豆沙包

上星期搬左焗爐同用具去新屋度喇~ 但係專登留左d酵母同泡打粉在家整蒸包.
媽咪蒸左一盒紅豆呀, 諗緊唔知點用好,我就順水推舟話用來整豆沙包同糯米糍,兩樣都唔使用焗爐,yeah!

其實整豆沙都幾麻煩架, 蒸淋左之後要在mixer攪成蓉,之後加糖在大鑊炒呀炒,炒到乾身,真係炒到手軟呢~
至於包身都係用返中筋粉做, 搓呀搓,不過唔知係咪因為天氣凍,個麵糰唔係好發得起,好彩蒸好個size又剛剛好…包左14個…奇怪的是第二盤個包會凹左,好似俾人用手指篤過咁…
至於包餡的技巧麻,仲有待努力…直接法好快就唔軟熟, 又想整返老麵添…

p.s. 今次試下用個大粉篩反轉當蒸籠,又幾得喎