2008年12月21日 冬至/聖誕 長者探訪活動

今次係鴿子園第3次去廣蔭安老院, 聖誕檔期很滿, 幸好同中心姑娘熟,一早book定個期,先可以有得探各位長者咋!
謝謝余姑娘/許姑娘的安排, 當日有四十幾位長者參與,雖然比原本預計的三十五位名額多出十個,但義工朋友已不少,預備的禮物只有預備多一些,所以亦能應付.

我要感謝Jelly cell的各cell員,全靠你地在幕前主持一切,我可以安心的在後台預備一切功夫.
今次的一個破天荒環節是暗地裏即時列印義工與長者的合照,再放入相架送給長者,不過由於時間關係,列印和裁剪已花掉不少時間,最後要靠中心姑娘事後補送予長者,無論如何,希望他們喜歡吧!

雖然我自己沒有很多與長者交流的機會,只要不停的在後台趕工,但見到各位愉快的笑容,甚麼也是值得的!
分享會收集了大家的意見,包括了briefing提醒與長者交談注意事項,手工demo指引,茶點/水的安排,提供手提膠袋予長者等,相信下年一定會做得更好! 謝謝各位的參與啊!

自製花生醬

謝謝媽咪提議自製花生醬, 並提供花生. 原來自製花生醬真的簡單到不得了!

先把花生焗香, 再放入一字刀乾磨機, 加少許鹽,糖 磨數分鐘 (每一分鐘要抖一抖), 花生便會自己出油, 自製的花生醬原來都好香滑呀! 很有成功感呀! 得閒又整下先~

聖誕曲奇: 抺茶果仁 / 心心果醬

年年聖誕都會焗些曲奇餅, 前年是薑餅人, 上年是可可雪球/黑豆粉餅干, 今年有的材料是抹茶奶粉及杏仁/合桃, 就做個抹茶果仁/心心果醬 吧!

兩款曲奇的牛油用量都減至一般牛油曲奇的1/4分量, 把牛油與糖都狂打到發白 (打入空氣會令曲奇更鬆脆), 結果雖然曲奇比較厚,但仍很鬆脆, 試驗成功! YEAH!



至於心心果醬曲奇,其實是結婚回禮小禮物的試驗品, 不過所花的功夫實在不少, 要作400份要花的時間也真不少, 還是想想別的選擇吧! (p.s. mimi 我真的很佩服你呢! 原來你整俾鴿子園愛筵既心心曲奇真係好花時間心機呢!)



ANYWAY, 將這些曲奇都送給我致愛的鴿子園/JAM CELL 的弟兄姊妹, 希望大家喜歡!

番薯餅干 / 芝士麥皮脆餅

在OFFICE 好痕的時候, 總希望有點零咀醫肚. 剛好家裏有些番薯,芝士片,順道焗些餅餅清清雪柜吧!

它們的樣子平凡,口感偏硬(因為少牛油),不太受一般人歡迎,但卻是我的最愛:

番薯餅干

芝士麥皮脆餅

中學同學House warming

男主人唔o係度,相約女友上家中短聚,仲整左brownie (不過美國口味好甜) high tea添!
之後又有玩棋時間,不過上次玩已經係3月既事,又只係玩過一次,所以唔係好記得.結果一路玩一路睇.時間關係玩唔晒,但今次識左點玩,下次上來可以再玩過 :)

開心的一個下午~~

蓮藕多款煮法

愛上了蓮藕, 營養豐富, 煮法又有多種變化!
煎蓮藕肉餅
炒魚柳藕丁
春卷餡料
焗春卷,沒有炸的油膩感,香脆可口

Spinach Quiche 菠菜芝士焗蛋

從MIHO KITCHEN看到這個食譜菠菜芝蛋批,用了又平又靚既菠菜 $4/斤, 作我的第一次嘗試, 除了有點點出水情況外,用上片裝低脂芝士及雞丁,味道還不錯呢!

2008年的快樂生日

上年的生日要考試, 結果渡過了一個"難忘"的生日...
今年專登同靚仔請左假,享受了一個優閒自在的星期一 :）
好多地方想去，結果決定唔去睇戲,先去AMARONI 食LUNCH (兩年沒有去過了! 很懷念它的香草包,餅乾同麵包布甸呀!)
之後就選了平日好少去既香港區! 搭小輪,叮叮,逛上/西/中環,去左好出名既源記甜品食桑寄生蓮子蛋茶同雞蛋糕,又去北角買全港最好飲既天天鮮豆漿,仲買左鉅記手信,是在西環買的澳門手信啊! 還去了以前大哥返工成日幫襯既早晨麵包, 買左香蕉包,媽咪都好鐘意食~ 之後再返尖沙咀,又去旺角買左對超輕波鞋Adizero Mana,去大眾書局打書釘,晚上再去味壽司食魚生,佢D魚真係好鮮,熟食就普通啦! 好飽...好滿足~
謝謝你陪我渡過左一個好充實美滿既生日呀！




adiZero Mana：各種距離訓練跑鞋
1. 重量僅185公克，提供一般跑者輕量、功能性極佳的日常訓練鞋款，適用各種距離的跑步競賽訓練用。
2. 除具備基本的科技避震推進科技（adiPRENE®+)與耐磨鞋底外，鞋底高穩定度的熱塑結構（Torsion)提供絕佳穩定效果，降抵腳踝扭傷的機率。

以我買鞋的準則來說真的很貴($570),但著起來很輕身,可以彈彈跳都得,真的好好跑呀! 謝謝honey :)

美麗佳人 products 23/11/08

好多野拎返屋企呀! 好開心~~ 相簿DESIGN 同PRODUCT質素都OK 收貨唔使行多轉~ 比預期提早左, 趕得切成為我今年收到既其中一份好鐘意既生日禮物, HEHE~~
(大相簿,娘家相簿, 掌中本, 謝咭2款, 相架等)
(水晶相簿封底)
(大相架同海報仲O係箱裏懶得再拆出來)

美麗佳人 pre-wedding photos

7月尾影既第一輯相終於面世喇! 果日好熱呀! 最高35度, 我地去左中大, 大埔海濱公園同尖東影, 攝影師都快中暑了! 不過同靚仔影相真係好開心,一D 都唔辛苦, 仲越影越投入添!
唔係好睇得慣自己化左妝個樣^^

廣蔭安老院 冬至探訪預備 (2008年12月21日 星期日)

今年最後一次的安老院探訪活動已經預備得如火如荼喇! 以下係大致既RUNDOWN:

1. 唱聖誕詩歌 (叮噹叮 及 新生王歌) , 加上簡單動作教大家邊唱邊做 (要搵司琴,打歌詞整POWERPOINT, 諗動作)

2. 拼圖遊戲 預先CUT 好一份份, 到時就俾義工同長者一齊鬥快砌同用膠紙黏好拎到台前. 最快的5位有獎 (此時開始影所以長者同義工既合照)

3. 齊齊做立體聖誕咭 義工幫長者剪同用膠水/漿糊筆貼, 再用閃閃筆寫上祝福語送俾長者

(此時要把握時間PRINT 2R size 的所有合照)

4. 義工剪好合照, 放入相架仔送俾長者作聖誕禮物


5. 茶點時間: 思朗無糖餅乾 及 旺旺海苔米餅, 中心預備暖水

活動的成功最重要是有你的參與, 名額40人, 請多多支持啊!!

自製小飾物

唔識整小手工, 整得好簡單添... 全部都係送俾人架! 送俾邊個? 唔講你知!

焗串燒 / 麥樂雞 / 蒸蓮藕餅

牛舌+梅頭肉粒+雞丁+健康的青瓜+中辣的加多加多醬=好味的串燒: )
(已經食左幾串喇 :)

蒸蓮藕餅: 媽咪大人的發明, 將蓮藕磨成絲, 加入洋蔥,蛋,豆瓣醬等, 一個字講晒:正!


來自佳寶食品的速食:麥樂雞及哈哈薯餅, 合上眼睛掟入焗爐就可以了! 出爐時加上泰式甜辣醬, 香脆!

芝士片蛋糕 (雙層錯體版)

上次整芝士片蛋糕好好味, 諗住整返個同我同年同月同日生既好朋友Brenda 慶生, 點知失左手打蛋漏左少少蛋黃去d蛋白度, 結果d蛋白霜真係打極都打唔起呀>.< d 芝士又溶唔晒, 變左雙層芝士蛋糕...


結果都同Brenda 一齊切蛋糕, 大家都話好味, 好感動呀...

同日仲焗左d 黑芝麻蜜糖腰果/杏仁, 不過有點燶了,可惜!