媽咪的豆沙月餅 (送姨姨/義工試食)

又開工喇! 今次用了媽咪自製的一大盒豆沙,並預留了8個送給姨姨. 另有3個白蓮蓉月.
月餅芯用了南瓜/地瓜/綠豆茸

不過因為紅豆茸比較淋身,出來的樣子走晒樣,冇蓮蓉o禁挺身,而且表面比上次乾,出現裂痕(唉哎...)
好醜樣呀...好彩俾義工試食都話好味o者

左邊三個係蓮蓉,明顯地靚仔D

話說下星期日就係義工服務日喇, 我小組會帶一行40人的義工們去 廣蔭老人院探一班婆婆,同佢地一同渡過一個愉快的中秋節下午.
由於經費所限, 我地樣樣野都要慳. 本來打算於遊戲環節送出冰皮月餅,但係annie以信用咭換購價換到5包一口冰皮都要$80...實在太呃錢喇...所以今個星期六專程整左d俾義工們試食.
佢地好好呀,星期六下午本應係去街街既時間, 一班鴿子園的同工都齊齊返來整燈籠,好感動呀!!

講你都唔信,個兔仔燈籠係用汽球同報紙整架! 係咪好神奇呢? 係frente 同大健研究出來架! 我都整左兩個, 只欠未貼皺紙同眼仔耳朵.

今次的義工服務,我二哥哥都會來幫手呀! 二哥哥返左鴿子園幾個月喇,ivan仲同佢栽培緊添! 他信主是我今年最開心最感恩既事,開心到我彈起,這是神給我好大既恩典,也令我更有信心大哥哥與媽咪會跟隨主,願神繼續帶領我們信仰的路 :)