豆漿乳酪大菜糕 (附食譜)

$8一包大菜絲可以分4次整,好抵玩呀!
上次整左豆漿大菜糕,今次除左豆漿外再加1杯士多啤梨乳酪,又幾好味喎!好似爽身布甸咁. 連我一向唔多好大菜糕都食左幾啖.
靚仔至愛既大菜糕,當然留返俾佢食啦~~

材料： 大菜絲10克、豆漿共3杯、奶1杯、白糖3大匙、1杯低脂乳酪。
用具：大圓錫紙模

做法：
1. 將大菜絲剪碎浸半小時以上，用煲將豆漿2杯煮開轉細火，邊煮邊輕輕攪拌及加糖；隨後再用篩將大菜溶液由煲過濾到大碗內，以隔開那些未能順利溶透的大菜。

2. 待溶液的溫度稍降回接近常溫時，將豆漿、低脂乳酪及奶各1杯加進大菜溶液內，攪勻。

3. 將已經混和好的大菜溶液，倒進模子內，待其凝固及冷凍即可享用。