最正斗的第五個星期日@流浮山食海鮮

回程時搭由笑騎騎既伯伯駕的小船過小河, 佢冇標價, 但臨上岸就話人人$5, 嘩!! 1分鐘就收$5位,真係好賺…晚上我地再去流浮山食海鮮, 我地好成功咁包左一架小巴又係$5位 (呢程15min 架! 同頭先差得遠)入去, 最後去左歡樂海鮮酒家食, 個叔叔同我地寫左一位$180的菜單, 有魚湯, 爆蝦, 黃金蟹, 炸生蠔, 石斑球, 蟶子, 生炒排骨, 食神炒飯, 生果盤, 抵過菜譜寫既set 喎! D分量真係夠十五個人食架~~ 大家都食到飽飽, 好滿足~






出來先知原來我地開餐既時候落過雨, 好彩啫~~
今日既行程好順利呀, 感謝主^_^

最正斗的第五個星期日@南生圍

期待已久既第五個星期日, 有得出去玩玩喇~~ 我地兩cell 好爽咁返第二堂,先到元朗幫襯馳名的勝利牛丸, 人人一碗牛腩牛丸麵/米, 不過我覺得不外如是.

吃飽飽就打的入南生圍(約$46).今日好大霧, 又天陰, 睇落同人家拍的照片差好遠…今日我要喺度揭穿南生圍的真面目!!!!! 也佩服人家真的可以把一些平平無奇的地方拍得很美很美 (加上後期製作吧?)! 雖然景色麻麻,但係我地仍然自得其樂, 八掛地看model 擺pose ^^ 大家的心情都很靚~

藍苺果醬麥曲奇

受苦節筵席後家裏多了一瓶果醬, 加祼麥粉及低筋粉,牛油,糖等做了這個藍苺果醬麥曲奇,很香牛油味, 不過有點焗過了頭,cell員話有點硬, 可是靚仔的cell員可以幫我清晒d曲奇呀~~ 好彩啫, 唔係實肥爆~~

士多啤梨yogurt蛋糕

今個週末既任務係整士多啤梨yogurt蛋糕俾靚仔cell愛筵用的. 蛋白有點打過了頭,又沒有拍打蛋糕模才入爐, 令蛋糕中間有大洞洞, 倒轉個蛋糕,再灑上防潮糖霜就完成了!

今次買的是美國大大粒士多啤梨, 成$2一粒架! 不過真係幾香, 粉漿有多,焗多幾個小muffin試味, 試驗結果- pass! (這可是我做得最多的蛋糕啊!質素當然有保証^^)

工聯會麵包實習中班 第6堂

今堂學水泡包同農夫包. 因為少左同學上堂,所以我兩份包都有份搓呀! 好Enjoy搓包包,我同kinki 的包包都發得好靚呀~~ 開始知道搓麵包的技巧了! 阿sir今堂講左好多拍拖經, 熟左之後就越來越多笑講,上堂既時間都過得特別快, 不過阿sir唔好掛住同我地傾計唔忘記拎d包包出爐呀!^_^

今次既包包都係齋包,所以阿sir俾左煉奶同牛油我地塗來吃,我就鍾意食原味多d喇~~
我玩野冇跟阿sir教既造型,整左熱狗型,呵呵!



p.s. 話說我早幾日唔小心整爛左個焗爐掣,點知今晚返到去靚仔就已經幫我整返喇,好開心呀!仲愁緊以後冇得校上火/下火添,謝謝你呀honey,錫晒你^_^

粟米薯仔/花生醬/杏仁辮子祼麥包

今個假期整左好多包包呀~~ 買左包祼麥粉,打算試整健康麥包,又係試造型時間,原來個樣靚D,食都食得開心D 架!! 我等佢發緊既時候把握時間去左跑步,跑完就發到迫埋一齊喇~
之前幾次都送晒俾鄰居,今次專登整俾家人既! ^^

宜家傢俬

一日可以出到三個POST 呀,因為影左好多相, HEHE. 流浮山之旅之後我地去左沙田行街街,又去左我地既至愛IKEA吃DINNER,欣賞瑞典的煮法多用燒焗代替炸,健康多了.漢堡雞扒第一次試,幾好味喎...

用左KINKI 教既影相方法影肉丸,後面BLUR左,睇落又真係幾得喎~~ 謝謝你呀KINKI^_^

流浮山探路

遠望內地的高樓大廈
好長的樓梯呀...
看見一大遍紅樹林
上到去,發現只有一個亭
又行返落去lu...
星期日打算去流浮山一日遊加食海鮮,聽聞尖鼻咀有候鳥生態同紅樹林睇,專登同靚仔去PRE-TRIP下...
去到...發現果度得一個亭...仲要行一條長樓梯上去...係睇到深圳呀,不過沒有其他特別...好彩PRE-TRIP下O者...唔係就弊喇...

聽聞香港濕地公園星期日好似旺角中心O禁多人...睇O黎去唔成...要諗下改咩活動先得...

麻布十番@元朗

今日去流浮山PRE-TRIP, 由於要在元朗乘小巴,順手去食下日本野,好大舊飯呀,好好味呀~~ 食完又好想自己整反卷喇~~~ 好耐沒有弄過壽司了...

受苦節筵席

受苦節筵席是我教會設立,以記念耶穌為我們釘身受苦.當中有象徵式的各種食物, 為了準備這個筵席,2點先有訓呢~~
不過都好開心一切都好順利, 終於邀請到新CELL上來我家坐下喇~~
大健仲帶左手信--北京填鴨返來, 雖然好咸,但係夾埋生菜同麥包又幾夾喎!
第一次整無酵餅,整多左幾塊,原來用來點咖喱食都唔錯呢~~

工聯會麵包中班第5堂

今堂由劉師傅代課, 佢既風格比其他師傅好唔同,唔使點搓個包(只需約5分鐘),竟然都發得起!
我留意到,個麵團最緊要唔好太乾, 就會發得好好.回想返以往既經驗就似係咁,要再作實驗先得~

係咪好多包包呢? 劉師傅示範左幾款包包造型,我發覺個包搓其他型好食D架~~好好玩呀!!今次我搓左粟米包,濕到搓唔起.其他就有提子鮮奶包,火腿洋葱扎肉包(俾我地狂落芝麻同芝士,好正呀!)
俾我地拎走...滿載而歸呀^^ 好開心~~

香橙麥包

放假,即興整橙橙麥包,實踐上堂學既造型,又專登整多D水去搓,搓5分鐘光滑就停手,可能因為天氣熱,發得好好~ 中間好軟熟. 仲送出左好多個俾鄰居試食, 好似聖誕老人咁~~

不過用直接法的包包第二天已經有點乾, 要噴水叮暖先變返軟熟,真係好想試冷藏發酵法,睇下係咪真係保持得好D ...

濃朱古力蛋糕

這個朱古力蛋糕是為PARTY而作的,可惜要早走打波去,否則會更盡興呢~~
鄰居的廚藝真的很棒!! 我每樣都試左D呀~~ 好正!

迷你吞拿魚粟米pizza + 羊扒薯菜 晚餐

7時半趕著煮晚餐,不想吃飯,於是做了薯菜,為受苦節筵席而設的羊扒買多了兩塊,好貴呀, 差不多$10一塊,以後都唔會買喇...醃了來吃味道也不錯.焗羊扒很快熟.挺方便的.
PIZZA 也是即時搓的,發酵時間短,所以也很薄,又試用了車打芝士,真係得架喎!
有一個造了包包型,好似叮噹豆沙包咁包法,留兩個做早餐^^

17 mar 08 的晚餐

又係一個人食飯...佢11點先返,痴線架,份工做死人咩~
西汁焗雞髀好好味,仲有南瓜甘筍餅,不過一個人食冇心機>.<

18號唔想打波喇, 呢個星期都要6am起身返晨更,有d頭痛添.本來打算去跑下步,又告催左...
靚仔今晚又"早走"到, 冇錯!...7點半已經叫早走...好彩我及早轉行,IT都係做到人PK的...
睇到"和味無窮"的帆立貝O禁好味,見到有$35/包急凍的,一包都有廿幾隻,平平地買來煮下,用自製的照燒汁,又幾似喎~ 加埋個乜都有D炒飯同麥香豆漿,佢食到好冧,最鍾意見到佢呢個樣.