蜜糖香草烤雞 13.9.07

一路都只係用焗爐焗麵包呀蛋糕呀,結果o尋晚問媽咪拎左半隻冰鮮雞,再加左少少薯仔,甘筍同洋蔥舖底,就嘗試我既第一次烤雞喇!

焗果陣真係好香架, 加上香草的味道,好似去左意大利餐廳咁,而且表皮金黃色好誘人呢!
色香都有喇...咁味呢....

結果係...個皮好味(因為有蜜糖香,好似bbq咁),d 薯仔同甘荀係超級好味(因為索左d雞油),但係雞肉就只屬合格,有點乾同不夠入味...下次加少少水去焗...一定要再試, 焗到見到人為止!

雞 半隻
薯仔, 甘筍, 洋蔥 各半個

醃料
鹽 小許
老抽 小許
生抽 小許
沙糖 小許

香草 小許

1.將雞洗淨, 瀝乾水備用
2.用醃料查均雞身, 醃過夜
3.灑上香草,底部舖上蔬菜, 用180度焗40分鐘, 用牙簽試有沒有血水出.
4.掃上蜜糖, 再焗至上色即可