又名「饑饉月」)。「節約自制，操練靈性；饑饉儉樸，分享豐盛」就係我地大齋期的生活目標。

大齋期唔係食齋咁解,而係o係呢段期間要節儉一些,生活過得簡僕一些.一方面藉著攻克己身來反省自己的生活,更親近神;也將省下來的金錢捐助世界各地的福音事工.

除左食少d,食得清d,買少d無謂野之外,呢段時間仲會為攻克已身有額外的個人默想及祈禱時間等.還有4月2日~5日一連數天的晨更(朝早7點~8點的集體祈禱會).可算是對個人肉體,精神上的大考驗呢!

每個人的壞習慣,縱情的享樂也不同.我自己又可以為神o係呢段時間裏放棄d咩呢? 對我來說,懶同為食係兩大要害.一夜左就懶得靈修,所以我呢個月既個人目標係早睡早起,習慣睡前靈修.仲要戒為食,唔餓就停唔好食到濟.晚餐要正經食飯唔好食立雜野.

可能對好多人o黎講呢個都唔算係d咩野目標,但其實我昨天傍晚回到家已經破戒食左朱古力,甜包同曲奇了!因為慣左o係屋企冇野做就會去找東西吃,搞到昨晚又飽到食唔到晚飯>.<,一直都知呢個壞習慣要改,但只是每次都事後後悔...第一日就衰左,更加令我要時刻警醒自守,過埋餘下既廿七日. 各位永光堂兄弟姊妹都要加油呀!!

大埔 鐵路博物館 + 舊區四圍遊 10.3.07

今日係饑饉月前最後一日,玩就玩埋佢,之後要收心養性.同jam去大埔區,先去鐵路博物館睇下女仔影沙龍既熱點係咩地方.發現d攝影師真係好利害,一個o禁細既地方都可以影到o禁多o禁靚既相.今日比較冷清,o黎既都係小學生團同一家大細.

honey帶我o黎之前已經做足功課,去到廣福坊一帶真係好多野睇呀!介紹下幾間比較特別的:


1) <好多多>: 比旺角便宜得多的零食店,在那兒買了懷舊小食 <企爐餅> 有咸/甜味任君選擇. 咸味就係南乳,甜就係芝麻,糖,我揀左甜版,其實食落就好似脆版既老婆餅咁,不過我都係覺得老婆餅好食d


2) <嘉頓特惠店>:裏面有各款蛋糕,麵包,餅乾,全部以特價發售.例如一包威化餅,原價$7.5,佢就長期賣$5.仲有一d平時見唔到既雪藏版麵包賣,不過一向都唔多好d落防腐劑既野,所以都係入去打個白鴿轉就走.


3) <上海一家>:外賣蒸包小店,有各款新鮮熱辣的麥饅頭,粉果,蔥油餅等,價錢平,好多人幫襯.


4) <日美麵包西餅>:街坊bakery,呢度其實有好幾間bakeries,全部都係自設工場,d蛋糕曲奇既售價比旺角平好多,7蚊一件芝士蛋糕,26蚊一磅曲奇...結果都忍唔住買左半磅曲奇同一件合桃蛋白卷旦.
曲奇可以任選款式,都是一般的牛油曲奇,但合桃蛋白卷旦就好重身,$3.5一件,中間仲有花生醬,好飽肚.蛋糕中間有d果仁碎,脆脆地好有口感,好好味,下次試下自己整先得!

好鐘意行下唔同既區,唔使買野四圍行,睇下d得意野,已經係一個好好既節目,仲有靚仔陪我添,好開心!


行完街街又到食晏時間,去新落成幾年既綜合大樓睇下,二樓既熟食中心真係好好好~~~大呀! 有40間唔同既食肆,應有盡有!上海,港式碟頭,點心,粥粉麵飯加糖水.雖然得o禁多間,但係間間都坐滿人!好勁!由於我同jam都唔肚餓,所以去左食點心.燒賣蝦餃腸粉加糯米雞兩個人埋單只係30蚊咋.


食飽飽返屋企整湯圓,首次用酥心糖做夾心,不過一次用半粒都甜得濟 =.= 都係覺得以前媽咪用片糖粒粒做夾心最好味,一咬落去粒半溶既片糖滲出糖香,咬碎粒片糖再連埋煙un既糯米外皮一齊,真係食過返尋味...

豆知識:
企爐餅 主要特色是制餅師傅必須全神貫注地於爐房看守焗餅情況，以防過大火影響餡料口感，故此取名為企爐餅

馬拉松 過後 6.3.07

今天是馬拉松後第二天,身體沒有甚麼異樣,喉嚨痛經過馬拉松後離奇不藥自癒了,昨天也再沒有肚瀉.
回想起來真的要感謝主的保守,還記得賽前幾天一直都wing wing 地,還一直擔心不能出賽.結果當日的狀態非常好,還順利完成,而且在尾段還可以衝刺,証明我還未去盡呢~
今日中午出成綪了!
總名次: 4772
性別名次: 564
組別名次: 229
大會時間: 2:28:12
個人時間: 2:21:32

由於遲了些去到起點,所以個人時間(由踏上起步蓆開始計)與大會時間有些少差別.今年半馬拉松共有約11,000參加,當中兩成為女性.與jam時間差5分幾鐘到步,但已經差860個名次了.anyway,今次志在完成全程,算是有個交代了^_^

心情仍然有點雀躍,參加馬拉松真係幾好玩,雖然只係短短幾個鐘,但當中好多片段仍然歷歷在目,也是一個深刻的體驗呢!

半馬拉松: 順利完成! 4.3.07

昨晚8:45pm上床,結果都要9:15pm先訓得著.真係唔慣噤早訓...3:45am起身,叮左媽咪昨晚為我精心準備既南瓜豆腐肉碎飯.4:40am出門口,外面下著微雨,但天氣和暖.本來打算搭的士去第一城馬鐵站,點知一架的士都冇...結果同jam一路傾住電話一路行落去,途中都撞到兩個著馬拉松衫的女子.去到大圍站,全部都係參加馬拉松的人士,多到冇位坐,好誇張.心情亦好雀躍.慶幸在第一城站已經換了短褲,因為尖東的流動洗手間都大排長龍.

放行李時有個義工話好似掉垃圾咁...哈,又真係幾似...去過既人就知,個袋就係厚垃圾袋咁既質地,索埋就係.
見到噤多跑手,心情越來越興奮.未試過噤多人一齊跑步架!心想三小時內完成就可以了,慢慢地享受跑步的樂趣,不給自已壓力.

Everybody get ready!開始起步了,在美麗華酒店出發,比預定時間遲了點起步,大家都叫嚷起哄,好high,但人實在太多,好似星期日既旺角咁,多到跑唔到.我與jam不斷的在人群裏穿穿插插,直至葵青公路才好一點.我叫jam唔好等我,要等就在終點等吧!跑左冇幾耐就有水站,咁咪即係5公里?!又真係喎...原來迫下迫下...已經過左4分1 !!
天開始亮了,感覺很舒服.雖然今朝下過雨,但由於有風,所以不會感到很濕...一邊跑一邊沒有想甚麼,只是不住的跑,中途有不少人停下來,我就不斷提醒自已停下來再跑會仲辛苦,所以就算上暗斜,亦keep住慢跑...

沿途好多野睇,見到有人背著背包跑,真係辛苦.又有人邊跑邊聽mp3,仲開到好大聲.就係咁,好快就過左11公里,即係已經過左1半喇!!這個時候已經跑順了,身體機能仍然良好,good!
就o係呢個時候,有個中年男人成個跣低左,大叫一聲"哎呀!"我只拎轉面看了他一眼就繼續跑,其他人都冇乜反應...中途又見到我個女仔擦傷流血,有醫護人員正為她療傷.的確真係要小心架!尤其係當經過水站時,真係好易撞到人...又成地都係水,海棉同紙杯...試過見到有樽裝可樂打橫放o係地度添,真係陰死人.

中途有人大叫為參加者打氣,又有啲口號牌叫人加油,有個口號話:勇往直前,衝上雲霄! 跟住我後面就有人大叫"啋!大吉利是!" 好搞鬼~~

入到西隧,空氣比想像中好,但由於有十公里的參加者加入,不住的拍相,就像百萬行那樣,結果又要穿插人群,淨下不夠3分1的路程,連自己都覺得驚訝,幹麼好像那麼輕鬆,也沒有練習時那麼累.心裏也想著剛才喝了的運動飲品可以補充體力,就這樣不斷的跑呀跑,好快去到灣仔,最後1公里,我更快加快了步速,終於到終點了!!時間是2小時28分鐘,真正時間應該會短啲.

原來,最難捱的時間由此刻開始...拿了水,運動飲品和食物包之後,就不住的等...原來拎行李要人流控制,等左足足廿分鐘先入到去灣仔運動場,入到去仲要等多轉...
跑完21公里既感覺係 -- 少少肚痛=.=,反而沒有預期中抽筋,腳痛同肚餓既感覺...拎完行李個肚越來越痛,結果要去港灣中心的洗手間,又係要等=.=...去完好一點,打俾昇仔,原來昇仔2小時5分鐘已經完成,勁!仲同camel傾左陣,就返屋企休息...過兩日就可以睇返大會影既相同個人時間喇~~

以前跑步,只為了減肥同健康.自從報了馬拉松,跑步就變成我要突破自己的一個目標,看到自己越跑越進步,那滿足感實在難以形容.

越來越愛上跑步了^_^

我的號碼布與計時晶片


尖咀開跑前放行李,幫你車到去灣仔

無油藍苺優格蛋糕

買左兩杯yogurt,一杯食左,一杯藍苺味留返整蛋糕.仲買左一樽迷你果醬(28g).
今次搞搞新意思,試下整完全無油,原來都得冇乜分別喎!都係噤軟滑.
同埋試過幾次都發覺優格蛋糕係雪凍左好食啲架!有啲似芝士蛋糕咁...食左噤多次,都係草苺味最正.
優格蛋糕始終好濕,焗到出面燶裏面先唔痴木簽呢~~原本焗緊果陣升到好高架,不過加時再焗佢就縮返入去了>.< 今次已經專登分兩個模焗等佢易熟d架喇...哎吔吔...


彈到好高呀!

中間有d藍苺粒粒,但表面燶了些

休閒的星期六 3.3.07

星期五過左日文mid term,今日可以抖返下.朝早起身喉嚨有啲痛...去左green box唱k,仲好順利咁買到俾正珩既結婚禮物.
聽日就係馬拉松喇...o尋晚收到sing仔既sms,都好期待聽日既來臨.加油呀!
今日係休息日,唔會再練跑,下午返到屋企冇咩特別野做,反而覺得有啲唔知點咁,只係等時間過,今晚就9點訓,迎接明天的來臨.心情好複雜,有點驚稍有差池會完成唔到...

第一次的馬拉松,結果點樣? 下回分曉!

CELL開年飯 25.2.07

今晚jelly cell齊人開年,地點係joey屋企.除左cell員外,仲有幾位cell員的另一半出席,叫左樓下的外賣,水準很高呢!果然係嘉亨灣,有返噤上下.今晚純綷大家開開心心坐埋愛筵,睇下上海新鮮熱辣的旅行相,盡興而返.
特別鳴謝JOEY同阿亦,之前果晚剛剛先落機,第二日又要執野,仲煲埋靚花膠湯同高級餐廳先食到既紅酒繪梨.唔講唔知,原來紅酒繪梨既精綷所在,是煮完梨既紅酒.橙的甜與紅酒好夾,而且因為煮過,酒精都揮發掉了,很易入口,還有肉桂的香,實在好感動,好想自己整^^ 阿亦,辛苦你洗成十幾廿隻碗, 仲有阿雙病左都來一齊開年,希望你地快D痊癒啦! (合相在另一部機度,所以未post到出來呢)


入得廚房,出得廳堂既joey

玩頂帽玩到幾開心^^

開餐喇


飯後甜品來了!!

呢個先係壓軸!





















這是在citysuper網找到的食譜,誠意推介,一定冧到情人暈得一陣陣

醉心紅酒煮梨

Ingredient
啤梨2個，去皮，切成喜愛形狀
紅酒1瓶
砵酒數滴
咖啡糖3湯匙
檸檬半個
鮮橙半個
肉桂條1支
丁香2顆
肉豆蔻少許

How to Cook
1. 於平底鍋放入酒、檸檬、鮮橙、肉桂、丁香、肉豆蔻及啤梨
2. 煮滾後可即時熄火
3. 啤梨於其入浸泡15分鐘，即可移至玻璃杯中，並蓋以煮過之紅酒
4. 熱暖之紅酒可與甜梨一同享用

訓練日誌 / 渣打馬拉松嘉年華 24.2.07

今朝係馬拉松之前最後一次跑長既預習，朝早食左一份吞拿魚三文治同一杯即沖麥片。今日既目標係13公里,我跑沙田,jam就跑大埔再去沙田,相約宿舍再會合。分開跑有個好處,就係唔會就住大家既進度來跑,明知唔夠佢跑得快,也慣了自己跑,享受城門河的風景。先由大學沿單車徑跑往瀝源,再去廣源,在屋企樓下撞到財神派朱古力金幣利是,呵呵!之後再跑返大學,回程時已有點肚子餓了,到時食一份三文治真係唔夠,一定要食得夠先得,唔係都幾難頂。

今日狀態唔係噤好,最後10分鐘都要半行半跑,睇嚟到時最後5公里都係要靠意志跑埋佢,始終唔係練得夠。但我同jam都感到比起初初跑,我地都已經進步左好多。同埋開始掌握到均速跑係會持久好多,跑順左會好舒服。

沖完涼就出門口,好肚餓好肚餓,去左我至愛既DONQ買包食,食住行去維園拎馬拉松衫同號碼布等,個嘉年華都幾得意,有d遊戲同跑姿分析。行左一陣就去探珊珊既媽咪同阿b(珊珊隻貓),Auntie好好人,又好客,傾左好耐,又食又拎添~~

今日行程緊密,又去下一站,Ivan屋企開組長會,檢討鴿子園的事務,都有好一些方向傾到,要改變一個群體,可以話好難,但亦可以由一個人感染整個群體,千萬不好小噓一個人的力量呢!

翠兒+蕉+pat+就做人姐姐的小ek 飯聚 11.2.07

今晚同翠兒一家&Pat食飯，阿Pat清減左好多又靚左，小ek就大個左又靚女左。今次ek好叻女，唔使用bb車．梗係啦，大個女，就嚟做人家姐喇喎！我地先去水道橋食日本野，之後再去Charlie Brown Café飲野，間Café又幾靚喎，杯朱古力仲有公仔喺面添!

update左大家既近況，見到翠兒佢地handle個女噤掂，都好欣慰。翠兒俾左我好多跑馬拉松的貼示，多謝您，我會努力架!下年一齊報名跑丫!下次再見面，可能要等妹妹出世，做人爸爸媽媽真係唔簡單呢!你地要加油呀!祝福你地!

睇下佢拎住pat姐姐送既朱古力豆豆幾開心

靚到唔捨得飲

仲有d情人節佈置

好多史路比

大年初三 – 馬拉松訓練日誌

渣打馬拉松(3月4日)迫近眼眉，本來以為做餅干不會花很多功夫，誰知由朝早十點幾整到四點先整晒，因為要分幾盤焗，又要焗幾次先焗透，始料不及，好彩仲趕得切四點起跑。

今日目標係16公里，由廣源村出發，先經城門河濱景公園跑至馬場對面，過橋跑至瀝源調頭，沿單車徑跑到吐露港，中途到PG Hall宿舍飲水拉筋，抖左15分鐘再折返沙田回家，應該已經達標，歷時約2小時20分鐘。
中途遇到一對正在踩單車的夫婦,那位先生"你睇人地跑步都快過你呀!" 她太太回應:"係喎,仲係女仔o黎o既添".之後我過了他們繼續跑.^^

呢次都算係我人生中一大突破喇，噤大個女，跑到腳板腳痛都係第一次，跑完即時做足15分鐘cool down，果然之後果幾日都唔會痛喎!不過到時跑21公里，先至係真正的挑戰呢!

好多著住渣打馬拉松衫跑城門河，好熱鬧呢!聽jam講先知，原來有啲跑步發燒友有寫blog，係專講跑步日誌既blog，有的可以一星期共跑134公里…咁咪即係跑左幾次馬拉松?！！佢地跑步好似Asiamile儲里數咁，佩服佩服！

大年初三 -- 杏仁瓦片 + 地瓜餅干 20.2.07

今日係新年假既最後一日，(初)一不做(初)二不休，初三赤口唔使愁，想學網友酸甜Blog卡路里計算室用地瓜弄餅干，不過似乎同原作品差好遠呢!
至於杏仁瓦片嘛，下次要再薄一點才行，因為今次焗第一轉唔夠脆，不過唔係想像中o禁好食,都唔會再整喇~


地瓜餅乾

杏仁瓦片

大年初二 -- 全旦海綿蛋糕

昨天食得太飽了，半夜起身瀉左一次，食左藥再訓，今日都係練唔到跑喇!在家休息的同時，又心思思想焗蛋糕，上次失敗了的全旦打法海綿蛋糕，一直都想再試試不用泡打粉，全靠蛋白令蛋糕鬆發的威力，於是又再起壇作法。今次打發到蛋糊流下來時可以寫字才停下來，用篩分兩次加入低筋粉，果然起粉粒情況沒有上次嚴重。中途聽到吱吱聲，知道蛋糊正在不斷消泡中，惟有盡快入爐。中途見住個蛋糕中間漲起，仲裂左面，散發著陣陣蛋糕天然香味，有點緊張呢．．．唔知成唔成功呢?

叮! 出爐了!用木簽試過冇痴住，試下味先．．．咦?噤鞋既?甜度就啱喇，不過好似焗既馬拉糕咁。之前已經預左海綿打法會比分蛋法綿密，不過口感遠不及分蛋法軟滑呢!或許是我的做法或材料比例出了些問題吧?!(因為我將糖同油既分量大減)不過做海綿蛋糕一般都係貪佢夠堅挺可以承受到裝飾忌廉，以後如果係就咁食既，都係用返分蛋法好啲喇~~

焗緊喇

中間彈高左

切面部份

大年初一 19.2.07

年初一遇上星期日，出席崇拜的人果然比平時少好多。青蛙冇返崇拜又冇通知我，完左打俾佢，佢竟然話唔記得左今日係星期日．．．俾佢激死!

返到屋企，等到jam來拜年，開飯已經係兩點幾，試埋我整既蛋糕，之後就去jam屋企。今日好齊人，auntie第一次整既芋頭糕係我噤大個女食既最好味架!食後好有衝動想學整，問左auntie好多細節偷師，記低左遲d試整。除左芋頭糕仲有蘿蔔糕，開年飯好好餸，食到飽飽。

Jam一家人都好接納我，真係好多謝佢地！auntie就煮食野叻，至於uncle呢，係yeah到有上msn架呢!而且原來uncle同我個部門都有啲關係架!啲人唔肯維修危險斜坡，政府就會同佢拆，我地稱之為gc action。而uncle其中一項工作就係接政府外判既gc action喇!聽下uncle講佢工作既事都幾有趣架!

嗯，將來如果有自己屋企，我一定會煮餐飯俾大家食，唔使auntie 噤辛苦先得。到時希望可以同阿man(大嫂)一齊煮啦!


好好餸,yummy!

人人收爐我開爐 -- 芒果優格蛋糕 17.2.07

除左糯米糍，今日仲整左芒果優格蛋糕，所謂優格，即係台灣稱呼yogurt既叫法。年三十，人人收爐我開爐，當然啦，因為好耐冇出品，放假可以在家，梗係把握時間啦！

上次整既草莓優格蛋糕太好味,，所以未等到jam已經消滅了。今次一定要留一件俾佢先得。焗既時候一直都好順利，出爐倒扣待涼，由於為食的關係，偷偷meet左少少食．．．點知就咁出事=,=成個蛋糕中間因為太重而掉下來了!!!!

結果呢，蛋糕當然照食，將佢返轉左之後，睇落就好似完整無缺咁，連大哥都唔察覺，呵呵！

出事前

意外後之事發現場

中間好多芒果肉，又加了優格，所以較重身

反轉當冇事發生

芒果糯米糍卷+豆沙卷 17.2.07

好耐冇update個blog,因為真係好忙...都唔明,新年假過後應該會少d野做先o岩架,但我仲忙過之前,日日做唔停...都多得x頤和苑啦...一單麻煩case都有排煩,而且仲唔只一單添...希望快d息事寧人啦...

年三十,全家人都在家努力地執屋,屋企有好多過期雜誌同信件要清.而我同媽咪就準備賀年食品.除左芋頭糕,仲有我有份整既芒果糯米糍卷+豆沙卷. 我專登唔跟媽咪一向的做法,用網友的食譜,睇下會唔會軟熟d.

因為媽咪一向都係整好個粉糰,包左豆沙先拎去蒸,一開始蒸起時都仲軟熟既,但一隔夜開始就會越來越硬.結果我就用自己既方法,開好糊倒在盆上隔水蒸,之後卷起芒果/豆沙切件就食得,真係雪幾日都仲好軟熟,食左好多件.不過芒果會出水,所以要幾日內食晒先好


媽咪既豆沙糯米糍

我既芒果糯米糍卷


扮驢打滾的豆沙卷

入盒放入雪柜