裝修第10日

今天的進度:
1. 地磚及地腳線已舖設完成及封邊
2. 天花線大致舖設完成
3. 閣仔吊柜表面掃油
4. 電掣/網絡線掣封水泥
5. 窗邊雲石完成

看來還有幾天才可完成呢~ 但手工不俗!

閣仔隱形了!

閣仔的前身

木工的自製枱子

天花線

平淡但喜樂的一個主日 24.6.07

今天雖然朝早7時多便要起床返去做司事接待,5時才走,不夠訓的我每5分鐘便打一次呵欠,但今天仍是充滿喜樂的一個主日~ 相片裏所記載的一點一滴,我想,即使將來要往別的單位事奉,當我回看這些照片,回想在鴿子園裏與各位弟兄姊妹的團契生活,還是會會心微笑的...

今天,我的相機記錄了...

ivan親手弄給我們的美味桂花糕

育光的手信--榴槤朱古力!

夾波子遊戲(在墨汁裏夾波子好難)

聖經故事分享裏的歡樂臉 之 迷惘的大健

聖經故事分享裏的歡樂臉 之 R頭的阿J

焗蛋撻 23.6.07 / 24.6.07 (第一及二回合)

jam jam話想食蛋撻,呢排又好耐冇開爐,好啦!試下新野~
其實我未焗過撻架,所以專登上網找食譜,又睇左泰昌蛋撻出既書--<蛋撻的故事>,估唔到個老細同肥彭o禁熟,到依家仲有用電郵聯絡.
原來個老細原本係五星級酒店糕餅師傅o黎架!之後先出來開蛋撻舖.一個目不識丁既小子經過多年努力,竟能成為酒店大師傅,真係只要肯努力,行行出狀元!

講返今次個蛋撻先,原來要焗出一個皮脆蛋滑既蛋撻真是殊不簡單呢,不論用料比例,火候同時間控制都非常重要,星期六小試牛刀,點知皮料只夠弄五個,蛋漿則剩了一半! (夠10個用)
180度焗左20分鐘(中途由上下火轉用下火),個皮都仲係好白,新鮮出爐時仲好脆,d蛋好滑,媽咪都讚好味,但過左幾個鐘就淋左喇, 呀!!!!!>.< 可能真係個皮焗唔夠透

星期日,心有不甘,再戰第二回合,用返昨天的蛋漿,今次整多d撻皮料,整厚d個皮,仲用多圓撻模試下.
用200度焗左20分鐘(中途由上下火轉用下火),都未夠,再用下火焗多15分鐘,叫金黃返少少,第二日都脆少少,我諗下次可以再大火d都得,因為重點係要於短時間內焗脆個皮,以免蛋漿滲入皮整淋個皮!

整蛋撻所用的工具不多,所花時間亦較少,好好玩呀!

jam jam 話下次整大菜糕撻喎,難以想像 @.@


第一回: 入爐前

第一回: 出爐了! 因為旦漿用左黃糖,所以略為深色

第二回: 入爐前 (共8個有大有細)

第二回: 厚身d,食得喇!

exp @ festival walk 23.6.07

今日好開心呀,同jam睇完好好笑既<戲王之戲>,就去左exp 食飯,呢間美心集團轄下的西式cafe 的菜式幾靚幾新穎,所以吸引到唔少人排隊幫襯.
好鐘意呢度既wHERE IS the chicken PIZZA,食過你就知係乜.仲有芥末牛肉pizza都好.呢度既pasta及appetizer 都好有特色的.惟一唔好處就係比較嘈,因為隔離就係溜冰場.
今次坐bar 枱,剛坐底便能欣賞麥嘜角色的精采溜冰,阿輝係度震震,好得意呀^^

出場喇! 好佩服佢地著住d公仔衫仲可以溜動自如

海鮮米粉卷,冇乜味,樣就靚

每次必食,全港最好味牛舌!

大蝦牛油果pizza,厚批個底好香脆,但好油

裝修第 6 日

眨眼已經第6日了,暫時完成了改寬頻地下管線路,舖雲石窗台,門口位雲石,閣仔基本木板,地磚及地腳線.
驚見門口位雲石有一條大裂縫,可能搬重物入屋時弄裂了.
見廚房滿舖裝修工具,裝修工序真的殊不簡單呢!

地板

閣仔

啟德花園 示範單位

父親節當日在大成街食lunch (這兒已經成為了我們的食堂^^).由於下午大部份cell員都不在,食完飯就同olay阿雙去左睇樓.好彩時間尚早,不用排長龍便可以上樓(走既時候已經見到長龍).第4座有兩個單位裝修了,偷偷地影左好多相,同冇去睇樓既你分享一下^^

客廳,業主要額外俾十萬蚊裝修傢俬費,不過都幾靚下!

另一示範單位的客廳,業主要額外俾十二萬五千蚊裝修傢俬費

廚房,已裝修好

細睡房,有窗台的鑽石型

能遠眺對面海的樓

我地大家~~在獅子山下相遇上~~~

36樓,望到永光喎,幾好.

細廁所,已裝修好

飯廳

全部舖了木板地,相信會有唔少業主改舖磚

我的爸爸

有時候會想,如果爸爸還在的話,我們一家會怎麼樣呢?

雖然他因病已離開我們十多年了,但小時候與他一起生活的片段仍然瀝瀝在目.
他是一位很盡責和愛我們的父親,在假日會帶我們四處去玩,例如去城門水塘野餐,去山頂呀,彭福公園,中大,暑期時還會去長洲,梅窩等地方租渡假屋玩足兩日…每年聖誕都一定會一家人去睇燈飾…

這些著他離去之後,也一併失落了. 近年多次約家人一起出街,試試一些平日不會吃的菜館,或是去看燈飾, 不同的是我們一家多了jam加入. 雖然爸爸不是親身與我們一起,但每一次我都感到他與我們一起,感覺很溫暖.

最近為裝修也特別留意由爸爸一手設計的家, 才發現原來他在設計及用料上很多很細微的地方,都花了不少心思,令我們的生活也舒適得多,例如衣柜與床架都是入牆的,雖然價錢貴三分一,但免去日後藏塵與打掃的不便. 床頭有軟墊, 軟墊內又可以放東西,一個貼牆柜至頂,美觀又實用.鞋柜與電視柜同時作間房之用, 盡用了中間的空位. 真的很佩服! 我想,如果他還在的話, 一定會給予我們很多寶貴的意見呢!

爸,我仍期待著在天堂與你再次相見,父親節快樂!

日式麵包王

人大了,很少看卡通片.
由於呢套卡通是關於造麵包的,所以honey 在日本電視上畫期間已經每星期download來一起看,每個星期都很期待新的一集呢!^^ 而廣東話配音版亦已於早前在tvb播出.

很佩服日本人的創意,烤麵包的故事可以弄出那麼多笑料.試食反應不比味吉陽一遜色,誇張得來又好搞笑,即使你不是麵包迷,也向你誠意推薦 ~ 焼きたて!! ジャぱん!

p.s.日本的便利店裏也有片中出現過的麵包售賣,不過由於雪藏多時,沒有買來吃呢~

千之瀧日本料理13.6.07

hello,又係介紹日本野呀~ 雖然日本野來來去去都係果幾樣,但係真係食極唔厭,hehe.
尤其喜歡卷物,太卷,炸蝦卷,加洲卷,三文魚卷等永遠都把我的眼睛俘擄了.
今次呢間好多新奇的東東,仲要ok近新居添,以後仲有大把機會再去!下次試下d丼先,yeah!

是次消費:約二百元
地址: 沙田沙田崗背街9-11號全輝中心B座17舖


三文魚沙律:個汁好好味,但d三文魚冇乜三文魚味

脆辣三文魚卷:脆脆地好得意

鐵板火龍卷:上台時仲咋咋聲,d芝士熱溶了,超正

冬菇軟殼蟹卷:用冬菇包壽司,有新意

自製煎餃子 7.6.07

鮮蝦雲吞續集, 不過d蝦放左幾日已經梅梅地,冇o禁好味了,煎呢,又係另一種風味,不過唔夠脆皮,都係煮好d
煮法呢,要先煎一下個底,再加水蓋上鑊蓋煮至水快乾,再加少許醋同豉油煎一下就OK 喇~

包好晒喇~

煎緊

上碟了

金沙日西料理 10.6.07

今日考完BJT,冒著大雨再訪B&Q買獨家代理的金裝ICI乳膠漆.
順手行埋新開張的SPOTLIGHT,發現完全唔掂,最恐怖係佢賣D類似紙紮公仔的東西,真係搵鬼買...
搭九龍塘的穿梭巴士返愉翠,有少許雨點,第一次行有蓋通道,全程唔使開傘,真係好開心呢!
O係街冇帶傘都唔使擔心喇, HEHE.

逗留一會,又再出發往IKEA睇窗廉架,真係好鐘意IKEA的產品同家居設計,次次睇都有新鮮感,又平又靚,我地未買新居之前都好鐘意行IKEA,當係拍拖節目之一.唔只家品,連食物都有新意,見到有煙三文魚包,不過今次食左一個雪糕咋,好香奶味,又滑,2蚊好抵食.
之後我地又再去金沙食,上次去要食正價野,今次有SET 食.
酒店師傅主理果然賣相好得.一個SET又有好多野食,都係183蚊埋單.有10蚊COUPON下次再去.^^
只POST 部份食物...


合桃沙律

滑滑蒸旦

箱押壽司

太卷

天婦羅

好重綠茶味既雪糕

自製鮮蝦雲吞

媽咪興致勃勃要整雲吞,我當然以行動支持啦!
為了要做好呢碟雲吞,不借重本於大成街街市買了30蚊斤生猛中蝦
再買了一個沙葛,和特厚雲吞皮$3/半斤(有50塊左右了),仲有其他菜等等,便打道回府

回到家,先去蝦瞉,媽咪切沙葛,紅蘿蔔碎等做料,包呀包! 包了廿多隻,我的用餃子包法,媽媽的是蝦蛟包法
先用粟米湯底煮熟,再用蠔油汁略煮就食得啦!

可能d料太濕,煮起時有d穿左,但係一食落去....真係雙眼放光呀!!!!!!!!!!!
d蝦好鮮甜其一,雲吞皮夠厚有嚼口,而且還有蠔油的美味滲入皮中,o係出面從來未未食過呢!

掛住食,冇影相添,媽咪話會再encore,到時再補貼俾大家睇下樣^^

先睹為快 "B&Q"

下午出席舊老細在洲際酒店的結婚註冊典禮,見返很多舊同事,快兩年不見了,感覺仍然親切.知道有Teamate換新工,太太有喜等消息,又見到mike少的可愛女兒,也戥他們開心呢~
Jade同Irene一齊o禁耐,終於拉埋天窗.看見他的結婚相總覺得有點生硬,看來他不太習慣面對鏡頭呢^^無論如何,祝他倆永遠甜甜蜜蜜,永結同心!

典禮過來,同jam去剛開張的B&Q.第一次去MegaBOX,地點不太方便,在九龍灣地鐵站行過去要15分鐘.
雖然還有很多舖頭未開張,但仍吸引不少人前往.暫時比較有睇頭的都是佔地兩層售賣英國家居材料零售及提供室內設計服務的B&Q，以及售賣布藝、手工藝及家居用品的澳洲SPOTLIGHT.

結果B&Q沒有令我們失望,如果ikea是家居設計及家品專門店,那B&Q 便是地磚,木地板,油漆及裝修工具的專門店.這兒有很多sample,空間感也好,兩層上落有斜自動扶手電梯,可以帶購物車一起上落,比ikea方便呢!
其實這兒還有其他賣點,不過我們沒有去逛其他東西了,因為今次集中看地磚與油漆.若你的新居要裝修,除了ikea,又有一個好地方可以逛了!

B&Q 資 料

香 港 分 店 地 址 ： 九 龍 灣 MegaBox

香 港 分 店 面 積 ： 兩 層 共 12 萬 平 方 呎

開 業 日 期 ： 2007年6月1日

產 品 種 類 ： 家 具 、 建 材 如 油 漆 、 地 磚 、 木 材 、 五 金 、 廚 房 、 浴 室 、 園 藝 及 電 鑽 等 工 具

特 色 ： 設 學 中 心 提 供 免 費 DIY 課 程 、 提 供 家 居 設 計 服 務

其 他 分 店 地 區 ： 英 國 、 中 國 內 地 、 台 灣 、 南 韓 、 土 耳 其

歷 史 ： 69 年 在 英 國 成 立 ， 當 地 有 超 過 330 家 分 店

店 名 由 來 ： 以 創 辦 人 Richard Block 與 David Quayle 姓 氏 的 頭 一 個 字 母 組 成



megabox

大門口

好多牆/地磚sample

ICI Gold系列,第一次見,介紹說這比supreme 更好