科大一遊

近來工作方面真的很忙, 而且壓力令我臉上的暗瘡爆過不停...唉...
今個星期六靚仔返長週, 專登入左科大同佢食lunch. 佢地個canteen 好多野食呀, 泰式,日式,中式,西式乜都有呀, 又平又大碟...反觀中大真係好悶呀... 睇左一陣, 終於揀到關東煮同炒金邊粉, 你睇幾大碟! 只係$23/$22 咋!!

食飽飽就落海邊行下, 今日天色好靚呀, 雖然熱左d, 但係同靚仔一齊悠閒咁行下,心情都靚靚, 熱都唔怕~~

冰皮2008 round 2

用了昨晚玩淨的冰皮料再做多7個冰皮:
黑芝麻麥皮 + 花生糊芯 (自創口味, 麥皮都用,健康了吧! 味道是ok 架!)
綠豆茸+ 藍苺蛋糕芯 (藍苺睇落灰灰的好似發霉,但係好好味)
香芋+地瓜芯
今次用喜多郎o者喱模,有花紋靚d
花生糊粉50g+澄面3湯匙+熱水5湯匙
好似一舊炭屎鬼咁(黑芝麻麥皮)
綠豆茸+藍苺蛋糕芯/香芋+地瓜芯

媽咪落左order 要整額外8個豆沙月餅俾姨姨, 媽咪對我既出品o禁有信心, 當然立即應承接單做啦~~ 我不會負你所望架!! 睇住o黎啦, 呵呵!

binbin 家造的冰皮月餅

binbin 好好人呀! 雖然我好耐冇上過愉網,佢仍邀請左我同幾個愉友齊齊整月餅.
用冰皮模做的月餅真係好靚呀, 搞到我都心思思想買一個玩下呢!! 我地整左好多隻味呀, 都是現成的饀料:
1. 黑芝麻
2. 栗子茸
3. 奶皇
4. 黑糖 (配日式月餅皮一流呀!)
5. 綠豆


又食又拎, 切開每款試d 都好飽. 我亦將自製的白蓮蓉月餅拎上來分吃,就這樣渡過了一個愉快的晚上...分享美食總是快樂的, 謝謝你呀!bin bin~~

冰皮月餅 2008

貪得意買左美心既冰滑奶茶味冰皮月餅, 味道雖然不俗, 但是反轉底面的成份一覽, 便胃口大減了...當中包括了各式各樣的調味劑, 防腐劑等添加劑. 好! 一於自製健康無添加的冰皮月餅過節吧! 以下是三款口味:
1. 綠豆茸 (綠豆 + 奶粉 + 椰漿粉 + 白糖 炒)
2. 黑芝麻 (黑芝麻粉 + 澄麵 + 熱水)
3. 香芋 (芋頭 + 糖 炒... 不過加油同奶粉會仲香d)

中間的芯用了:
1. 南瓜 (加糖, 生抽少許煮淋叉成蓉)
2. 地瓜 (加糖, 薑粉少許煮淋叉成蓉)
3. 香芋

Honey 話綠豆+香芋似雪米糍, mummy 就鐘意黑芝麻味. 大家鐘意就好喇~~~ 諗過帶返永光, 但係冰皮一定要雪...唔係會淋...都係整焗既俾佢地先得.

白蓮蓉月 (地瓜/綠豆/南瓜芯)

上年的自製月餅大受好評,今年決定再接再勵,蓮蓉方面,繼續幫襯 新信興 的清甜白蓮蓉. 今年他們採用真空密封式包裝, 存放比較衛生,但重量卻比上年少50g (即250g一包),惟有多買一包, 就選新出的桂花味試試吧!

月餅芯方面, 我一向不用高膽固醇的咸旦黃,今次用了地瓜(即番薯),南瓜茸同綠豆茸做芯,中和蓮蓉的甜濟感.1包蓮蓉分5份(50g@),做了10個月餅. 月餅皮的製法不在此多說了, 也是跟上年差不多吧~

正常月餅需要待上兩天回油才香軟,我們卻喜歡新鮮出爐先食為快,皮脆脆的,又是另一返滋味.
謝謝鸚鵡的來臨,讓我多了一天假期享受造餅/睇奧運的樂趣呢!

鮮茄芝士西芹雞丁焗螺絲粉 / 雜錦壽司

這是一個雪柜裏有甚麼就作甚麼的組合,炒好了再放入焗爐焗, 芝士香香脆脆的,yummy~~:鮮茄芝士西芹雞丁焗螺絲粉


星期六, 悠閒的預備午餐, 於是作了這個很久沒做的壽司:
1. TUNA SWEET CORN SALAD
2. 洋葱燒雞飯素
3. 蟹柳

炎熱的夏天, 吃涼涼的壽司, 爽耶~~

外野手日本料理

呢一晚同Rachel,fan & gatien, jam 去左食日式料理任叫任食, 叫左幾round,好飽呀~~ 之前錯過了愉友外野手聚餐, 睇佢地post 的相好正, 不過原來d 三文魚個樣睇落就靚, 但係其實唔係o禁好鮮架咋~~~ 都係試一次就算, 志在同大家風花雪月一個晚上^^

紅豆脆餅

呢個小食整左成個月架喇, 不過依家先POST 出來呢, 個樣就冇乜特別啦, 不過就幾香紅豆味架, 唔覺唔覺就食左好多塊~~ 豆沙又要鳴謝媽咪親自泡製呢!

食譜參考KINKI 的網頁:~紅豆脆脆餅~

記憶學

近來坊間開辦了很多記憶班,說可以將一本字典倒背如流,用數分鐘便將一副不跟次序的啤牌記住,很好奇究竟是什麼方法. 於是拉了靚仔去聽簡介講座,發現這些記憶班費用過千,深信凡事可以自學的我於是在圖書館借了些書本閱讀,發現原來記憶真有其法!

我們的大腦就是一個記憶庫, 如果我們將知道分類標籤好,記憶便變得容易和長久. 記憶學在德國是必修科,世界多個國家有記載記憶學的理論,而這本書的作者是香港人龍震天先生,他在書中舉的例子也就更切合香港人的需要,內容亦簡單易明.
如果你希望輕鬆而有效地記憶大量人名,書本知識,時間表日程,公司的常用數字,演講詞等,我誠意推介你看這本書.

第一章 人人都是記憶大師

‧準確記認六百個陌生人名字
　 ‧倒轉背誦英文字典生字
　 ‧Steve Jobs的神奇把戲
‧隱世記憶大師就在你附近

第二章 記憶力診療室

‧認識大腦記憶的局限
‧【腦部小遊戲：倒背電話號碼】
‧卡通片的啟示
‧重回現場搜尋重要線索
‧斑馬過馬路？
‧想做記憶大師？你訓醒未？！

第三章 記憶術的種類

‧讓兩條平行線也可會有相交的一點──聯想法
‧奧斯卡最佳編劇要具備的頭腦──串連法
‧【腦部小遊戲：瞬間領悟記憶二十樣東西的秘訣】
‧「餓的話，每日熬一鷹」──省略法
‧破解「百事寧死靈幽靈異」的魔咒──代碼法
‧「裘祈聯婚」男女兩家的煩惱──移花接木法
‧將要記憶的統統交給身體各個部位吧！──人體部位法
‧只要物盡其用，茶煲其實不「trouble」──物件部位法
‧誰比你更熟悉自己的房間？──羅馬房間法
‧記憶大師行走江湖之終極法寶──地點法

第四章 記憶術實戰技巧全攻略

‧緊張時刻：如何在上班首天，便能準確記低公司同事的名稱？
‧關鍵時刻：不用紙筆做記錄，亦能牢記客戶的全部要求？
‧煩惱時刻：遺失電話，便等於失掉你的人脈存摺？
　　 ‧心跳時刻：學習演講詞記憶法　提升公司及個人形象
‧決策時刻：如何牢記員工工作報告內的數據？
‧驚喜時刻：你也可以是海綿？　高效率英文生字記憶法
‧歡聚時刻：永遠為你預留最佳位置的約會記憶法
‧開心時刻：掌握數字記憶法　令數字人生無煩惱
‧歡樂時刻：將購物清單過目不忘的本領

第五章 增強記憶心得Q&A

‧中國人對辨別圖像天生異稟？
‧何謂全腦學習？
‧無印象是否等於沒有記憶？
‧年紀越大是否代表記性越差？
‧什麼是「前攝抑制」和「後攝抑制」？
‧可不可以解釋一下什麼叫「艾賓浩斯遺忘曲線」？
‧為何連體嬰、戴錯錶和寫便條會是「記憶三寶」？
‧我們要如何才能有條不紊地幫助回憶？
‧要怎樣做影像才能最有效地幫助記憶？
‧什麼才是學習記憶術的成功關鍵？

附錄　　增強學習篇：提升學習效率有法

‧小孩就是小孩
‧過目「畢」忘：學業成績倒退的致命傷
‧「一咭傍身　世界通行」──白咭片的妙用
‧打罵只會令孩子採用強記硬背的學習方法
‧不斷給予鼓勵，增強小孩子自信心
‧一心不能二用，溫習就是溫習

上述目錄轉載自 MASTERS.COM