話明動態退修營,當然是特別多活動啦! 12pm 準時到達camp 旁的草地,就玩分餅仔愛筵.有人用杯麵碗預先弄熟雲吞山長水遠帶入來大嶼山,有麥當勞,未洗既提子(我中左招),煎好既腸仔同午餐肉,一大盤星洲炒米,生命麵包n條(係咪生命之家買既呢?)等等,真係嘆為觀止呀!
食飽飽,就玩估經文同玩水喇! 籌委悉心預備的遊戲背後都有意思既(薪火相傳),大家仲玩得好盡興.原本預左會濕身,但最後都唔係好激,只係中面jer.
好多鴿子星期六都要返工,要晚上先入camp. 晚飯後,便是劉牧的短講 & 偉業講故仔時間. 之後就沖左個靚涼(個浴室好ok喎! 4人房仲正呀,有埋LCD電視,似MOTEL 多過宿營喎!)再出碼頭食宵夜(我要忍口呀!),結果12點幾先返去,傾計傾到1點幾先訓.
第二朝6:30am 就起身, 因為7am就有第一個活動喇! 少少體力勞動啦! frente 揹得起我,勁呀! 之後係崇拜同短講. 下午有分組天才短劇用歌舞,劇情來表達聖經中的師徒故事,可惜要早走miss左,聽講笑到肚痛呢!
好開心今年有二哥一同參與.不過對於新人來說,這個主題未必適合. 但眼見大家都很積極參與(有鴿子去飲之後一個人搭船凌晨12點先入到來都肯),實在好感動! 我諗3日2夜大家會再投入d傾多d計呢!
2 comments:
很久以前我已有返教會啦,而且訊息很適合我,神是有牠的作為
想重溫短劇的有趣片段? 去這裡看
http://www.youtube.com/tatming99
Post a Comment