Monday, March 17, 2008

義工日:楊震青少年中心

星期日係我地既義工日.今次去大角咀的楊震青少年中心. 同8個小朋友玩. 之前一路都assign我地去楊震架, 點知出發前突然被指我之前話要去保良局果邊,所以調左我地組去保良局 嚇得我?! 點解又會臨時改變架>.< 我一路都係俾負責人決定去邊架~~ 冤枉呀大人~~~ 就算係改, 都早D通知等我有個心理準備麻…Ivan 見我不知所措的樣子, 就照原定計劃去楊震, 但係原來又搞到保良局果邊少左人…唔好意思呀, 喺度講左噤多無關既野…

原來青少年中心依家有好多野玩架, 有桌球室/打機/兵乓波/電影室(d音響好勁下架)/電腦室/溫習室等等, 仲有一個大廚房, 有幾部焗爐, 可以俾d 青少年自己整野食賣架! 俾大健見到我雙眼發亮個樣添 ~

今次係我地第一次搞青少年既義工服務, 辛苦晒hosts, 我地有講故事, 整復活蛋等環保, 佢地好鬼精靈得意架~~ 尤其Kenneth仔, 眼大大, 又臉紅紅, 又醒到爆, 有前途呀!

睇返d 小朋友的feedback, 都幾鍾意同我地玩,遲d 會再o黎同呢度既小朋友星期六下午補習+玩,大家有冇興趣同佢地玩下呀? 可以聯絡我呢~ o黎客串一兩次都可以架!


No comments: