美麗佳人 products 23/11/08

好多野拎返屋企呀! 好開心~~ 相簿DESIGN 同PRODUCT質素都OK 收貨唔使行多轉~ 比預期提早左, 趕得切成為我今年收到既其中一份好鐘意既生日禮物, HEHE~~
(大相簿,娘家相簿, 掌中本, 謝咭2款, 相架等)
(水晶相簿封底)
(大相架同海報仲O係箱裏懶得再拆出來)

美麗佳人 pre-wedding photos

7月尾影既第一輯相終於面世喇! 果日好熱呀! 最高35度, 我地去左中大, 大埔海濱公園同尖東影, 攝影師都快中暑了! 不過同靚仔影相真係好開心,一D 都唔辛苦, 仲越影越投入添!
唔係好睇得慣自己化左妝個樣^^

廣蔭安老院 冬至探訪預備 (2008年12月21日 星期日)

今年最後一次的安老院探訪活動已經預備得如火如荼喇! 以下係大致既RUNDOWN:

1. 唱聖誕詩歌 (叮噹叮 及 新生王歌) , 加上簡單動作教大家邊唱邊做 (要搵司琴,打歌詞整POWERPOINT, 諗動作)

2. 拼圖遊戲 預先CUT 好一份份, 到時就俾義工同長者一齊鬥快砌同用膠紙黏好拎到台前. 最快的5位有獎 (此時開始影所以長者同義工既合照)

3. 齊齊做立體聖誕咭 義工幫長者剪同用膠水/漿糊筆貼, 再用閃閃筆寫上祝福語送俾長者

(此時要把握時間PRINT 2R size 的所有合照)

4. 義工剪好合照, 放入相架仔送俾長者作聖誕禮物


5. 茶點時間: 思朗無糖餅乾 及 旺旺海苔米餅, 中心預備暖水

活動的成功最重要是有你的參與, 名額40人, 請多多支持啊!!

自製小飾物

唔識整小手工, 整得好簡單添... 全部都係送俾人架! 送俾邊個? 唔講你知!

焗串燒 / 麥樂雞 / 蒸蓮藕餅

牛舌+梅頭肉粒+雞丁+健康的青瓜+中辣的加多加多醬=好味的串燒: )
(已經食左幾串喇 :)

蒸蓮藕餅: 媽咪大人的發明, 將蓮藕磨成絲, 加入洋蔥,蛋,豆瓣醬等, 一個字講晒:正!


來自佳寶食品的速食:麥樂雞及哈哈薯餅, 合上眼睛掟入焗爐就可以了! 出爐時加上泰式甜辣醬, 香脆!

芝士片蛋糕 (雙層錯體版)

上次整芝士片蛋糕好好味, 諗住整返個同我同年同月同日生既好朋友Brenda 慶生, 點知失左手打蛋漏左少少蛋黃去d蛋白度, 結果d蛋白霜真係打極都打唔起呀>.< d 芝士又溶唔晒, 變左雙層芝士蛋糕...


結果都同Brenda 一齊切蛋糕, 大家都話好味, 好感動呀...

同日仲焗左d 黑芝麻蜜糖腰果/杏仁, 不過有點燶了,可惜!

焗厚切豬扒/哈哈薯餅 焗雞鎚/番薯

喜歡用焗爐,因為焗肉類可以唔洗落油,健康D. 用急凍梅頭厚切豬扒(成1.5CM 厚架!),加點黑椒碎,yummy~
哈哈薯餅在佳寶凍肉買的,但是偏鹹,麻麻地.


焗雞鎚之前先用煲烚了10分鐘,有點焗過頭了,乾了一點,失敗,下次努力啦!

綠茶紅豆包

Frente 送的"自家製麵包"裏有很多款美味的麵包, 剛好有紅豆蓉,又有綠茶粉, 就做個包包吧! 今次用上全新的酵母, 發酵也成功了! 先看看這個好像吹香口膠的麵團可以成功咁困住d 二氧化碳喇!


第二次發酵前

1小時後,本身兩盤都一樣大,下面的那盤不幸地跳樓! 結果洩氣了, 幸好第三次發酵半小時再次發大到原本的size喇~
出爐喇!! 好味呀!

綠茶冰皮月餅 (紅豆/黑芝麻豆蓉)

cell員送的冰皮模, 已經急不及待上場了! 雖然中秋節過了,但好吃的東西,多試又何妨呢?
今次用眉豆+芝麻粉/紅豆蓉做餡. 仲可以用兩個不同的圖案分開口味,太好了!
下年送給人的月餅可以靚靚喇~~~ 好野!

聖誕物資

小妹家中有一大箱聖誕禮物物資,誰有興趣可以與我聯絡,可以作探訪長者/小朋友的小禮物架!

鮮茄燴牛舌 / 煎餅果子

試過將牛舌條切粒,切條,切片,還是覺得切薄片最好吃,加鮮茄洋蔥椰菜同煮,很夾 :)


煎餅果子是天津的著名街頭小食,與我平時弄的煎餅有點不同,於是在網上找了食譜一試,沒有油炸鬼,用豬肉鬆/飯素代替,煎好切件送飯也不錯啊!
原食譜

紅梅谷bbq 9 Nov 08

秋天又有outing 喇! yeah~~ 謝謝anita cell 的預備,辛苦晒你地,晨早8點幾就去獅子山郊野公園bbq場霸爐,不過天有不測之風雲,大家也不料該場地8點幾已經俾賓賓攻佔了! 好彩佢地醒目,即時改往紅梅谷bbq場,先有場燒野食咋! 我地一行60人去到,已經預備了食物,應有盡有. 雖然中途有蜜蜂偷襲,但仍不減我們的興致.

熟識我的朋友都知道我對致癌炭粒很抗拒,但結果我也手痕痕燒了塊牛扒,又燒了些丸丸同人share食.燒完大家一齊分享實在太開心喇!

食飽飽之後,我地玩跳大繩.平時唔敢入繩既我,今次終於拉埋frente一齊突破自己 (大家仲記得默劇果次我扮入繩失敗扮得好似>.<, 鬼咩,經驗豐富嘛),以後知道咩timing入最o岩喇! 跳到成身汗,但好開心~ 原來一條繩已經可以玩好耐.



講個公開既秘密俾大家知,鴿子園好多爛gag 架! 影大合照,都俾人講成"大俠照",個個扮大俠(其實似螳螂),d動作仲要鬼o禁夾(齊心成咁?!)

豆沙燒餅 / 日式芝士蛋糕

又來玩麵粉時間喇! 影完兩輯相之後既我開始放肆了 (好似從來都冇戒過口).
豆沙燒餅 看似簡單, 但我卻弄得不夠煙un...是因為粉團太乾,還是搓揉不足呢? 下次再試吧!


日式芝士蛋糕用上鄰居wing 的食譜,材料不是忌廉芝士,而是卡夫低脂芝士片,想不到焗的時候香得不得了,靚仔都引到入來,而且外表與味道跟伊藤家的也很像呢! 冷與熱食之中,我覺得冷的比較好吃.冰箱裏還有芝士片,下次可以做一個作生日蛋糕呢~

vinsy image 婚紗相 29/10/08

經過了三次因天氣/工作關係改期,今次終於在"多雲,部份時間有陽光"的天氣下順利完成拍攝了!
VINSY IMAGE的studio 位於深圳,我們早上6時許便要起床,8時到達.
那兒是一個商業大廈的單位,裏面的設備簡單而齊全,經過簡單的行程介紹,便由 芳芳 (化妝/造型師) 一同試衫+化妝. 這個RMB$4000套餐包4男4女造型,最後我選了一輕便吊帶婚紗,一短(沙灘),一長拖尾(堤壩),一淡橙色晚裝裙. 靚仔就揀左兩白兩黑西裝. 這裏的婚紗款式很足夠,而且很新淨,好彩SIZE也很FIT (有大中細碼),完全不需要加釦針. 再選好了首飾及花球, 吃過了午餐 (好大隻水餃呀! 香港都未見過,好味呀!),便坐舒適van仔出發,車程一個多小時,到達時已經是12:15pm. 補妝後便開始拍攝,那時還有點陽光.
第一個吊帶look:古屋 (很古色古鄉feel)
第二個長拖尾look:堤壩 (壩上有好多人呀! 平日都o禁旺,勁呀!)
第三個橙色晚裝裙look:草地 (陽光躲藏起來了)
第四個短裙look:沙灘 (坐車20min到達,趕上日落)
5:30pm完成所有拍攝,共拍了425張相,即晚有取所有相片的softcopy,勁有效率!


幸好放棄了拍室內,才趕得上日落前拍攝沙灘,雲層在夕陽的照射下很迷人,加上攝影師的技巧,真的很美,這也是我四個場景中最喜歡的一個.
整個crew也很nice,最後來個大合照留念,攝影師係咪好型呢?(獨久了司機,因要看車).今次我們非常滿意vinsy image 的服務及水準,以上照片全部未經修飾,原汁原味,但都已經好得! 一切很美,只因有靚仔 :) 影左成日相,仲係好精神,好開心呀! 張張相都笑得好自然呀!
60天後有修相後的相架,相薄同拉米納畫,到時再會大家分享啦!

11月生日會

班cell員好鬼馬,買左兩份生日禮物俾我,好唔好意思添! 其實做cell長既可以與cell員一起成長,感恩就夠,禮物真係好小事.由於唔記得左要找cell員買禮物,搞到星期二先打俾frente,仲諗埋買乜,點知大家唔單止買我本來想要既冰皮月餅模,仲用個好靚既盒載住,裏面仲有好多野零食(cell員知道我好鬼為食,個blog多數都係講食)

最估唔到既係...大健仲買左件好sporty 既外套俾我,隻色好sharp好鐘意呀! 以後返崇拜唔怕凍凍喇! 個size仲好fit添! 搞到我鬼O禁感動...點收科呢~~


打開個盒,嘩!
返埋位,frente 同annie 仲好快手咁放多兩份禮物入個袋,嘩!仲有? 係靚靚水樽同麵包書呀! 本書仲要係我o係書局睇左好多次又唔捨得買果本添呀! 超級surprise & 開心到飛起! 大家o禁錫我,真係好感動...其實我呢個cell長真係冇乜點做過野,大家對我都o禁好...嗚嗚... 多謝你地呀! 11月感恩月,特別為有一班好錫我既CELL員而感恩~
來個合照先!