西冷牛扒 拼茄子甘筍糙米飯 (西餐)

平時煮中菜小炒多的是,今晚的晚餐來個西餐吧!

西冷牛扒是來自百佳的,可是由於急凍肉的關係,我不敢不煮至全熟,結果當然是比較韌呢! 牛扒還是買新鮮煎至7成熟才好吧?!

椰汁紫米紅豆糕

在波仔買了一大碗椰汁紫米露,與honey分吃了一半,剩下半碗做咩好?
還有大菜絲剩,就用來作個糕點吧!

加入片糖,麵粉,奶粉(冇三聚菁安的),一半蒸一半焗,再雪凍,食落好似街賣的紫米糕喎!

煎香是會更香口點,但是由於加入了大菜的關係,煎的時候會令糕身變淋,看來還是用粘米粉作的才適合做煎糕呢!

鹹糯米糍 & 番薯/眉豆冰皮月餅

雖然過左中秋,但係仍然心思思想食冰皮月餅,於是做了一些過口癮

今次主要是兩款口味:
1. 紫番薯 + 南瓜茸芯
2. 甜眉豆 + 南瓜茸芯 / 白蓮蓉芯
健康又好味! 其實仲整左紅豆蓉,不過唔夠皮料,遲D用來作豆沙燒餅吧!


鹹糯米糍是新創作 (下圖最下面的),有點像茶果. 餡料是由眉豆,豬肉碎,冬菇及洋蔥加醬油,糖炒成的
糯米皮則是少鹹味的,媽咪同JAM頭頭一聽到鹹味的都有點打突,但試落又有驚喜喎! 多謝大家的勇氣呢~~

鴿子園羽毛球比賽 19.10.2008

猶記得上年做搞手,好開心ray, chiu chun, fan 同rachel 都有來一齊打. ray 仲同育光拎左冠軍添!上年重溫
今年由alvin cell 搞,我可以打埋一份! 大會編左我同ray做partner.心情有點緊張呢,話晒佢都係上年冠軍,打得衰累左佢就唔好啦!
落場好快就開始比賽,個波比平時快,我成日打出界,又打親人>.<,好彩有ray同大健拍住我,符碌咁嬴左.

多謝蟹蟹同frente唔打都來為我地打氣,大會攝影師捕觸到我地打波既一剎那(我自己都唔知打波果陣係咁^^)
仲有alvin cell 的籌備,由比賽制度同啦啦隊比併環節都睇到佢地悉心既安排.可惜二佬,emily,fan 同rachel 今年o黎唔到打啦,唔係會仲開心呢!

芝士吞拿魚番茄薯仔撻

一個很長的名字, 來自雪柜中有的材料. 將地瓜粉加入薯仔/番薯泥做撻底,所以個底好實淨,Honey見住個撻好完整咁甩出來,個底仲有D字母印,覺得好神奇 (我都估唔到係咁!)

最鐘意玩新野,次次都係未試味就同honey一齊試食,好唔好味都一齊ko左佢! 好彩成功左.
一共做了12個, 多到食唔晒~~

花生糕/芝麻糕

原來香蕉糕好易整架咋! 重陽節放假,在網上找到香蕉糕食譜,不過我唔用香蕉油同砂糖,改用花生糊/芝麻糊粉,一個用滾水搓,一個用水蒸,口感方面後者會實淨d, 都幾得意呀! 又簡單又好味!
花生味
切粒
黑芝麻味

燴牛舌 (注意: 可能令讀者情緒不安)

我同靚仔都係牛舌愛好者,有些朋友對牛舌有抗拒,所以要見警告大家,因為我第一次從凍肉店買牛舌回家煮,是真正的牛舌原條,可能你接受唔到架....

(俾5秒鐘你考慮...)

















真係睇? 好啦! 其實凍肉店買來的牛舌己經是預先煮熟了的,1條只不過是$11.6 ($10/磅) 4人份量. 在這個牛扒$33/磅的時代裏,這個價錢可真是平到震~~~

先把牛舌洗淨,唔好嘔住呀!
切成塊或粒狀 (夠薑既話可以成條食!)
加豉油,糖,味霖,洋蔥,甘荀煮15分鐘
上碟喇! 好淋好好味呀!!!唔使出街都有牛脷食喇~~~ 好野! 推介埋俾媽咪先!

凱茵姐姐婚禮

928係我堂家姐 凱茵既大日子, 當日天氣好好呀! 可以見証到你出嫁的大日子, 好感動呀! 相信您一定會嫁著個好老公,祝你地永遠甜甜蜜蜜,幸福快樂!

我侄女呀! 幾上鏡架!仲好識擺pose添呢~~ ^^

國慶的早餐及晚餐 - 火腿煎蛋 / 焗肉丸

成日整埋晒D 零咀, 當然唔得啦! 今日靚仔要趕工, ORDER 左我O禁耐都未整過既火腿煎蛋, 冇錯! 雖然我煮左飯幾年,但係就係未整過煎蛋, 不過我都冇試過自己既手勢, 佢話好味喎, 唔知係咪呢...
早餐
晚餐 -- 肉丸係用免治豬肉加洋蔥粒, 再加BBQ醬弄成球型, 還有麵包糠, 南瓜洋蔥舖底, 加D茄汁,芝士, 入爐焗15分鐘就搞掂, 快靚正呀! 呢個我有食, 真係OK 喎!惠康賣 $16.5一盒, 只用了2/3盒就整左18粒肉丸, MUST TRY~~

國慶的蛋糕 - 角豆粉蛋糕仔

除了小食, 還作了蛋糕仔, 但以角豆粉代替可可粉,但份量太多,變得有點苦,不好吃囉!


關於角豆粉:
1、替代可可粉
CAROB 味道很像可可，但不含咖啡因和可可鹼，是一種具有巧克力顏色和風味的天然配料，常作為可可粉的有效替代品。除了口感像極了巧克力外，且不含咖啡因、可可鹼，沒有巧克力的興奮劑負作用(如：心跳加快、失眠)，故能彌補一般巧克力的不足，且質地溫和、適合大人小孩。

2、無發胖副作用
近年來，科學研究進一步發現，由於角豆果漿糖份中含有的松醇物質，使得人體細胞吸收葡萄糖和糖原質增加，這些對降低血糖很有效，因此，CAROB是食用糖很好的替代品，尤其適用於患有糖尿病等病症的人食用。由於角豆果漿成分50 ％為糖、丹寧酸和多醣，可用來製糖、糖漿或糖粉作為添加劑，用於製作糖果、蛋糕等食品，而約45％的天然糖﹙蔗糖，葡萄糖和果糖﹚含量，脂肪僅含 0.5％，使其可作為降低糖份或者糖的替代物，在增加食品風味同時，又提供一定的甜度，快速補充體力，是目前訴求低卡甜點中的明星。

3、營養又可口
它富含鈣、且不含鈣吸收抑製劑——草酸；還含5 %的pinitol，一種能防止低血糖的副作用，有效減輕疲勞的糖醇。此外，CAROB具有吸納重金屬的特性，還含有抗氧化劑——黃酮類物質，不溶性纖維含量，多種維他命和礦物質，非常營養，例如：和草莓差不多含量的菸鹼酸；也含有維生素B2，鈣、鎂、鉀、蛋白質，是良好的纖維來源。熱量只有一般巧克力的三分之一，脂肪只有一般巧克力的十七分之一，鈣卻是一般巧克力的三倍。

除了弄吃的, 今天的其中一項任務是出旺角買生日禮物(9,10月是我的朋友生日高峰期, 要買8份才夠呢~) 經過旺角道的"飽點先生", 買了個香芋黑芝麻包$4,紫米卷$4(好似糯米卷),千層馬拉糕$6.5 做早餐,好味呀!

國慶的小食 - 杏仁瓦片, 蜜糖黑芝麻合桃, 黑芝麻曲奇

國慶的早上, 有點秋意, 懶洋洋的,很寫意的早晨.
沒有酵母的日子, 作了數個小食.

杏仁瓦片
蜜糖黑芝麻合桃
黑芝麻曲奇

滿足, 因為你喜歡 :)