菠蘿果醬蛋糕仔

加了豆寇粉的菠蘿蛋糕仔, 獨特的香味,與菠蘿很夾 ;) 送左一件俾壽星女補祝生日

出爐之後中間凹左 >.<


JUSCO 買的帶子刺身 $100/1KG, 好大粒架, 平均要 $7/粒, 不過真係好鮮味


加映星期六給靚仔煮的營養早餐

湯種紅豆賓

我同二佬都好鐘意食百佳既紅豆賓,今次整個冒牌紅豆包先~
用湯種整係為左令個包軟熟D,發酵也很順利...
發大2倍幾喇..掃蛋液,再曬D花生碎O係面,好靚仔啊~

不過呢...焗左30分鐘 冇睇到火,就搞成咁喇...包大人咁既面口呀 >.<

扮唔到百佳出品,惟有同老公瓜分左佢啦~~

D紅豆茸都係自己整架! 不過唔夠油,所以好散,一路食一路跌晒出來...

腐皮卷 / 煎薯餅

一直搵唔到機會買腐皮,終於O係大成街街市搵到喇, $12 / 3 大塊, 可以玩3餐, 好抵玩呀!
今次卷甘筍,冬菇,蟹柳,雞丁....煎一煎, 再煮個獻汁淋上去, 食得! 個皮脆脆地,好正呀~~~~
呢間既腐皮好靚, 個邊唔硬唔使切走,推介!
我已經諗埋下次整魚肉卷,哈哈~



薯餅,刨絲煎完都仲係食到一絲絲既...都係跟返媽咪磨成蓉既做法好D...

雜錦豬肉卷

在凍肉店買了一件$9.9的肉眼,把它切為13片,包著冬菇,青椒,甘筍,蟹柳絲,淋上甜酸汁放入焗爐200度焗15分鐘就搞掂! 簡單又ok好吃的小菜~

Tiramisu (egg-free , caffeine-free)

Tiramisu 不是我的愛好,因為芝士很高脂
今次造這個是為別人作的實驗品,怕生蛋有菌,所以選了一個不用蛋的食譜. 咖啡也用黑朱古力代替了.
成品甜度不錯啊,只是不夠實淨,下次用魚膠粉要小心的開溶呢!
一拎出街就溶, 所以要老公同我兩個人分左佢,慘...肥死了

黑麥合桃風車包

好懷念LITTLE MERMAID ITALY的合桃包呢! 很久沒有去IFC店了,而且也很貴...今次來做一個吧!
這次鹽不小心下多了點點,變成咸合桃包了.
加了2%黑麥芽粉,便令它變成黑色的包,帶著黑麥獨有的香味
麵糰太濕,造型很難呢
很鬆軟呢!

可可杏仁千層糕

這個糕點是印尼千層糕的變奏,因為在愛筵裏吃過的班蘭椰汁千層糕煙煙UN UN 的,太好吃了,想試試看卻沒有班蘭香精與椰汁,便隨手在廚房取來谷古粉與杏仁茶粉來作這個千層糕
我連木薯粉也用澄麵來代替了,可算是大賭一場
一層一層的蒸熟,4層黑白間,很有趣啊!

口感麻,好像與正宗的差不多,有點彈牙,可可粉帶點苦甘,頗特別啊! 不過下次還是正經的來個班蘭椰汁味好了~
靚仔說它像NOTEBOOK =.=
真的似嗎?

合桃田園麥包

放假又閒在家,可以作個長時間作戰的麵包了!
這個慢發酵的麥包是第二次作 (第一次:ゆっくり発酵カンパーニュ)
喜歡它外脆內軟的感覺,無油少糖少酵母,麥香經過一夜的發酵變得很濃沃.
加入預先焗香了的合桃,與麥包是天衣無縫的配搭.^^

薯蓉包餃子

究竟係餃子裏面包薯蓉, 定係薯蓉包餃子呢? 呢個係媽咪聽到我呢個餸名既反應.
你冇睇錯! 係薯蓉O係出面呀! 先把現成餃子煮熟 (我買了南瓜汁粟米豬肉餃),再用調好味既薯蓉包住煎要金黃色,包一張紫菜,好似飯團咁 ^^
(補充:後面係雜菜粒炒紅飯)

香蕉雪芳蛋糕

香蕉熟得好快,正好做一個雪芳蛋糕.烘焙時間與上次香橙雪芳一樣,但由於香蕉比橙的濕,切開原來還有點點濕,於是再加焗10分鐘.雖然已調較至較低的溫度,但表面仍是焦了>.<

原來只用大半只細蕉已經有很香的香蕉味呢! 不用香蕉精也很香,好奇妙呢~
雪芳蛋糕很鬆軟,我最終於明白為何焗雪芳蛋糕會上癮呢! 因為只要你試過一次雪芳的魅力,從此便不會再在街舖買蛋糕了!