壽包 / 紅豆及地瓜卷 (失敗呀...)

大哥鐘意食蓮蓉包, 遇著佢生日大日子, 好耐冇搓包既我(上一次整包己經係5月3日)決定試下蒸壽包...不過唔知係咪太耐冇搓包, 所以未搓得好就發酵,過左1個鐘都發唔起呀...而且蒸又蒸得耐得濟(冷水起計15MIN),結果又黃又唔鬆軟...


屋企人唔介意, 就一人一個啦~~~ 大哥哥好捧場呀, 第二朝就食左一個做早餐, 好感動...

至於紅豆/地瓜卷就唔敢再蒸,拎左去焗,發大左少少,都係唔夠鬆軟, 唉...要練習返先得...