2006年的聖誕財政回顧

今年傳媒都大事宣傳市道大好,市民都樂於大灑金錢慶祝佳節.由中五開始,我已經習慣了記錄每天的財政狀況,每個月做一次埋數,今天是2006年12月的最後一天,計算過後,發現十二月的支出比上月足足多了一千元!但主要的額外花費都是飲宴人情與聖誕慶祝活動,相信我每年的十二月都是全年裏最花錢的一個月吧?!

夏季以來還未添置我的第一件新衣服,明明天天在旺角上班,為何沒有一件買得下手呢?或許我的taste已經out了,腳粗,還是不要買長靴好了,好礙眼的...

告别2006了...回顧過去的一年,你有什麼感想呢? 我呢...覺得有好多地方要改善,希望2007年不要太饞嘴,要努力減肥,要與主的關係親密點,愛家人,cell員多一點,認真學習,放下自我等等...願主帶領!


鴿子園歡送迎新會,願大家2007年更愛神愛人!

桑苺麥貝果 26 DEC 06

今日天氣溫暖，陽光普照，忌睡覺，宜弄包，所以又起壇作法喇!今次使用了3分1的全麥粉，再加入大哥的純桑苺汁弄貝果，紫色的麵糰，好得意，吃下去會有淡淡的桑苺味，但其QQ感並不強烈，可能要用特強高筋麵粉才做得到。用了共300g粉造了８個包包，所以要分兩盤焗。貝果的配方不用加蛋，是少油少糖的素食健康麵包!


第二次發酵完畢，等沖熱水涼

紫色的貝果包包只需15分鐘就焗好喇!

經燙過熱水形成的保護膜鎖住中間水份，所以保持濕潤

第二盤因為足足待了1.5小時才入爐，所以中間的氣孔明顯較第一盤多

豆知識:

☆★貝果(BAGEL)★☆　在香港並不普及(只在又一城TASTE或Pacific Coffee SHOP等西式飽餅店有售)，但在美國便是普及的早餐食品，讀master時有幸到美國演講便買了一大袋回酒店吃。它的特色是經熱水燙過才入爐焗。經過這個步驟之後，就產生 Bagel 本身一種特殊的韌性和風味。美國人最喜歡中間切開夾忌廉芝士同煙三文魚一起吃。

2006 的平安夜

今年的平安夜剛好是星期日,所以由朝早崇拜,聖誕party,rehearsal佳音的歌,到新世界中心會場(6pm封路了,明明喺面前,都要兜到去碼頭再返轉頭...對腳好痛),演出兩次,叫做蝦碌完成,去cally屋企開party 之前大家都已經得返半個魂(好攰),但今次好齊人,傾計傾到好開心,話晒都係呢一cell最後一次聚會了.但人大了,不玩通頂了,1點幾搭地鐵,人多到好似晏畫1點幾咁,好盡興的一天!要多謝cally借出屋企俾我地玩!

Carey整既靚靚樹頭蛋糕


大家好專心咁練歌中


pizza hut set, yummy!


2006 的回憶,要拆散我地,梗係唔捨得啦

5款 聖誕曲奇

一直都好想整下牛油曲奇，適逢聖誕聯歡會，就襯今日放假一次過整左5款曲奇，包括薑餅人、朱古力雪球、mocha杏仁片曲奇、脆脆可可球石頭同合桃方塊餅干。想不到原來都花了我不少時間，我由朝早九點一直弄至五點，去完跑步沖涼同阿繆既婚宴返來再焗埋最後一盤，凌晨一點幾先訓得。不過弟兄姊妹都好鐘意，花時間都是值得的!今次摸熟左個爐既火力同時間，麵粉、牛油同糖既比例，下次會整得再好啲，不過始終曲奇都係熱氣同肥既食物，所以唔可以成日整呢!


薑餅

入口即化的朱古力雪球 -- 人氣第二位　


mocha杏仁片曲奇 -- 人氣第一位　^O^


因為只用了四分一牛油量，餅身又太厚，加上用左中筋粉，所以變左石頭


好香奶粉味既合桃方塊餅干，少油少甜，我的最愛

2006 Gundam Expo + 紅磡深水埗一日遊

honey知道我想再食返半年前食過既芒果夾餅，所以一知道都會廣場有高達展就問我去唔去睇，當然好啦(^O^)　就係咁，星期六朝早我地先去左跑城門河練馬拉松，嘩，大風到丫，唔停咁跑左１個鐘零20分鐘，由大學跑到瀝源再返轉頭，破左我既個人紀錄。不過真係好凍，下次都係唔好著短褲跑喇～

喺cc can食完飯，就出發去都會，呢個高達展比好耐之前喺愉景新城果次細好多，不過買到手信，好開心^^ 慢慢行去黃埔，途經　飲品屋，老板娘話冇芒果，惟有要肉鬆蛋白夾餅，好多肉鬆呀!五蚊一件，當時三點左右都好多人買!勁!

好滿足咁再去行jusco同時尚坊o時尚坊有WOW WOW狗奇藝團，多隻日本狗表演高難度動作，真係好難以置信，佢地真係叻過人架．．．竟然可以跳大繩、跳火圈，仲可以踩波車同幪著眼行鋼線，日本人真係利害．．．唔使錢有o禁精采既表演睇，所以都幾迫!

睇完表演，再去baker’s choice走一趟，買左新鮮出爐既香草包(全港最好味，佢喺我心目中既地位已經超越左Amaroni)做聽日早餐，便搭巴士往深水埗。好耐冇搭過非冷氣巴士喇！好鐘意喺巴士上睇街景，冇隔住個玻璃窗睇景，感覺實在得多，不過佢就訓著左=.=

好快就去到深水埗，平時去深水埗都係行黃金商場多，今次專登去左幾間地道既中式糕餅包舖點，好有傳統特色，抵食夾大件，又因為多人幫襯既原故，出爐既都好快被掃清，好軟熟好新鮮呢！honey仲帶我去睇佢買材料穿頸鍊俾我既珠仔專賣店街，成條街都係賣珠仔，我噤大個女未見過噤多珠仔既舖頭架。做手飾又係一大學問，見到honey整得噤靚，我都心思思都學來氹下人。

完左深水埗之行，7點返永光同以栽獻詩練歌，一練就練到10點，大家都充滿活力，好認真咁去為報佳音出力，一班人一齊練歌，夾和音既感覺好開心，也完成了週末美滿的一天!

高達嚟喇！


同場加映keroro展


肉鬆蛋白夾餅，個皮依然噤煙韌


日本馬戲班狗　表演踩鋼線中

鴻發糕品
生隆餅家
賣大包

100 種奇怪小食

o係網度見到post,騎呢得o黎幾得意,我自己都加加減減左d,大家不妨試下啦!
歡迎大家分享一下你自己發明的奇怪小食,hehe
1. 將d蓮藕(嫩的，不是煲湯用)切成薄片，然後浸係橙汁內然後放入雪櫃 浸到第二日就食得
2. 薯條點雪糕 (細細個有同學仔教,好食過點茄汁)
3. 餅乾夾雪糕
4. 將薯片浸水,等佢軟先慢慢隔走d水食
5. 咖啡+栗米片
6. 百力滋(弄成小段) 撈沙律醬
7. 燒有粒海底椰的那種荔枝o者喱, 燒到佢溶溶地, 外熱內凍(咁樣對o者喱,殘忍!(>_<))
8. 椰子圈浸熱華田
9. 蘋果切片搽花生醬
10. 貴格燕麥片 + 椒鹽 + 卡夫芝士粉 + 奶粉(或三花朱古力奶/朱古力味好立克即沖粉)
11. 貴格出既穀物早餐加原味乳酪
12. 所有雜果仁燕麥撈埋一堆,就咁畢黎食
13. 熱煉奶浸加拿餅
14. 光酥餅搽士多啤梨醬(特別係麥當勞個隻醬喎!)
15. 維他奶 + 話梅
16. 熱浪點白醋
17. 卡樂蝦條點椒豉油
18. 檸檬點茄汁
19. 將牛油果挖肉出黎，用匙羹壓蓉再加沙糖，一匙匙"筆"黎食
20. 熟透0既牛油果+豉油(有三文魚味)
21. 淨腸粉加沙糖加白酒(孖蒸)
22. 香蕉 + 沙律醬
23. 將香蕉切開一半,加朱古力叮溶佢 (夾埋方包/整飛碟食,間值極品!)
24. 整碎曬d 維他消化餅.. 加d 美綠粉
25. 壓碎既消化餅 + 香蕉
26. 青提子放入冰格
27. 嘉頓朱古力雪芳蛋糕加朱古力煉奶&朱古力醬再放入微波爐叮一叮
28. 五香肉丁或者回鍋肉炒蛋
29. 芝士炒蛋 (又係絶配!)
30. WASABI炒蛋:發蛋時加wasabi落去發(可加少許糖吊味)跟住就同平時炒蛋咁炒法
31. 把芝士塞進"獅子狗魚蛋"裏面, 然後放入焗爐焗, 直至芝士熔掉
32. <<午餐肉天婦羅>> ,用天婦羅的做法,炸午餐肉:將午餐肉分割成小片,用油炸
33. 整碎 d 午餐肉 + 士多啤梨黎炒,炒到乾身就食得
34. 腸仔用水煮10分鐘, 無咁鹹同林林地, 再加麥記茄汁同加黑椒粉
35. 砂糖炒腸仔粒,火腿粒
36. 火腿(honey roast)包茄汁沙甸魚
37. 水浸吞拿魚撈好多茄汁
38. 蝦膏搽芒果
39. 鹹秶飯/鹹粽加沙糖 (細個時端午節好鐘意咁食)
40. 白醋+蒜頭+豉油/魚露+蔥 點炸魚
41. 豆角 + 蛋 + 肉碎 + 洋蔥 + 菜莆 + 雞醬勁炒
42. 忌廉雞湯+脆炸薯蛋
43. 粟米蓉+菜心
44. 鮮蕃茄片灑砂糖
45. 涼伴番茄+元西+蒜油+鹽+lemon 汁
46. 烚熟d西蘭花點蛋黃醬(mayonaise)/ 茄汁食
47. 花生醬蒸茄子
48. 原隻熱粟米上面加CHEESE當牛油咁搽勻，"yam"碎蛋用紫菜包住黎食
49. 打邊爐要用花生醬+砂糖+沙茶+辣椒+醋
50. 鮮奶/麥精維他奶煲湯丸
51. 隔夜油炸鬼煲糖水飲甜
52. 油炸鬼浸奶茶
53. 百福豆腐花 + 芝麻漿 / 花奶
54. BBQ燒豆腐卜，慢慢燒，跟住搽少少ｈｏｎｅｙ，最後加ｄ辣椒醬
55. BBQ 個陣，將 D apples, oranges, pears 搽曬 honey, 然後係 D 火上面烘
56. 咖啡加豆槳
57. 好立克奶茶
58. 果汁: 香蕉 + 鮮奶 + 芝麻
59. 香蕉 + 士多啤梨 + 奶粉 (用攪拌機打勻) = 色香味俱全既健康奶昔
60. Balieys酒溝鮮奶(正!飲多多都唔醉)
61. 菜湯 + 鮮橙汁
62. cookie雪糕+汽水
63. 芝士煲仔飯! 起煲仔飯就熟既時候加一塊cheese起上面焗佢一焗
64. 用雞肉乾加甜豉油送白飯
65. 椒鹽/粗粒花生醬/沙律醬鹹蛋黃/雪糕/ Yoghurt撈飯
66. 薯仔整蓉+fresh番茄做的"將"汁+元西+蒜油+鹽+飯+豆粉,撈埋
67. 勁熱白飯撈生蛋白
68. 薯片送咖喱飯
69. 炸香蕉粒炒飯
70. 煎栗米芝士吞拿魚飯團(將材料加上白飯, 落調味料, 用蛋汁同粟粉捏成團再煎黎食)
71. 粟米片+花生醬整壽司細卷(我自創的,又香又脆架!)
72. 將d薯片整碎,再將少少白飯搓圓,撈落d薯片碎度,咁就成為o左薯片壽司la
73. WASABI 溝 沙律醬 加少少鹽用來點壽司
74. 用豉油+沙爹醬+花生醬撈麵
75. 沙律醬+炒麵(雪凍了)
76. 甜通粉, 用煉奶煲
77. 粟米蓉溝字母粉加黑椒
78. 湯面 + oreo餅碎
79. 碗仔翅 + 河粉(唔要湯)
80. 煮熟0的米粉(唔要水), 再加鎮江醋, 加辣椒油, 加豆豉鯪魚
81. 煮米粉,唔要水,之後落麻油,o急汁同李錦記的蒸魚鼓油撈
82. 金寶忌廉湯+米粉
83. 金寶磨菇粟米湯 + 烏冬 + 卡夫芝士 + 磨菇切粒, 打隻蛋
84. 煮出前一丁加wasabi
85. 南瓜意粉:南瓜蒸熟, 壓成溶. 幼條意粉放牛油抄 + 南瓜溶 + 最後加上鮮忌廉
86. 肉醬意粉加砂糖
87. 珍珍薯片放落皮蛋瘦肉粥or cream soup
88. 紅豆沙+粥
89. 好綿既白粥溝豆漿
90. 豬肉鬆撈粥
91. 方包夾馬仔
92. 黃豆粉 + 蜜糖 搽 方包 (推介!)
93. 方包上放肉鬆/蜜糖再放塊芝士，跟手拎去'叮'到芝士溶
94. 三角朱古力夾方包,放入焗爐
95. wasabi + 蛋汁搽麵包
96. 香蕉夾麵包+奶+蛋，煎成多士
97. 燒賣夾甜豬仔飽
98. 落蛋汁同砂糖在麵包上, 叮一叮 變成麵包布甸
99. 方包夾雪糕,紫菜夾雪糕
100. 饅頭切1吋厚,塗牛油在上面,放在平底鍋中煎脆,配檸茶

失敗的咖啡海綿蛋糕 17 Dec 06

第一次用全旦打法做蛋糕,難度比分旦法高. 好明顯是因為全旦打發不夠便加入麵粉,結果起了很多粉粒,繼而攪拌過度而出筋...再用篩隔粉漿,之前打的旦都全消泡,結果...變成了咖啡糕>.< 嗚嗚...
事敗後專登去香港電台的美味DIY網頁睇VIDEO示範,果然是我的全旦打發不夠,下次再接再勵吧...



表面睇唔出的問題...

問題就出在裏面了,慘慘...

一頓飯 -- 兩種心情

教會友人因有事相討,相約昨晚晚飯小聚.

這晚感覺很特別,與平日在教會裏嬉皮笑臉的他,有點兩樣,而且也知道多了很多有關他的興趣,背景等.
很可笑,做了一年cell長,有很多事卻是今晚才知道,但已經是12月了...
這晚談得很愉快,時間不知不覺地過了,他也很客氣,請我吃這頓飯,還很有紳士風度的要送我回家.
然而,這頓飯,也令我對我的cell員感到很內疚...這一年裏,撫心自問,我並沒有付出心力去關心每一位cell員的靈魂.每個星期日雖然都會與大家見面,又大概知道大家最近的狀況,但都是停留在很膚淺的階段,或許早便應該約cell員出來食頓飯,或是用其他途徑認識大家.可能生活習慣了,不像以前般每晚坐在電腦桌前與友人icq到深夜.
回家的路上,心裏一陣陣的痛...痛恨自己平日不去好好付出時間給個別的弟兄姊妹,畢竟,要深入認識一個人,並不是每個星期在教會見面的幾小時可以做得到的.2007年又會是甚麼境況呢? 好像很多人都要走了,主啊!求袮加力予孩子,使我來年做得更好吧!該如何做才好呢,要改變可要突破自己才行...沉重中

湯種合桃香蕉麥包 + 香蕉優格蛋糕 9 Dec 06

睇到網友既blog話加香蕉蓉入麵團做出來的麵包保濕度很好,剛好大哥又拿了兩隻梅花點蕉回來,星期六朝跑步過後,便開始我的新project -- 湯種麥包!
湯種是將一些麵粉用滾水煮,再加入主麵團裏,令其產生Q軟效果.結果雖然未有我預期中的QQ感,但就有香蕉既清甜,加上鈣C寶麥片奶的奶香,表皮也較直接法軟滑,忍唔住食完一啖又一啖,下次再努力啦!

至於蛋糕呢,弄出來像普通香蕉清蛋糕,因為用原味優格,所以不覺得有優格的存在...還是喜歡草苺優格蛋糕呢!二佬似乎很喜歡我弄的蛋糕呢,大半個蛋糕第二朝已經不見了^_^

入爐前


焗好了


表面很光滑


優格蛋糕入爐前(今次記得先影相喇)


今次用左4隻蛋o者,所以細過上次


個面都係裂左添,不過中間冇凹到

豆知識:

「湯種」是日本語，義為溫熱的麵種或稀的麵種。湯種再加麵包用的其他材料經攪拌、發酵、整形、烤焙而成的麵包稱為湯種麵包。湯種麵包與其他麵包最大的差別在於麵粉糊化使吸水量增多，因此麵包的組織柔軟，具有彈性，可延緩老化。

腸胃大罷工

這兩天我的胃不時發出埋怨的叫聲,嘔完今日又狂瀉,看來我真的要節制下不要為食才行,常常回到家還宵夜,想唔肥都幾難,胃呀胃,辛苦你了,我以後會好好對你的!
星期一,請了病假,由於輪診需時,所以求其在家拿了本書出門看,好悠閒的一天,感覺像放假似的,很久未試過訓足12小時了.
原來由11月中開始,政府的健康院改了用電話預約(新病人要親身登記一次),這個安排很好啊,不過晨早去輪籌,$45一次,比私家醫生便宜得多.

今天的病,讓我記起了1年多前,在我正式上工的第一天,便要告病假(又是腸胃炎),由於之前兩天都要OT來學習上手的工作,事後有同事說以為我受不了,第一天便跑掉了^^ 我答道:對啊,真的辛苦到"嘔"呢! 說起來也覺好笑.

飲食日誌 -- 日本料理篇

識我既朋友都知我鐘意逛高檔麵包店,而正餐呢,日本野是我的至愛,既然旺角係我地頭,推介大家兩間食肆俾大家啦!

第一間係位於創興廣場地下,開新冇耐既峰壽司
o係銅鑼灣總店,夜晚10點幾都要排十幾張籌,好誇張,今次o係旺角開分店,總算有機會試下喇~~ 放工時只是6點幾,仲係早,所以一去到就有位.佢既價錢同板前差唔多,兩個人共ko了9碟,好滿意,不過我地都一致認真大盛的三文魚夠長夠厚有滿足感多d^^

軟殼蟹卷,我的最愛

蟹柳壽司,好鮮甜

牛舌壽司,貪得意叫

海鰻壽司

甜蝦+帶子壽司 (有點鯹)

第二間推介的是近油麻地既東京迴轉壽司
佢地既軟殼蟹手卷好受歡迎.呢排南瓜當造,所以試埋季節限定的南瓜海鮮盅,送飯一流,我地一邊食一邊好多人望住,鬼叫個南瓜o禁得意咩!