母親節

每年既母親節, 屬靈母親都會收到禮物,今年仍係組長既我,收到家送既傘一把, 好有用呀^^
CELL 就送左一雙筷子俾我,嚇得我丫,我未結婚架~~ ANNIE就解釋是讓我嘗嘗主恩的滋味,哈, 又解得通喎! 玫瑰係幹事送既,好靚呀~~好鍾意,多謝大家呀~~~

去美心換左打西餅返屋企與家人一同分享,好COLORFUL 呀~~

SAS gals gathering 26 may 08

約返舊同事(2k)食飯,兩位靚女都比以前靚左.好耐冇見kris,一見返就好多野傾,好開心呀! 感覺好似以前o係公司一齊食lunch咁. 可以放工之後同朋友仔舉杯暢談,實在是人生一大樂事也! 可惜另一位j成員唔舒服o黎唔到啦~ 不過我地o係email度都傾左好多野. 期待下次2k+2j 的約會!

攝於小曼谷@九龍城
garlic bread 非常yummy
柚子沙律(少辣)
串燒(豬/雞/雞翼) 好惹味呀!
泰式炒金邊粉(有花生碎,甜甜地,同柚子一齊食好夾)

同場加映:
6月中之前我諗都唔會整野食住,POST住呢個於荷里活廣場百佳買既香芋包同紅豆包先($13.5/2個).好好味架! 不過始終有人造牛油(反式脂肪),少食為妙.

五塊田至布袋澳 OUTING 18 May 08

去完CAMP,第二日又有OUTDOOR ACTIVITY. 講起都好耐冇行過山喇~ 今次呢段路唔算難行,不過我冇跟大隊上山頂,同ANITA媽媽傾計,都幾開心~
今日唔曬又冇落雨,又有清風送爽,真係好正~~
清水灣D水好靚呀~~ 好想去游水呢!

O黎張CELL員合照先~

鴿子園 camp @ 烏溪沙 16-17 may 08

謝謝幹事們努力準備的camp, 雖然只係短短兩日一夜,但係俾左我地好多反省信仰的機會. 人大了,不能太晚睡,否則可以吹水吹夜d. 希望各人都有所得著,一齊扶持走這一條信仰的道路!
傻J

出camp lu~

各位鴿子,加油呀!!

新工第三個星期

不知不覺就返左三個星期喇~~ 新工真係好忙. 初初有點不習慣, 有點壓力,小妹msn我的時候知我唔開心, 點知佢即刻o係新加坡打長途電話俾我, 果一刻真係好surprise, 小妹仲同我一齊祈禱添! 好感動呢...
你知道嗎? 你同我祈禱之後,我就即刻好似叉滿電咁,心裏頓多了一份平安和信心,去迎接新一個星期的來臨. 小妹,喺度我要再次向你說聲謝謝 :) 我會努力架!!

窗外的一片晴天

仲有一個大好消息,真係我同靚仔都可以洗禮喇~~~ 原來好多朋友都以為我地已經洗左, 哈哈,其實在永光洗禮一啲都唔簡單架! 要過4,5關先得.
6月1日 就係我同神立約既大日子, 連我屋企人都會來呀, 好緊張, 唔知會唔會忍唔住喊呢~~

忙忙忙

好耐冇見喇各位,轉左新工之後真係超忙, 返到屋企都想休息下...
其實我仲想update 返上星期去camp 的相, 都冇時間住

有好多新工作都未試過, 睇o黎我都要開turbo先得.其中一樣task係要做翻譯,難得阿頭o禁睇得起我,我諗我譯完之後,d中英文都會再上一層樓(由1樓升上2樓).

以後我冇o禁多update 個blog 喇,7-9月呢度仲會忙到short左,各位保重呀~~~

新工上任 + 拍拖周年紀念 13 may 08

返新工喇!懷著充滿期待的心情上班.呢度多人過舊公司,officer又有自己獨立房,感覺真係好唔同.
仲有,這裏的文職同事習慣叫officer做x小姐,有點不習慣呢~

返到中大,感覺好warm.今日仲撞到兩個舊同事添~ 証明中大係一個好好既機構,起馬佢地都由我讀undergrade留到依家.
今日好累呀...不斷的看文件.不過我會繼續努力,希望可以盡快pick up到d工作.話晒人地出呢個人工俾我,都要証明俾大學睇佢地冇請錯人,加油加油!!!!!

p.s. 今日除左係新工第1日, 亦都係我同靚仔的拍拖周年紀念.又一年喇~~ 呢幾年我發覺自己越來越鍾意你呀! 同你一齊感覺好幸福~~ 好想快d同你結婚,照顧你,日日同你一齊 :)

Cooking/guitar/game gathering @ YC

post d 野食相引誘下大家先, 係咪好吸引呢? hehe
其實係我地既舊朋友norman 同elman 一齊煮架~~ 坐定定有人煮埋俾我地食,都係第一次, 有幾好味就大學睇相就知啦! 簡直就係色香味俱全呀!! 勁!!
今晚第一次玩呢個board game, 都幾得意,又唔使點用腦,o岩我^^

呢個係我整既芝士波波,俾大家來到時吃的~~

my last day in BD @ 9 May 08

由收到OFFER那日到今天,好像是幾天之內的事似的.
這兩星期不斷的收拾柜筒,枱面,文件架及電腦裏的檔案,掉了很多雜物,又與Bell 進行一連5日,每天兩個多小時的intensive training,加上處理手頭上的cases,每天的時間都不夠用似的...幸好bell很聰明,話頭醒尾,所以我都好放心交低d cases俾佢.
眨下眼就last day,自己都未有心理準備.訂了西餅,與同事們吃了farewell lunch.發現還有很多新in-coming,於是成日就好似打仗咁...衝呀衝
估唔到,原來佢地買左禮物俾我,仲要係兩份,係好靚既天使音樂座同相架呀~~~ 又可以放靚相喇!多謝佢~~ alison都買左潤手霜俾我,正野o黎架...好感動,我都無預備d小禮物送俾佢地添!
今晚阿年同gary佢地考完試,一齊去唱k,bell上完堂又趕來一齊唱,唱到凌晨,好開心好盡興呀~~~

就係咁,星期六我就訓左好多粒鐘...散晒.其實o係bd最唔捨得既係三位好姊妹...希望佢地快d搵到好工閃啦~~

面試...面試

與朋友閒談,數著數著,才發覺原來近來我面對了不少的面試呢!
工作的面試有三個(其中一個還有3rd in)
洗禮的面試有四個.. 幹事-->家長-->長老-->牧師
還有與靚仔一同參與的結婚面試兩個 家長-->牧師

初初接到工作的面試邀請,的確有點壓力.因為已經兩年多沒有試過面試了,要怎麼答問題也忘記了...不過,準備過後,又發覺其實自己也蠻喜歡面試的.(朋友,請先不要說我變態啊!)

準備面試的時候,我會同時整理自己的思想,反省自己的方向...不論是工作的前途,人生的方向,及感情生活亦如是. 經過思想的過程,的確對自己各方面所想所求有了更清淅的目標.到真正面試的時候,也就忘記了緊張,可以自信地表達自己了...

面試就像被訪問,我發覺原來自己也蠻喜歡被人問問題的,哈哈!
成功pass 面試的感覺實在太棒了! 當我再接到其他工作面試的時候,也曾有想過請假去玩玩呢! 不過只是想想而已,浪費別人的時間不太好吧...好了,發up風完畢...

明天便是last day了,要好好珍惜,盡力做埋d手尾...雖然已經清了手頭上大部份的工作,但總是擔心加重了同事的負擔呢...希望可以順利過渡吧!

印尼沙律

靚仔的daddy mommy是印尼華僑,所以去他家裏吃飯有不少平時吃不到的印尼菜式,其中一款令我食過返尋味的便是印尼沙律,材料有青瓜,番茄,薯仔,烚蛋,臭豆(靚仔唔食),芽菜,豆腐,蝦片等.而這個沙律最特別的精粹便是加多加多醬-- 由花生,辣椒,椰奶等製成的膏,$2一小磚.

這晚我便做了這個沙律,用了青瓜,薯仔,粟米,烚蛋,腰果碎,肉鬆蝦片加GADO GADO.
仲焗左雞槌添~
靚仔話好食,不過我都係覺得Auntie整得好食d...

ゆっくり発酵カンパーニュ

肚仔唔舒服,在家又百無聊賴,專登揀了個無油又平時花不起時間整的食譜...

ゆっくり発酵カンパーニュ

噴水入爐,高溫烘焙,嘩,香脆到好似在高級麵包舖食到的感覺,超級興奮呀~~
中間我加左地瓜蓉同JAM
呢個包既優點係無油,又加入麥粉,超級健康,香脆可口,成份天然(糖份只加入蜜糖10g)
而且只需搓10MIN,不用搓至光滑(一樣鬆軟)
不過缺點係工序多,時間又長,不過真係好值得, 多謝a moon

高筋粉清倉了...要入貨了...CAKELIB又加左價...去邊度買好呢...

粟米QQ波

本來今日去南丫島玩架...不過一起身竟然肚瀉,瀉到腳仔軟,結果留在家休息...
訓到肚餓,起身整野食...呢個QQ波係用之前整原味QQ波的食譜再加粟米粒2大匙,但係唔覺意俾多左水,變左餅餅...不過都幾好食

光酥餅

睇到kaebakery 既食譜,先知原來光酥餅可以自家製, 而且仲好容易添!

原食譜在此


口感很像街賣的光酥餅,靚仔話有麵包的味道...究竟咩係麵包既味道呢? 嗯...不過又真係我整包包用既材料O黎既~~^^

自製壽司

很久沒有弄壽司吃,以前在宿舍做壽司的蓆也發霉了...
不知怎地偶爾再買了一張壽司蓆,又買了大片壽司用紫菜($8),家裏又有粟米罐頭,青瓜,蟹柳,早餐脆脆片,豬肉鬆,WASABI,等等...最好就是做卷物囉~~~

出來工作,可以比讀書時豪一點,在MARKETPLACE 買了鰻魚同三文魚(盛惠1百元),回家煮珍珠米飯,加入自製壽司醋,待涼...卷呀卷,弄了許多壽司呀~~~
大家沒有眼花呀,其中一款卷物的用料是:肉鬆+花生醬+早餐脆片
不要張大咀巴對著我啊~~~ 這可是非常好吃的,是本小姐自創的款式^^

材料多到勞動節LUNCH 還可以弄多一次,而且還夠靚仔做晚餐添!


雖然包得唔係好靚,但係絶對YUMMY!!
食左兩餐,都只係用左半包紫菜,諗下下次包咩好先~