Natalie & Lam's Wedding 26.11.06

又一單喜事喇,恭喜晒霖仔終於排除萬難,迎娶到Natalie! 映月樓真係好grant,落地玻璃窗可以望到對面海.多謝霖仔,佢係我中學同大學師兄,所以呢晚可以見返好多師兄師姐同阿sir.
當晚好熱鬧,淨係se mphil 都坐滿兩枱,証明我地有幾支持霖仔! 我地仲搞氣氛大叫恭賀霖仔添~
新娘好靚,雖然飲多左杯,但有老公鍚返補數啦,霖仔,以後要錫晒老婆,生返個霖仔仔出來啦~~



吐露港


橙汁 + 紅酒 = 無奈的阿fan

SE Mphil 生日dinner & 鴿子園 感恩節筵席暨11月生日會

生日近,特別多聚會.mphil同學仔中11月份特別多壽星仔女,今年o係旺角水瓶座cafe度食,辛苦了paul & micheal 又要訂位又要聯絡,其實去邊度食都冇所謂,最緊要大家開開心心聚下咁^_^

cafe 的氣氛唔錯,出面仲有韆鞦添!食物都ok,個waiter好搞笑,成日以為我地叫佢,臨尾仲"紅"運當頭,搞到我成膞頭茄汁,不過佢自己都成手都係...意外既野好難避免...anyway都係開心既一晚

原來昇仔,camel同micheal都有報馬拉松,昇仔呢排仲練多左跑,瘦左好多添(點解我唔瘦>.<),加油呀大家!昇仔同我一齊跑半馬,唔知會唔會撞到呢?

我地畢左業o禁耐都仲可以keep到聯絡,都算難得(想起來都好耐冇聯絡undergrad的同學仔了),仲要不斷有新血加入,唔知十年後大家又會點呢...


大家對昇仔個肚都好有興趣喎...

壽星仔女合照



今年係鴿子園第2年擺設感恩節筵席.感恩節o係香港並不起眼,但是在美國就係一個同聖誕節有得揮既節目,親友們都會老遠由東岸飛去西岸,為的是與家人一起團聚,為左呢一年所經歷/得到既事向上主感恩,很有意義的...回想這一年你又有什麼體會或經歷要感恩呢?^^


新輕芒果蛋糕,好大個,好抵食

成枱都係野食,呢個愛筵有好多人幫手先搞得o禁開心咋!

草苺優格蛋糕

口口聲聲話要溫書,結果又忍唔住開爐...皆因街市的士多啤梨好平(一盒3蚊),於是跟手去到惠康又見到yogurt賣緊10蚊2杯,拿拿臨試用cell員送既大蛋糕模整左呢個8寸蛋糕...
我好驚個面太燶,所以焗左20分鐘就舖錫紙,搞到個面唔係好熟,個面又裂左 倒扣完都仲係回縮添.

優格令個蛋糕好濕潤,食落好似芝士蛋糕咁,屋企人食完一件又一件,雖然係樣衰左d,但係好香好滑,仲有一杯優格同大半包草苺未用,諗下下次點整先^^



剛入爐


嘩,脹卜卜


好似芝士蛋糕咁


甩底模上下鏡先


第一次整O禁大個蛋糕呀!


中間都好鬆軟

食譜:

材料：   
優格 Yogurt 150g（我用草莓yogurt,做出來是草莓味道）
水 適量
草苺碎 70g
自發粉 130g（過篩）
粟米油17g
糖霜 45g+45g
雞蛋5個(分開蛋白蛋黃) 

做法：  
優格和蛋黃、糖霜45克混合均勻之後，加入菜油混合，再分多次加入自發粉，再加入適量的水(如太杰要加水)

蛋白打倒起泡(加1小匙白醋及少少鹽)、分次加入剩下 45g 的糖霜，打至硬性發泡

分開幾次輕手將蛋黃糊和蛋白糊混合，輕手倒入8寸模，最後加入草苺碎

150度(己預熱)，放下層烤40分鐘(中途表面燶便舖錫紙)

取出倒扣10分鐘，脫模待涼，食得!

*我部loyola PT-926 好猛火，所以先用150度，原本食譜用180度焗25分鐘的

今年の誕生日は楽しかったです

まず、私にsmsをあげた友達をありがとう、私の誕生日を覚えているようにありがとう。その上、cell仲間と阿双は誕生日の贈り物を送って、とても役に立つね、どうも、ありがとう!

今日休みを取った、ですから、今日は暇で　また　楽しい。誕生日の贈り物をもらいた、4葉のネックレスね！とても美しくて、あなたがきっと多くの苦心を使ったそうね！先週あなたは私に　どんな　ネックレスが好きを聞いて、あなたわネックレスを買うと思っていた... 自分で作る！本当に意外だった！私はもちろん大切に預かりるね！

今日の日程、朝　部屋に遊んで、1年に1度に行っくamaroniで昼ご飯を食べた。大好きのbread puddingは主要のおかずになった！amaroniの昼ご飯セットのサイズは晩ご飯のより細いで、すべて食べられた！でも、お腹がいっぱいだったけど、晩ご飯を食べられなかった。昼ご飯が終わったから、page oneで本を読んだ、その後、西貢へ遊びに行った。素敵なパン屋を行ったり、海岸で散歩したりした。。。最後に馬鞍山に行って、cell仲間にあげるプレゼントを買った、yeah!
今日の授業を出席しないで、家に帰ったどき、日本語を復習した。来週は日本語能力試があるね！頑張れ！

今年の誕生日は簡単で、うれしかった、私のジャム、ありがとう、あなたが大好きね！＾＾！

高溫瑜伽 (續)

上回同大家講過既bikram yoga,結果我上了3堂,其實效果,設施同導師,員工等我都好滿意,但始終我都係怕悶,join左又唔知自己會玩幾耐,自己又鬼o禁多野想玩,所以都係拒絶左入會

最近o係雜誌度睇到公司附近(新世紀)既living yoga有得試玩,好奇心驅使之下book 左o尋晚去玩.由於新開張既關係,地方都幾乾淨企理,我揀既時段都係上高溫瑜伽堂,都好,有得直接比較兩間既分別.

我既個人意見係,bikram不論導師,職員,設備,價錢,效果都比living勝一籌.

先講導師,我o係bikram上既3堂都由不同導師教,有美國,澳洲同印度人等;living有中國人,印度人,但bikram就令人有賓至如歸既感覺,佢地o係上堂前後會同你傾計,又會記得你個名,仲會好留意每位同學既動作做得o岩唔o岩,唔o岩會親自前來指點你.

職員方面,B的consultant會好細心咁打電話叮囑你兩個鐘之前唔好食野,又會安排你一齊見導師,感覺都好warm.

至於設備呢,B有大量毛巾供應,又有膠袋,水機,好體貼...連清潔嬏嬏都多d.

而價錢呢,兩者都有俾月費任做既plan,但living貴10蚊之餘,仲要join兩年先得,B就join一年就ok($400左右1個月),當然啦,佢地都有其他唔同既plan,我只係拎最typical的plan來做比較啦.

效用方面,living 1堂只有1個鐘,bikram就個半鐘,呢個好唔好就見仁見智啦,因為上堂途中唔走得,bikram又真係幾難頂(中途有唔少會員要坐低休息),living既動作相對較簡單(但佢地有level 2既班).就我自己而言,個半鐘所需既能量當然多d啦,人都會累d,不過由於我之前玩開都係個半鐘,所以1個鐘唔係好夠喉.此外,living既studio比較溫和,好似酷熱夏天既街咁(36度),bikram就真係一入去就覺得非常熱(40度),自然出汗都會多好多

試玩報告完畢.如果你真係有興趣玩YOGA呢,我建議你去唔同既公司試玩下先,依家好多間yoga都有得免費試玩,自己做下比較先,找一間適合自己的去玩吧!

第一次JAZZ

貪玩試下報康文署的爵士舞班,86蚊玩10堂,好抵玩,聽OLAY講花園街導師教得唔錯,所以都有點期望.今期好好彩抽中左,星期一玩第一堂,原來係個女MISS,班中有唔少同學仔之前一直跳開舞的...一直都沒有什麼跳舞天份的我看見這樣的境況也有點怯場...因為印象中惟一一次排舞己經係中一啦啦隊了...

8點10分正式開始,花了差不多1小時做拉筋熱身動作,9點終於教跳舞步.我的記性不好,到中段有點跟不上,而且因為人太多(20個同學仔),有時看不見MISS的動作...

玩完一堂, 一滴汗都冇出過, 可能玩慣左D會出一身汗的活動,所以覺得好似冇運動過咁...但係既然俾左錢,試下玩埋第二次睇下點啦,結果星期三我都有返,今次跟得好D喎!兩粒鐘好快就過左,但如果我跳得熟D都會幾好玩既,好羨慕人地O係台上跳舞跳得好型,不過暫時都仲好似手腳有點唔協調咁@.@ 我諗我都會玩埋落去既,不過睇O黎都要搵OLAY 同FRENTE補下習先得喇...

合桃蜜糖南瓜麥士干 18 Nov 06

雖然話要溫書,但都忍唔住手整左個南瓜士干.由於用左3分2麥粉,所以比較粗糙,但就好高纖.同埋唔知係咪因為焗唔夠時間,所以唔夠脆,唔似出面的scone外脆內軟...結果第二日再翻焗,變左硬脆餅,可惜有一半焗得太燶要掉了...
今次整得麻麻,唔合格!下次加返多d糖同牛油等佢鬆化d 先


以前買既曲奇餅模用得著了


準備入爐

焗好喇,漲卜卜

完成

高溫瑜珈

媽媽是渣打的專貴客戶，上星期寄來數張優惠劵，其中一張是免費上數堂高溫瑜珈，既然是免費的，試試也無妨吧！
預訂了時間，顧問小姐千叮萬囑我兩小時前不要進食，結果五時許吃了點點東西，放工便和同事去打羽毛球，之後再去尖沙咀Bikram Yoga studio上堂。課堂在三十幾度的暖氣房進行，房內難免有一陣汗味，由八時半至十時，共有二十六式，都是一些較初階的動作。班中四十多位學生之中，只有兩位男生，一位是外國中年人，一位是有白髮的長者。認識了另一位叫Angie的同學，大家也是第一次玩瑜珈。有幾位線條很修長的女生的柔軟度真的令人佩服，做弓立式時真的像一隻栩栩如生的蠍子般，很利害呢！
今節任教的是一位身型高挑的外藉男士Dale，完全想像不到他未玩瑜伽之前比現在多七十餘磅啊！他特別照顧班中的三位新生，所以我們也很乖乖的專心做。在高溫下，做到第三式，已經汗如雨下，平時不容易流汗的我，真的想不到瑜珈竟比跑步更促進我的血液循環和新陳代謝呢！很快便過了九十分鐘，與導師談了一會，原來黃佩霞也是跟這公司學高溫瑜珈，然後才自立門戶的。流了一公升的汗水，先補充水份，再洗個澡，那兒的設備很不錯呢！洗澡後身體仍然很熱，很累，又肚餓，但只想快點回家睡覺．．．

第二天起來，背部仍有點累，可能是未習慣吧！不過今朝很舒暢，體重一天內驟降了一公斤。第一次玩瑜珈，感覺還不錯呢!我感覺到我的身體內部在調節中，很神奇!由於星期二晚要開會，星期三再繼續試玩!

Sandra & Anthony's sweet sweet wedding

應sandra邀請,本來打定算盤一個人褶埋一邊坐,點知去到竟然撞到ndso 同fanny!原來sandra以前係中大團契架!適奉舊友,特別開心,原來大家都報左渣打馬拉松,yeah! 一齊努力喇~~今次仲識到其他中大團契既朋友,大家都好親切,同佢地傾計好開心架,如果鴿子園同工都有呢份熱情同主動就好喇...多謝你地捧場試食我整既麵包條呢,hehe,希望我地有機會再見面啦~~

Sandra 同方弟兄既婚禮好warm 同sweet,扮新聞報導,好多笑料,估唔到O係電視報新聞時正正經經既方東昇,原來平時講野O禁風趣,笑爆粗.Sandra係個好女仔,方弟兄真係有福氣喇,祝佢地永遠都恩恩愛愛,甜甜蜜蜜啦~
另外,佢地既小禮物好有心思,係一個好精緻既盒仔裝住塊喜餅,今朝食左,係一塊好香脆既曲奇餅o黎架!

馬拉松 訓練計劃

星期六整完野食,update完個blog就去左城門河跑步,一跑便是1小時.一邊聽歌一邊有城門河的風景睇,時間好快就過.半馬拉松即是21km,以我平日的步速不停地跑亦要2.5小時,而且還要朝早6點幾就起跑,3月4日...估計應該會幾凍添,所以一定要認真d操,等身體適應一下.仲有三個幾月,要分段晨操下先得,襯依家未係好凍,仲起到身...

呢幾日城門河多左好多人跑,有d仲有計時添,可能係為11月19日的nike 10公里挑戰賽作準備吧!



為食既我,隔左4個月,又好掛住紅磡飲品屋既 芒果蛋白夾餅,$5大大件,奶油甜夾餅只係$3添!個夾餅仲要好煙煙UN UN咁架,第二度都食唔到,介紹俾大家,仲可以試下咸肉鬆夾餅,都係$5件,好正,不過我就好少無端端去紅磡,隨緣啦~~

飲品屋 紅磡明安街3號地下



openrice

牛奶脆條 + 蜜糖合桃麥包 11 Nov 06

今個星期整多一次野食可能要停一排,過左12月3日先再開爐了,因為要考日文4級試,雖然係人都話易,但仲有兩個星期咋,總不可以甚麼也不溫就去考吧,對自己要求高一點...高d分!仲要開始操馬拉松喇...報左既朋友都要加油呀!都有幾個識得既朋友一齊跑半馬,唔可以輸俾男仔,為女子爭氣!

講返今日既搞作先,上回用淨的老麵團分埋佢,先來個麵包條,上次做了柴皮,今次有備而戰,在書局打書釘時找到一個台灣叫做"阿拉棒"的食譜,效果都幾好,再在網上找了些資料,用了模仿壓麵機的方法,做出來的麵包條中間的組織真的很細密,有一些小孔,很香脆...食譜本來是用花奶的,由於家裏沒有貨,所以我改用了煉奶.
掃上奶水才入爐會有點點光澤的,好靚,金黃色.同埋今次未夠脆我都唔加焗,改用微波爐叮乾一點,係work架!個脆條食落甜甜地,好似大枝既甘大滋咁^^聽日見到我既人有口福喇~~

至於蜜糖合桃麥餐包就同上星期既大同小異喇,只係加左蜜糖,焗果陣有淡淡既蜜糖香,今次發得好好既,迫滿左個模,多謝太陽伯伯!


第二次發酵


第一盤

第二盤

好香脆呀! 下次試下加紫菜碎先


第二次發酵前


太陽伯伯好勁呀!我恃住用左老麵,只係搓左10分鐘咋...都可以發大左o禁多喎!


焗好之後仲大左d,迫住個模


中間好鬆軟,好似街賣果d咁,今次好滿意~

人生的第一次

史丹尼在他的部落格寫了人生的第一篇"第一次",本來星期三也可以跟大家分享我人生第一次冬天游水,但當晚是水運會,九龍公園的泳池也關閉了>.< 惟有改變計劃,好彩有o靚仔陪我去大盛食日本野,都好開心!

不打緊罷,還有很多的第一次...遲一點有我人生的第一次瑜珈,第一次爵士舞,還有第一次的半馬拉松,走著瞧吧!

Gospel

上星期日為了12號的<情與義值千金>佈道會(唔係安信兄弟果個)作陪談員briefing,想起自己連媽媽也未能帶領到主跟前,心裏不是味兒...
如果你說我此刻返天家的話有甚麼未了的心願,那一定是未能帶媽媽信主.
主的安排很奇妙,就在我還是中二的時候,當爸爸証實患了末期肝硬化,他很久沒聯絡的朋友在偶然的機會把福音傳給我們一家,牧師還為爸爸下了象徵式的灑水禮,爸爸的葬禮亦順理成章的以基督教形式進行...那時若不是衪,我們一家都不能捱過那段失去家庭支柱的日子.

常常都提醒自己,要好好孝順媽媽,做好見証,多為媽媽禱告,讓她早日接受耶穌作為她生命的救主,不要在將來才懂得後悔,偏偏卻又要她勞氣...雖說主自有衪的安排,衪的大能會帶領媽媽信主,只要懇切為她禱告,神必記念.但心裏卻又暗地裏著急,對著自己最親的人,偏偏沒有勇氣邀請她再次出席佈道會,或是好像跟陌生人傳福音那樣的把耶穌介紹給她...很矛盾呢...

生老病死雖然是每個人都正在經歷的過程,但是日子一天一天的過去,人們很容易便麻目在每天慣常的生活裏...總要在某些大事發生了,才會嚇然發覺人生在世的日子原來是那麼的短...後悔愛得太遲...

朋友,看到這裏,你此刻想起誰呢? 常常跟她/他吵架嗎? 或是每天都嫌她/他長氣多事? 可以相對的時間已經那麼短了,還要花時間吵架鬧不和? 工作真的那麼重要麼? 重要得值得把你的人生所有的時間都賠上了嗎? 有時間上網打機,為什麼回到家不可以花點點時間來關心一下你身邊的人? 讓我們時刻都謹記,將愛每天實踐...愛不是單憑說話,要加諸行動啊!

神奇BB泊車位

o尋晚又同朋友去馬鞍山體育館打波,發現呢d好得意既車位,係o係室內俾BB車泊的,有得俾人拍咭...
一直都好好奇,究竟係點用既呢...o禁耐以來又未見過真係有人用...有冇人可以話我知呢個設置係點玩架?

yummy 紫菜味甘大滋

一向也喜歡甘大滋多過百力滋,裕記1包只售$2.5,又平又好味,甜甜地,拍一聲咬住食好爽!依家仲出左幾種新口味,除左原味之外,仲有番茄味,全麥味同紫菜味.四種我都試過,頭兩種都冇乜特別,惟獨是紫菜味令我有食完一條又一條,停唔到口!

雖然拎上手都知油膩,但係實在好香脆,可能我對有紫菜的食品特別愛好吧...(又想起久違了的奇華餅家紫菜小曲奇了).今天經過大德超市(裕記未有紫菜味賣),又有返貨了(3蚊一盒,都算平,難怪總是人流不絶)

眨下眼就食左半包了...10卡一條,美味有價呢...


順手買了包2蚊的四洲紫菜蝦餅,主要是童年回憶作祟,但紫菜味還是第一次吃,試一次就算

豆知識:

如果和我差不多年代的朋友(唔講咩年代喇,心照啦!!=.=),都知道以前甘大滋的包裝是錫紙的(細一半)
而依家一般見到的都係紙包裝的,但錫紙包裝都仲o係一d零食店有得賣既.咁其實兩種有咩唔同呢?
原來以前常見的藍色錫紙包裝是日本製造的(紅色的是香港製造),紙包裝則是PRC製造的.為了比較兩者的不同,我專登在家附近的小食店買了日本版的...結果呢,我就覺得日本版的比較燶,同埋甜d,所以我都係鐘意中國版多d,鐘意食甘大滋的朋友不妨買包日本版比較下,可能你會有新發現都未定呢!

日本製

中國製

高纖燕麥片番薯麥包 (老麵法) 4 Nov 06

上星期做了的老麵團在雪柜裏仍偷偷地發酵了,起了一大個氣泡,好得意^^,很濃的酒味(不用怕,酒味會在烘焗過程中蒸發掉
今次做包包加入了一個新元素,就是麥皮(媽咪提議的).雖然出來效果不明顯,但意識上知道這是一個非常健康的高纖麵包呢!(有番薯,全麥粉,麥皮,蜜糖,都是幫助消化的)


放在陽光下,是最天然又有效的發酵方法


包左地瓜茸,再沾上可可粉扮成A1的番薯包,進入最後發酵階段前


60分鐘後,發大了一倍,用手指按下不立即回彈,又不至於整個麵糰下陷就為之VERY GOOD 喇!


登登, 焗12分鐘後...出爐喇! 媽咪唔知我沾左可可粉,仲以為個面焗到燶晒添(不過其實燶左都唔知)^^


中間包左地瓜茸,因為發了足足1小時,所以包身發得比上次的合桃餐包鬆軟一些

食譜:

140g 甜老麵團
A. 40g 即食燕麥片
   60ml 維他mocha奶 (視乎麥片濕潤程度)
B. 40g 全麥粉
   15g 蜜糖
   2g 幼鹽
   適量 維他mocha奶 (視乎麵團濕潤程度)
C. 10g 牛油 (室溫,固態)
D. 微溫Mocha奶 + 即溶乾酵母 0.7g
E. 番薯茸 (蒸熟壓成茸)

步驟:
1. 甜老麵置室溫30分鐘
2. A 攪拌高火叮溶
3. 將A加入B中,加入D 攪成團後加入老麵搓10分鐘,再加入牛油搓至光滑(約10分鐘)
4. 發酵30分鐘後分4份鬆馳10分鐘
5. 擀薄包地瓜茸卷好收口,拈上可可粉
6. 放在盤上最後發酵1小時(用手指按下不立即回彈,又不至於整個麵糰下陷)
7. 預熱160度中層焗12分鐘