127愉網大食會

期待已久既大食會終於到喇! 星期六焗左兩個草莓優格蛋糕,星期日完左教會的活動就趕返來.
今次聚會報名非常踴躍，好彩呢個活動係因為我post完housewarming 的相就有人提出,所以好快就報左名先．結果計埋兩個可愛bb共有26人出席!! 之後都已經額滿了.

其實我之前從未見過大家, 頭頭都有d 驚難埋堆, 不過原來大家都好nice 好易傾得埋.
真係要多謝binbin, 如果冇左佢提供場地,我地根本搞唔到大食會呢!
呢個就係我地既食物名單喇, 真係好豐富呀, 食到飽晒都仲有剩,又好味!

孖b ~ 花生糯米糍
SYF ~ 腸仔菠蘿，醉雞翼
jelly ~ 草莓yogurt蛋糕
小恩子 ~ 壽司
wing999 ~ 薯片, 零食, 餐具
小吉 ~ 辣酒煮花螺
Shirley ~ pizza, 茶葉蛋
Wing ~ 曲奇
aux0702 ~ 海鮮拼盆
車仔 ~ 黑椒蜜糖豬頸肉
pekkle ~ 青口沙律另加雜菜
浪人 ~ 飲品
cow0cow ~ 肉醬意粉, 東京手信和菓子
suki ~ 雞寶
殺手 ~ secret （原來係抽奬禮物，ｄ禮物好有心思，笑死我地）
孖寶 ~ 雞翼
binbin ~ 芝士白汁焗西蘭花, 涼拌雞絲海哲, 草苺布甸仔，醉雞翼

大食會由4點開始傾計,我就差不多6點到,一來到就估人名,好彩好快有aux伉儷接力,7點左右就開餐傾計, 8點半就抽獎, 奬品由殺手預備, 抽獎環節裏面我都抽到奬喎，係魚蝦蟹加撲克牌一幅．Shirley老公抽到份好好笑既禮物...係殺手親自改編的歌詞一份,仲要即場唱,笑爆咀.
特別大奬 就係高級磁磚一塊(可能唔平架, 哈哈)

抽完奬之後就玩估歌仔遊戲同傾計, 不知不覺就玩到10點半. 又食又拎, 滿載而歸. 識到一班鄰居真係好開心,估唔到可以喺forum 度識到大家.

終於見到新車人同師兄喇! 雖然師兄早我好多畢業,但係佢睇落最多大我幾年咋!師兄同車人hold 估歌仔遊戲,大家玩得好開心

喺好多細節地方都睇到大家既心思,aux太的海鮮拼盆豐富得不得了,原來佢專登老遠走到荃灣買靚蝦, d 蝦好鮮甜,佢仲要細心到幫我地meet埋蝦殼添呀!

見孖寶同孖女好禮讓咁企後排讓大家拎野食,同佢地傾下計,原來孖女為左我地呢次聚會專登學整卥水雞翼架!孖寶唔舒服緊都頂住嚟,寧願早啲走~希望佢快d好返,下次同孖女一齊嚟玩得盡興啲添~

孖b 整既花生糯米糍專登分三個size,俾大中小朋友食,好細心,我拎多幾粒返屋企,第二日仲好軟熟架! yummy~~

貓貓去完旅行仲留左手信分俾我地,係好別緻既和菓子同大大大燒餅呢!

binbin 就唔使講,除左提供場地,仲親自預備左幾樣食物,海哲雞絲仲要o係屯門訂既添,遲d要問下係邊度訂既先~

到我地走既時候,仲有唔少人留低幫手清理場地,唔會玩完就閃..其他仲有好多人,佢地花既心思都好多,數都數唔晒,大家都發揮了鄰居守望相助同分享既精神,我知當中仲有唔少係基督徒添!

不過可惜文也同小妹o黎唔到今次既聚會啦...否則會仲開心呢~

到依家都仲記住噚晚開心既片段添~希望我地下次再玩過!

草苺優格蛋糕

呢個就係大食會整俾大家食既蛋糕食譜喇，噚晚搵返本筆記抄返ｄ材料份量，整理好喇．

草苺優格蛋糕
材料：
草莓Yogurt 1杯
草苺 4粒切碎
低筋麵粉 80g（過篩三次）
粟米油20g
糖霜 25g + 20g
雞蛋3個(分開蛋白蛋黃)

做法：
優格和蛋黃、糖霜20克混合均勻之後，加入菜油混合，再分多次加入麵粉，最後加入草苺碎輕輕拌勻
預熱焗爐 150度
蛋白打倒起泡(可加1小匙白醋及少少鹽有幫起泡)、分兩次加入25g 糖霜，打至硬性發泡

輕手將蛋黃糊和蛋白糊混合，再倒入6寸模

放下層150度焗30分鐘+130度焗10分鐘　
(中途表面燶便舖錫紙. 用竹簽試蛋糕，如沾上蛋糕液便要加時，不過呢個蛋糕既口感比較濕潤，所以有少少沾都ok．其實今次呢個時間係焗耐過之前5min 左右,所以比較乾少少,如果濕啲會仲似日式芝士蛋糕既口感)

取出待涼

*我部loyola PT-926 好猛火，所以先用150度，原本食譜用180度焗25分鐘的

小時候 -- 石蔭

今日下午請假,專程拎個飯煲去葵涌一座工業大廈維修.那兒就在我小時候長大的地方附近,所以亦順路去走走.3時取貨,我有1.5小時四周懷勉一番.

出來的時候下起小雨來,把外套的帽子戴上便繼續走,先買個包醫肚,再去舊居樓下看看.四周看了看,發覺這個時候在街上逛的都是老人家多,不奇怪啊,這個時候大家應該都在上班吧!

我舊居就是這裏--金石樓,樓下的明記超市仍在,爸爸那時候會在那兒買些香蕉糕和老婆餅給我們吃,想進去找找,失望而回.
金石樓的外牆翻新了,連對面的長榮工業大廈亦是.還記得小時候有煙囪不時噴出廢氣,不過現在已經禁止了.

沿路走著,發現街市大樓仍在,記起小學的我每天經過的馬路,人面卻全非了...有點難以形容的感覺...
買了一個2蚊壽司席,完成了這次石蔭之行.

西貢星 飯聚

第一次見到欣昕的男朋友，佢好nice呀，大家傾到好開心，仲傾到唔知時候^^．
上來新居坐的時候仲意外找到大學時代的相片,笑左一大餐．笑到好飽,同埋都食到好飽.

第一次喺西貢星食越南菜,叫了個鎮店之寶—咖喱雞大法包.真係好大個呀,仲有把較剪俾我地剪嚟食.我地剪到一個城堡咁,最後仲攻陷埋個城堡添!啲咖喱汁撈飯一流. 另外我地仲叫左個泰式炒金邊粉同海鮮炒飯,同九龍城的泰菜有得輝呢! 由於天氣凍,其他台都有唔少叫火煱.呢餐飯都幾滿意.有下次!

靚靚頸鍊

唔係我既生日，又唔係聖誕禮物，也不是慶祝新年，估唔到jam求婚都收到禮物，歌莉知道我收到戒指，就買左條長頸鍊俾我襯埋一套，好感動，條鍊係斯文款，好靚呀～搵次著得女仔ｄ既時候試下先，多謝你呀歌莉^^

小片段數則

雖然唔係咩大事,但係好想將佢地記錄落嚟,同大家分享^_^

昨天睇左emily個blog, 原來佢都好掛住我同其他舊cell員，於是當晚即刻打電話約下星期五一齊返培靈祈禱會同食飯．講開新CELL,我透露我對自己唔識講野既擔憂,但言談之間佢俾左好多鼓勵我.同emily傾電話呢幾分鐘真係我全日最開心既時刻,由心裏面暖出來,好多謝你呀! 我會繼續努力架!

返完讚美祈禱會,第一次同拍拖褓母劉牧師同李牧師見面,感覺同預期中一樣親切,我地好坦誠咁傾計,仲發現原來我地4個都係IT畢業架! 其實佢地o禁忙都仲接我地呢pair,真係好感動...
喺拍拖既關係裏有其他同路人一齊分享情侶相處既經驗,其實都幾緊要,我地之前就上左好幾課,好彩Jam係一個好好既伴侶,每次有問題時都讓我更加識得點樣去愛佢,期待著之後同其他保仔一齊查經分享既時間.同jam既結婚計劃又進了一步,感恩~:)

這是我們cell的願望瓶，裏面盛載了我們今年的屬靈目標，加埋我地精心的點綴裝飾，上面貼左我地既名initial．希望大家都為著今年的目標加倍努力!

Loyola 新飯煲

話說一年多前在百老匯買的Loyola焗爐,回到家試爐…一點也不熱, 結果要拿回店換, 幸好換了過後一直沒問題
不過今次冇噤好彩,話說我在實惠買了個同牌子的飯煲,買回家的時候試了一會兒,見它曉得發熱便放心, 誰知到一星期後真的煲飯的時候,竟然熱到5分鐘後跳掣閃燈~~! 那時候水只有點點的熱, 根本冇可能成炊, 又已經過了7日Defective Trade-In 換貨期限,要拎去維修…激死人喇>.<

結果第一次用微波爐叮飯,原來11分鐘就可以煮熟2人份量的飯,但係噤長時間叮,真係非迫不得己都唔會再試,星期四請假拎去葵涌整 (順便返小時候住的地方逛逛吧!)

…大家用忠臣的產品可要小心點…

第三年做組長

新cell已經開始左兩個星期了, 之前都提過今年係全新的cell, 不知不覺都俾左自己一定既壓力, 表面好似同平時一樣,但其實內心好驚d cell 員唔鐘意個新組合. 好在同工們都好錫我, 有咩要組長執手尾既都會主動幫我一齊分擔, 又主動問我拎資料準備帶小組, 我感到好有支持! 今年要做多d關顧方面既工作, 令新人適應個新cell.

仲記得幾年前既我係會狂煲ICQ…真係日煲夜煲果隻, 但依家好似冇左果種熱情. 以前ICQ真係會同人熟到,淨係靠星期日真係傾唔到D咩.好想多D了解我的組員,對於我呢個唔識講野既人嚟講真係一個大挑戰.這幾年來不得不認自己係一個幾悶既人,所以好怕人家唔鐘意同自己傾計.所以識我既朋友都知我係好少打電話俾人架…
喊左出來,舒服好多…多謝honey…我知道應該點做喇!

豆沙糯米糍

由於冇左個電子磅,今次只係憑感覺去量分量,好彩都仲記得上次開出來的濃度, 蒸好再包餡,甜度剛剛好, 唔錯唔錯…反而個餡唔多夠甜, 我鐘意少甜就接受到, 但係媽咪都覺得可以再甜d…所以我諗諗下都係下次先拎俾cell員試食吧…
唔知下次整咩餡好呢…麥提莎? 芒果? 諗起都好雀躍…

整完之後,大哥哥主動幫我洗用具, 話我整得噤辛苦,等佢做d野喎,其實我真係一啲都唔覺得辛苦,同埋整得大家鐘意食真係好有滿足感呢! ^_^

豆沙包

上星期搬左焗爐同用具去新屋度喇~ 但係專登留左d酵母同泡打粉在家整蒸包.
媽咪蒸左一盒紅豆呀, 諗緊唔知點用好,我就順水推舟話用來整豆沙包同糯米糍,兩樣都唔使用焗爐,yeah!

其實整豆沙都幾麻煩架, 蒸淋左之後要在mixer攪成蓉,之後加糖在大鑊炒呀炒,炒到乾身,真係炒到手軟呢~
至於包身都係用返中筋粉做, 搓呀搓,不過唔知係咪因為天氣凍,個麵糰唔係好發得起,好彩蒸好個size又剛剛好…包左14個…奇怪的是第二盤個包會凹左,好似俾人用手指篤過咁…
至於包餡的技巧麻,仲有待努力…直接法好快就唔軟熟, 又想整返老麵添…

p.s. 今次試下用個大粉篩反轉當蒸籠,又幾得喎

婚戒

今個月有5對朋友結婚,見到識得既朋友找到另一半建立家庭,好羨慕呢!(搞到有兩日右眼眼紅添,好彩之後自己好返咋...)
星期六去完midco的婚禮,女主角好靚好瘦呀, 如果我都減到就好喇...不過靠自己既力量真係好難,真係要求主加力,要克服為食既習慣,我請大家為我作見証,由今日起我要戒食完晚飯仲找餅餅同包包食,keep住每星期運動三日,今次真係唔可以衰,4月就影相喇~~~諗起d 虎背熊腰就好驚喇...

順路同jam 睇左十幾間金行,最後喺謝瑞麟睇中左對白金戒指,價錢同款式都好滿意,就買左佢,等遲d冇左就買唔返喇! 原來戒指裏面刻個名唔可以太長架,好彩我地個名都唔多字母啫! BTW謝瑞麟都唔錯,佢包永久免費翻新改大細,有啲金行每次要收100蚊架!我有VIP咭,買野有95折,有需要找我吧!不要客氣~

另一方面,jam同劉牧講左我地想申請結婚既事.之前俾劉牧o係家會度暗串有肢體到申請結婚都未搵拍拖褓姆,原來佢真係講緊我地呀,不過好多弟兄姊妹同我地求情,好感動...都好既,因為佢咁講,我的cell 員即刻找了拍拖褓姆.^^

下星期三同褓姆第一次見面,有啲緊張添...在此要多謝劉牧O禁忙仲肯收我地,搵左兩個月,終於有人肯要我地喇...見到曙光了

五旬節聖潔會全球教會禁食日

近排都冇點update 個blog, 因為公司d野做唔停,個人又病病地,喉嚨痛又戒唔到口,食埋d餅乾蛋糕,真係只可以話自己抵死nor…

最近我公司有位同事走喇,本來星期三同大夥兒一齊食lunch farewell 佢,點知撞正五旬節聖潔會全球教會禁食日, 由朝身8點半至晚上8點半都唔可以食野, 午飯時間有45min 的禱告時間,為全球教會事工祈禱. 有好幾位同事都問我點解唔去farewell果位同事,我又唔講得真相,淨係話有野做,搞到好尷尬添…好彩我本身同那位同事都係ok傾得埋,唔會誤會我唔妥佢咋! 不過真係好想同佢補返食飯farewell, 唔知有冇機會呢?

禁食祈禱唔係第一次, 平時會摺埋自己,都好易頂得住, 但係今次真係好多引誘…lunch 諗住office d 人出晒去就靜靜地啦, 點知又有個同事突然返來食外賣…香到o黎我呢邊>.<
同事請我食散水禮又唔食得(不過本身都病緊甜野少吃為妙)… 放工,果陣真係肚仔餓…經過舖頭又見到人食粥…唔知點解特別香…即刻走人…最後一小時真係最難捱,不過知道有好多同工同我一齊捱,感覺就好好多, 好享受寧靜地禱告的時間呢… :)

這晚媽媽剛好8點半就煮好飯,好好味呀,平時我多數會食零食食到飽晒,今晚就唔會,原來我可以忍到口架!希望以後都可以啦~

2008年se同學仔housewarming

新年前兩天即興地約大家上來玩, 估唔到都可以邀請到15位朋友仔上來. 終於有得開fan同rachel送既禮物-- board game 玩喇, 好開心! 雖然我有機會一齊玩,但我一定會學識佢,多謝你地呀!
由下午玩到晚上, 晚餐叫左第一城的春田日本料理 壽司同pizza 外賣, 好快就送到,不過質素就普通啦~ 下次唔叫軟殼蟹pizza 喇, 不知所謂呢! 加埋趙俊拎來的香檳, 祝大家新年更進步, 生活愉快!
見大家未夠飽, 試下煎餃子俾大家食, 點知落左油都好痴底, 問返媽咪, 媽咪話新鑊要用豬油燒紅鑊待兩天, 等d油滲入鑊身先唔會痴底, 等我快d 開鑊,咁下次就可以煎d靚餃子俾大家食喇~~~ 遲d搬埋焗爐,仲可以焗d 小食俾大家添~~

盡興的一晚, 歡迎大家再次光臨呀!

草莓乳酪蛋糕

想整個蛋糕俾cell 員上來housewarming 吃, 近來的草莓又平又靚, 決定再整yogurt cake.
由於我屋企人都好鍾意呢個蛋糕架,所以今次一次過整兩個, 大家開心. 喜歡它既似日式芝士蛋糕的濕潤感, 又健康好吃..不過個蛋糕面都係裂左, 下次試下用蒸焗法先得

最後一個主日,大家食lunch 變食tea, 之後上來傾計, 祈禱會, 分享各人的回顧與展望. 其實大家既景況大家唔講之前大概都知道, 希望大家在2008年更愛主,也能感受到主耶穌既愛

出年我要離開大家去組織另一個cell 喇, 沒有甚麼不捨的感受,因為我地雖然唔同cell,但係都會keep in touch, 一樣都係好同工,好兄弟姊妹.
Ivan唔講都唔覺,原來我既新cell 係由今年每cell一位組員組合而成,真係五湖四海都有,好得意~ 希望大家都可以盡快建立默契吧!

2008 新一年 新開始

今年既目標係 ...
少零食, 多運動, 3個月減10磅
自修語文: 英文, 國語, 日文
養成每天靈修讀經祈禱的習慣, 錫家人多啲, 搞好個cell, 今年要做好埋佢,好頭好尾.
今年仲要搞結婚d 野添…咩都未定, 仲可以做d 咩呢…