月餅試驗二: 白蓮蓉+百合/紅豆粒

今次用量有d唔同…
１. 中筋麵粉200g
２. 金獅牌糖漿120g
３. 鹼水 1/4 茶匙
４.　芥花籽油　60g
５. 新信興白蓮蓉300g ($12) 黃蓮蓉$8咋~~
６. 紅豆粒少許 / 百合碎1碗 / 旦黃汁 (屋企拎)

今次有經驗,所以出模個皮做得順滑過上次,亦由於個皮加多左好多糖漿,所以都淋左好多,好在都包得到．
另外由於今次加左成碗百合同ｄ白蓮蓉攪勻，所以變左少甜，整左９個，仲有２個份既皮淨添～

等左2日,有得食喇~~~
今次個皮真係好食左喎,同埋白蓮蓉真係貴得有價值,佢比美心的白蓮蓉清甜又不膩,正!
紅豆粒好夾, 百合碎就焗完有點硬,上次二佬冇乜點食過,今次專登提佢食,手快有手慢冇呀!!

整月餅真係好好玩, 好玩在可以任意試餡料,材料比例及時間控制不像蛋糕麵包般嚴謹,不容易失敗,
平日放工回家一定不夠時間弄麵包蛋糕,個月餅就可以輕鬆快捷,仲有半斤黃蓮蓉,諗下點玩先, hehe!