Jelly について　～　話したり、食べたり、遊んだり

朋友小聚餐

2012-01-01T22:13:00.005+08:00

老公不在家的日子, 感謝兩對好友陪我渡過了溫暖歡樂的平安夜 :)
當晚小試牛刀的菜式:
雜菜吞拿魚蛋沙律 (有辣有唔辣)
第一次整既麵包撻
咖喱雜菜雞翼
雜錦炒紅飯

朋友自製的蛋糕, 好睇又非常之噤好食:
士多啤梨芝士蛋糕
牛油蛋糕仔

期待下一次再聚 : )

香蕉合桃麵包布丁

2011-12-04T00:10:00.004+08:00

多左既方包, 加埋熟透的香蕉, 又成為懶人甜品 ^^

仲有合桃添~

南瓜鬆糕 / 地瓜鬆糕

2011-12-04T00:04:00.006+08:00

呢個鬆糕真係整到手都軟, 用手指MEET散晒D粉粒足足用左我個幾鐘...@.@
但係呢個鬆糕既質感真係好特別, 應該係我噤大個女未食過, 多謝ADA, 之前自己整失敗左一次, 今次有大師教路, 終於知道秘缺.

喺ADA家整的南瓜鬆糕 : (ADA大師的食譜)

今次用紫色地瓜, 好紫呀~~~
粉狀再過篩

夾左好厚既地瓜泥餡

除左南瓜, 地瓜, 仲可以用芋泥整添, 我諗都好好味JER~

聖誔雪球 + 蔓越苺muffin

2011-11-21T00:38:00.008+08:00

好開心可以同中學同學仔Polly一齊整野食,仲傾左好耐計添^^

首先係好啱聖誔節既杏仁雪球/可可合桃雪球

結果可可合桃雪球香脆D, 可能因為牛油多D啦~

仲有易整又好味既 ~ 杏仁蔓越苺muffin
未入爐前

出爐食外脆內軟的最正

上野酵素麵包生活館 Ueno Bakery & Enzyme

2011-11-20T17:38:00.010+08:00

我的BLOG很少幫人賣廣告,但好東西當然要向朋友推介.
認識我的朋友都知道我是麵包狂熱愛好者, 去過台灣與日本之後一直都對那兒各有特色的烘培店念念不忘(香港的集團式麵包舖款式早已令人厭倦)...今年在香港終於發現了一間特色台式麵包店, 一解我對台灣烘焙店的相思之苦!

這間位於太子的麵包店, 位置不是最旺人流的旺角區, 但每次去到都有不少人在店內選購麵包, 原因是這並不是一般的麵包店. 我試過好多款麵包, 真的吃得出店主的心思. 除了好吃, 據說還加入了幫助消化的酵素, 不過最重要的, 還是真的好吃! 貴也貴得有價值的.

推介排行榜 (暫時):
1. 墨西哥腸仔包 (辣辣地又有芝士香, 係我食過最好食的腸仔包!)

2. 神木 (脆朱古力外層加夾心, 不會過甜, 會忍唔住食晒成個)
(Photo from 上野 website)

3. 巧帝絲 (OREO 脆脆加合桃碎, 我諗我自己都整唔到, 抵佢賺)
(Photo from 東周網)

4. 芋頭布丁包 (外層似芋頭酥, 仲有芋蓉布丁芯, 以前只在台灣先搵到)

吞拿魚芝士包

5. 阿麻籽紅豆乳酪麵包 (黑色竹炭外層包住鬆軟麵包和CREAM CHEESE)

6. 玫瑰洛神花麵包 (玫瑰花香加CREAM CHEESE, 粉紅色好吸引)

7. 藍山馬其朵 (咖啡加栗子蓉, 兩樣都係我喜愛的)

8. 台式小月餅 (中間是綠豆粉, 清清地, 外型好別緻)
蛋黃綠豆酥 (贈品)
紫玉酥 (贈品)

菠蘿紅豆吐司

8. 香蕉合桃鬆餅 (香蕉乾很脆, 餅身偏淋,我鐘意SCONE 多D)

9. 地瓜酥 (呢個我連台灣都未食過, 不過我個人鐘意芋頭酥多D)

黑麻花

10. 芝士煙肉包 (呢個似港式麵包, 普通啦)

11. 養身八寶吐司 (胚芽、杞子、葡萄乾、腰果、杏桃及紅莓, 好重身架! 不過北杏味我就麻麻地)

佢仲有好多款麵包同酥餅. 朋友們, 記得去試下啊!

更多介紹:
OPENRICE 上野酵素麵包生活館
FACEBOOK 上野酵素麵包生活館

2011年的生日禮物

2011-11-12T13:59:00.006+08:00

雖然未到生日, 但係已經收到好o岩用既禮物.好開心, 晒下命先^^
先有2012年座枱月曆, Thanks Michelle! 我會好好珍惜咁放喺我枱頭架~

仲有好靚既真皮記事簿, 多謝HONEY!

芝士檸檬燕麥曲奇 / 檸檬方格酥

2011-11-12T13:47:00.004+08:00

朋友gathering 之後, 家裏多了兩個檸檬. 加埋家裏的芝士粉, 就做左呢個芝士檸檬燕麥曲奇.芝士同檸檬既味道都好重 (有點兒重得濟添), 下次再整就要等芝士粉同檸檬同時喺我屋企出現既時候了... 有緣的話


繼續kill lemon!
檸檬方格酥: 上層是檸檬FILLING, 下層是消化餅CRUST, 灑上糖霜, That's it!
Lemon Cookie Square Recipe

金菇黑豚卷 / 黑芝麻粉 / 朱古力年糕

2011-11-12T13:28:00.006+08:00

金菇牛肉卷大家食得多, 原來黑豚肉片同金菇都係好朋友O黎架! 仲瘦D添! 有D卷卷加左腸仔同蟹柳絲, MIX埋個燒肉汁, ENCORE 之選!

黑芝麻粉: 第一次整俾媽咪既, 洗淨炒香再磨粉; 但係被投訴有沙, 下次要洗多幾次先得.

糯米粉要清貨, 打開雪柜見到有朱古力, 就整左個新派朱古力年糕試下, 結論係...片糕年糕好食D^^

斑蘭雪芳蛋糕

2011-11-12T13:20:00.003+08:00

之前吃過朋友帶來的新加坡斑蘭雪芳蛋糕, 一直想整, 但懶得買斑蘭葉自己整. 偶然行過第一城街市的烘焙店,在其結業前買了一瓶斑蘭精, 弄一次試試看!
弄過多次的雪芳蛋糕,15分鐘入得爐, SO EASY~

反轉個底就係平日見到好平滑既一面喇~

好鬆軟呀! 雖然未試過用班蘭葉整, 但單吃這個已經好滿足喇~

菠蘿大菜蛋糕 + 雙重朱古力大菜糕

2011-11-12T13:00:00.003+08:00

菠蘿蛋糕同大菜糕都整過, 今次試下將兩樣野一齊整, 睇下會點先

先雪好菠蘿大菜糕, 再將蛋糕液淋上面焗.
反轉左,兩層不同口感, 成功喇!

這一件上面有菠蘿片. 因為有大菜糕的水份, 蛋糕雪久了也不會乾身, 不錯!
另外做了個雙重朱古力大菜糕, 除了奶奶給的朱古力粉, 還在凝固前加了朱古力粒粒, 雙重朱古力味.

蜜糖合桃 + 爆谷

2011-10-10T18:50:00.002+08:00

超市/商店現售的焗製合桃很多都不夠新鮮, 合桃麻, 還是即焗即食好...
早排買了一些生合桃, 試焗了一次但很苦, 今次見用滾水浸10分鐘吹乾才焗, 果然苦味全消! 加埋少少龍眼蜜糖水再焗一陣, 甜甜地, 好好味...兩日就清晒一樽喇...

MIMI送既微波爐爆谷, 上星期開封了. 好得意, 叮緊果陣POP POP 聲, 仲好香添!原來裏面已經有牛油喇! 又加D蜜糖, 真係想睇場戲...多謝MIMI呀^^

同場加映: 在千色店買的MINI版RITTER SPORT, 一次過食到7種味,正呀!

斑蘭燕菜精 + 拖鞋包

2011-10-10T18:34:00.004+08:00

在印尼店買了一包斑蘭糖粉, 恰巧奶奶給了數包燕菜精粉, 就做一個簡單甜品吧!
燕菜精有84%纖維, 0脂肪, 唔食菜可以食佢.
個啫喱杯好得意, 有埋隻匙仔在上面, 好方便, 多謝奶奶

唔想整斑蘭蛋糕, 結果整左麵包, 但係由於趕住出街食飯, 由得佢發酵發左兩粒鐘, 結果親身示範了一次發酵過度的後果, 就是變得粗鞋, 成隻拖鞋咁, 大家千其唔好好似我咁呀...

胚芽肉鬆芝士麥包

2011-08-13T23:49:00.003+08:00

買左一罐小麥胚芽粉, 炒過之後去掉腥味, 除了可以沖胚芽好立克之外, 仲可以整包包^^
胚芽肉鬆芝士麥包, 好味



脹卜卜
爆芝士

4餸1湯 mission completed

2011-08-07T00:31:00.002+08:00

計劃多時的保羅團姊妹飯局, 順利完成, 唔使買飯盒, 多謝幾位賞面
小燕:多謝你帶既靈修, 會記得 -- 凡事感恩 :)
焗蜜糖雞翼
西芹炒雞丁
豬肉釀茄子 (有點失手, 不夠淋, 同埋魚肉釀會好味D)
梅菜蒸瘦肉
蕃茄薯仔甘筍豬骨湯 (第一次煲, 清清地幾好)

鵪鶉蛋燒賣 (豬肉+蝦)

2011-07-30T23:50:00.003+08:00

ENCORE 鵪鶉蛋燒賣, 整左幾次, 今次終於似返D樣喇 :)
冇落味精架!
鵪鶉蛋燒賣蒸前
鵪鶉蛋燒賣蒸後
豬肉蝦燒賣蒸前
豬肉蝦燒賣蒸後

雜錦迷你包 / QQ 波

2011-07-30T23:25:00.006+08:00

謝謝Karen, Kris, Marco & Shirley 上黎同我一齊玩麵團, 渡過了愉快的週末, 希望你地都玩得開心啦~~你地的麵包造型真係好靚呀! 要POST 上BLOG 先得 :)

大家創意十足, 有人仔, 餃子, 麵包, 擦膠, 雪人, 食鬼
踢波車
佢地話我整個雪人個樣好奸 X.X
我個心俾左Marco 喇~
今次整既QQ波係睇得又食得架!

鵪鶉蛋燒賣 (牛肉+蝦)

2011-07-25T22:53:00.003+08:00

7點未夠去到百佳, 竟然冇晒免治豬肉! 試下用免治牛肉啦~
加埋蝦膠,粟米同冬菇粒, 都唔錯, less fat ~
蒸前
蒸後

另一盤

壽司蛋糕 / 熱狗 for 壽星仔

2011-07-25T22:25:00.003+08:00

Birthday cake for Jam: 蛋糕裝飾白痴呀 >.<

中間係蟹柳,紫菜&粟米

早餐的酸瓜醬熱狗, 買唔到嘉頓熱狗包,去麵包舖買餐包, 仲好味喎!

Strawberry Yogurt Cake Again (with Cocoa Digestive Biscuit Base)

2011-07-17T23:28:00.005+08:00

得閒就會ENCORE下的蛋糕 Strawberry Yogurt Cake
今次加左個消化餅底

梅菜蒸肉餅 / 芝麻醬肉鬆蒸豆腐

2011-07-17T23:21:00.002+08:00

<梅菜蒸肉餅> (Take One)
自作主張買左水展, 本來驚冇梅頭O禁滑, 原來都好味喎! 又唔會鞋, Ah Garet, 小燕, 果然好介紹呀! 可以整俾你地食喇~

<芝麻醬肉鬆蒸豆腐>
百福豆腐真係好滑, 再次多謝 MIMI 令我知道多一樣簡單又好味的小菜

家常小菜

2011-07-02T11:42:00.006+08:00

蒜蓉蒸茄子 (蒸手指)
就係呢碟野蒸到我無名指起水泡喇!
韭菜蝦仁炒蛋 (D蝦呢埋晒, 得一隻上鏡添)

食完MIMI整既皮蛋肉鬆蒸豆腐, 好想試下整, 好滑滑呀~
有MONICA的TIPS,今次蒸水蛋大成功, 個面好平滑. 加左蝦皮, 清雞湯, 不過再加豉油就有D鹹喇~

香蕉蛋糕 / 班戟

2011-07-02T11:37:00.004+08:00

好想食香蕉, 但中醫下令要戒寒涼食物, 惟有將佢變食焗品同加肉桂令佢冇噤寒啦~

香蕉蛋糕, ENCORE 左好多次喇, 自己整, 食得最放心 : ) 今次加左少少蜜糖

好鐘意剛出爐時的脆皮表面

整完蛋糕仲有一隻蕉剩, 整多份班戟, 唔落糖, 加果醬食, YUMMY~

香橙朱古力蛋糕

2011-07-02T11:33:00.003+08:00

排橙朱古力食極都食唔晒, 用來整下蛋糕先
跟Gateau Classique au Chocolat 食譜整, 但唔加牛油同淡忌廉, 有乜分別? 冇O禁香同滑囉~

南瓜麻糬種麵包

2011-07-02T11:24:00.005+08:00

南瓜形成天然的橙色
今次的17小時麻糬種沒有預期的膨鬆,估計是由於南瓜餡太厚太重,阻礙了第二次發酵.失敗呀!

焗完反而細左, 餡太厚喇...

豆漿大菜糕 / 南瓜麥loaf cake

2011-07-02T11:20:00.004+08:00

豆漿大菜糕, summer cold dessert for my love ~

南瓜麥 loaf cake for myself ~
natural sweetness from pumpkin, plus little honey to make the glossy surface, loving it ^^

朱古力麥包

2011-07-02T11:17:00.003+08:00

加入可可粉及麥粉整成的朱古力包, 要加好多糖先可以中和到可可粉既苦味

整左屎形, 請你食 :P

嚤囉酥

2011-07-02T11:07:00.003+08:00

又手痕試整新野, 食譜來自盛師奶Blog

整出來好似恐龍蛋咁, 個皮係脆既, 個底因為加左泡打粉仲爆開左, 恐龍出世喇~

幾得意, 不過整一次就夠喇!

冰皮與脆皮

2011-05-12T20:26:00.001+08:00

多謝鄰居好友的信任,外出的數天將兩隻貓女既兩餐交俾我同JAM.佢地叫冰皮同脆皮呀,係我見過最乖同最嗲人既貓貓,超級可愛~
冰皮見到我部相機, 好奇地望住鏡頭
食食下又去裝下個豬頭裏面有D乜
 食幾粒又會扭計嗲下人, 仲跳上人大脾度, 好貪玩

佢就係家姐冰皮喇,佢好為食架,見我入廚房又以為有野食(喂,你O岩O岩先食完一餐咋喎~)

食飽運動下啦~ 嘩, 跳得好高喎~
等待的一剎
出招!
玩到累, 抖抖先
冰皮都抖埋一份

冰皮脆皮呢幾日都好乖, 我地亦任務順利完成, 好啦! 遲D再同你地玩過喇~ ^^

澳門之旅推介麵包店 -- 怡文軒

2011-05-11T20:13:00.003+08:00

認識我既朋友都會知道我係麵包FANS,老公之前講過一定要帶我去呢間O係澳門既台式麵包舖,仲叫我即管買,就算晚餐同我一齊"捱麵包"都得
行了一段路, 順利找到了"飛能便度街",窗櫥的蛋糕已經很吸引,一入到去,真係好似遜間轉移去左台北既麵包舖裏面咁, D麵包真係同台北既係一模一樣架! 此行能一解我相思台北麵包之苦, 感動...冇得O係店內影相,以下就將我買左既包包逐一介紹啦:

窗櫥有雪梅娘, 班戟, 焦糖布丁同蛋糕等甜品, 價錢相宜

葡式芝士餅 $11 (似NEW YORK芝士餅)

歐陸核桃麥包 $12 (好味,但香港食到)
洛克香芋包 $5 (洛克指個迷彩包面,中間有芋泥, 好睇又好食)

香芋包 $4 (一絲絲,中間有芋泥,好味)

芝士餐包 $3.5 (冇餡,一絲絲好軟熟)

黃金肉鬆包 $7 (美乃滋與肉鬆是最夾的好朋友)
南棗蛋糕 $6 (乾左少少)
香妃酥 $5.5 (個名好聽, 但原來裏面全部都係我唔鐘意既椰絲=.=中招!)

朱古力三角蛋糕 $5 (好RICH 朱古力味)

芝士腿蔥方包 $13 (最鐘意成舊未切既方包,點食都得,洋葱同芝士好好味)

以上10樣野合共$72,袋包都幾重架,老公仔全程幫我拎到返酒店,多謝你呀!錫晒你~
雖然有點遠離景點,但勝在真材實料,新鮮焗製,香港搵唔到,去唔到台灣的話,呢度絶對值得一去!

澳門之旅 5-6 May 2011 (景點篇)

2011-05-11T20:11:00.003+08:00

澳門大家實在太熟識了, 所以今次只精選部份相片同大家分享 : )
凱旋門,好宏偉

美高梅天幕廣場

天幕廣場人工得嚟幾靚
天幕廣場全景
永利音樂噴池 (我地喺池邊可以感受到火既熱力呢!)
賭場的世界

永利吉祥樹 (去到見唔到棵樹,好彩剛剛開始表演, 原來棵樹O係地底升上來架,仲要半個鐘先升一次,真係好彩)
吉祥樹升左上來喇

新濠天地

威尼斯人, 晴朗的一天

澳門之旅 5-6 May 2011 (酒店篇)

2011-05-11T20:08:00.005+08:00

今次我地入住既係五星級十六浦索菲特酒店 (十六浦 = Porte16 = 16號碼頭的意思), 位於大三巴附近, 非常方便.
可以喺出面睇到浴室, 都算新奇囉 (雖然可以落簾,但出面可以搞到個簾既=.=)

沖緊涼可以睇電視
L'occitane 浴室用品
夜景

酒店大堂
酒店大堂的大掛畫(畫中間就係十六浦)
從福隆新街遠佻十六浦
米高積遜珍品館,免費入場,有不少MJ親筆簽名收藏同佢著過既物品展覽.

早餐的選擇有中有西,包括點心粥品,乳酪麥片水果,麵包酥點蛋糕,班戟格仔餅法式多士,奄列,味道不俗

澳門之旅 5-6 May 2011 (飲食篇)

2011-05-11T19:06:00.005+08:00

好耐冇同JAM去過澳門, 精選左D景點同大家分享一下
阿蘇介紹過既何開記: 魚肉燒賣果然好有魚味! JAM 話以前博康街市食過呢種味, 唔知依家仲有冇呢~
牛脷酥好脆, 好食到剩兩舊先記得影相
本來想試餐牌上的牛脷酥腸粉, 可惜冇得賣喇~
洪馨椰汁, 有椰肉的真材實料椰汁, 不過$13 一細杯, 貴左D喎
澳門獨有的柑香茶($3 來來超市), 幾清香架
莫義記大菜糕, 一杯售價13大洋 (2006年去果度賣4蚊咋...貴左幾倍!)
胡椒餅都係台北既最好食, 2011年5月最新價格...$13/個

潘榮記金錢餅, 好USER FRIENDLY 的可以只買$10（有10塊), 值得嘉許

勝利茶餐室既豬扒包($13)係吉列豬扒, 塊扒好RAW, 冇乜點腌過, 個包好香脆, 都唔錯

桑寄生蓮子蛋茶 / 西蘭花甘筍炆豬軟骨

2011-04-24T00:24:00.004+08:00

腳痛持續, 不能打波, 不能行街街, 惟有寄情煮飯仔....

早排同媽咪行街買左開邊蓮子, 首次加埋佢入桑寄生蛋茶一齊煮, 真係零捨好味喎! 至於隻蛋,原蛋煲唔夠入味, 所以自始將佢切半再煲,咁就夠晒上色同入味喇~

桑寄生好有藥用價值架, 不過自己煲先知要夠甜要落好多糖, 唔落又唔好飲=.= 真係有TRADE-OFF...

參考WIKI:
歷代本草多有著錄，具補肝腎、強筋骨、祛風濕、安胎等功效，主治腰膝酸痛、小兒背部僵直、肝腎不足之風濕痺痛、肢體偏枯、頭昏目眩、崩漏下血、胎動不安、皮膚或皮下組織代膿性炎症、堅固牙齒、脫髮、補養皮膚等

買左新奇野 -- 豬軟骨, 試下用炆煮, D油多到爆, 下次真係要去肥膏同汆左水先炆.
同埋下次試下再炆耐D,目標要炆到D軟骨到食到

蘋果肉桂蛋糕仔

2011-04-24T00:22:00.005+08:00

蘋果與肉桂永遠是最好的朋友, 今次將蘋果切粒放面, 又幾OK喎!
不過蛋糕杯太細, 分蛋法蛋糕太鬆發, 一杯食完好似一陣風咁, 下次都係整返大CAKE模好D

大合照 (有點回縮了)

鵪鶉蛋燒賣/水餃

2011-04-24T00:16:00.006+08:00

屋企附近間<車仔記>之前無端端再冇鵪鶉蛋燒賣, 最近仲執埋添, 一於自己試下整, 氹下老公仔開心先

外面用水餃皮, 餡就用左雪藏蝦,免治豬肉,木耳同粟米粒, 調味一下就包得, 其實都算易整.不過味道同酒樓都係差少少, 可能因為冇用鮮蝦啦~

自己包大粒D先
蒸8分鐘就得喇
得左
唔夠蛋蛋, 包多幾隻蒸餃

多左既餡仲可以整水餃, 再用清雞湯煮3分鐘就食得,呢個食法又拍得住市面既雪藏水餃喎,唔使驚有味精添^^

液種香草吞拿魚芝士麥包

2011-04-23T14:36:00.004+08:00

天氣回暖, 麵包機又可以出籠了! 今次拎返兩年前整過既液種食譜, 來個改良版, 鬆軟度剛剛好,芝士與吞拿魚在焗爐中溶合, 成為今天滿足的午餐 ^^
包餡卷起前
第二次發酵前
發大了2倍
嘩, 發到迫埋一齊 (表面塗上蛋黃水, 再灑上香草)
CLOSE UP
多左兩個唔夠位, 放入盒仔度焗
餡料:片裝芝士與鹽水浸吞拿魚

再來自製花生醬

2011-03-21T23:45:00.002+08:00

買左一罐蜜糖花生, 食極都食唔晒, 用磨粉機打成花生醬, 雪了一晚後真的跟紳士牌一樣杰, 仲好夠甜添(因為本身是honey roasted), 用來塗方包吃好好味, 仲冇添加劑添!
睇返原來上次整已經係兩年多前喇! 舊post

黑糖糕

2011-03-21T23:40:00.003+08:00

週休三日, 用之前在twinsco買的台灣黑糖做個澎湖冒牌黑糖糕先~
蒸高包~~~發得好高呀!! 不過食落唔夠黑糖味, 似馬拉糕多d...下次要俾多d黑糖先得~
食譜來自carol 自在生活

芝士麥脆餅

2011-03-01T14:39:00.004+08:00

馬莎買來兩大盒早餐穀物脆脆,加上芝士及麥皮,又來翻炒我的最愛--芝士麥脆餅. 芝士的香加上甜甜脆脆, 不知不覺一口接一口...43塊成品竟在6天內全被KO掉了,被自己的食量嚇親...

瑤柱扒豆苗 / 雜菜粒炒紅米飯 / 雪梨花膠瘦肉湯

2011-03-01T14:37:00.003+08:00

瑤柱扒豆苗 (在新蒲崗買到$5/斤的豆苗,一度以為自己搭了時光隧道回到舊時...平到難以置信) / 雜菜粒炒紅米飯

小試牛刀, 學下用真空煲煲湯水: 雪梨花膠瘦肉湯 (甜甜的, 好飲)

每年必吃的6種糕點

2011-03-01T14:10:00.003+08:00

老爺奶奶屋企既年花:

識左JAM 之後每年都有無比口福, 因為大年初一總會嘗到奶奶的好手勢, 當然仲有外賣的印尼糕點啦! 今年我也參一把, 帶來芋頭糕, 雖然沒奶奶整得好食, 但我會繼續努力既~
黃金糕
芋頭糕
椰汁年糕/蔗糖年糕
糕點中的皇牌之選:蘿蔔糕(與自家製的辣椒油同吃是絶配!)

印尼千層糕

香蕉蘋果批

2011-01-11T10:28:00.003+08:00

這是同事極力推薦的蘋果批食譜,一直沒有時間做,就趁假期實踐它吧!
沒有批盤, 用活動蛋糕盤做都OK喎
批面皮很隨意的放上...
用了一個檸檬青,很清香,批皮很香脆,但吃一件已經很飽了...
相信這個批皮配上香蕉或梨也不錯呢!

蘋果紅豆糯米卷

2011-01-08T15:29:00.003+08:00

每次下廚也愛加點新意...糯米糍弄得多,今次來個糯米糍卷,將粉漿分三次蒸,每次蒸一片,舖上豆沙再卷起, 比糯米糍要逐粒包來的方便快捷. 沒有椰漿,用花奶代替,結果很重奶味=.= 下次咪搞
幸好豆沙較平時用得多,奶味不至於太搶.

今次在豆沙裏加入蘋果粒粒,吃起來有點爽爽的,帶點蘋果的清新,少了甜滯感.

香蕉雞蛋仔 (by 飛碟機)

2011-01-08T15:18:00.005+08:00

謝謝monica送的飛碟機,從始又有飛碟食喇!
最愛的肉桂香蕉麥飛碟:

在網上看到有人用它來做雞蛋仔,而且材料做法也很簡單,照著來做個香蕉版:
因為有泡打粉, 中途會自動漲起,好得意~
沒雞蛋仔般脆口, 相信如掃上牛油會增加香脆度
底部色擇較均勻, 真的有雞蛋仔舖頭的香氣呢!

食譜參考自:DIY雞蛋(仔)飛碟

工展會2011 + 小菜

2011-01-08T14:52:00.006+08:00

上年沒有行工展會,媽咪提議去行一轉,結果比我想像中多收穫呢! $10入場費絶對超值,最重要是要有使$使得開心!

收穫一覽 (未計媽咪買的):
榮華蛋卷(原價$59, 特價$39)
榮華龜苓膏(6罐原價$88, 特價$35)
五穀芝麻餅 $10/盒
牛油餅/mini leo夾心餅 $2.5/包
鑽石牌雜香草 $10/支
新榮腐竹條 $50/6包 (炒菜火鍋都得, 好方便)
楓之寶鈣加鎂 (原價$99, 特價$59) <-- 原來出面真係賣公價$99,早知買多2樽啦...
贈品: 粟米熱狗腸, 女人豆漿, 寒天沖劑1盒

蛋煎豆腐+西蘭花腐竹條炒鴨胸

豆腐浸一浸蛋漿才煎會香好多. 試煮乾腐竹條,又幾易入味喎, 食落同新鮮腐竹冇分別, 唔錯!

清蒸茄子

茄子清蒸,再加少許麻油,豉油,糖,飯素調味就very good 喇~

少油版煎釀三寶

2011-01-08T14:37:00.004+08:00

一向很喜歡吃煎釀三寶,但茶餐廳弄的常常吃得滿口油,自己弄的當然少油為本啦!

小時候吃的魚肉常常會吃到幼骨,現在技術進步了,街市買的青蒽鯪魚肉又香又可以放心食用,不用調味也很美味,不論釀在豆腐,青椒或茄子裏也同樣配合,健康又滿足!

釀豆腐+拌菜的糙紅米飯盒,早上起來己期待著lunch hour的來臨^^

糙米芝士瑪芬

2011-01-08T12:32:00.003+08:00

病假休養中,才發現原來我的BLOG已經數個月沒有更新了. 其實我不是沒有入廚房,只是近排少了興致尋找新食譜...找找未整理的相簿,發現還有數顆滄海遺珠, 就趁這空檔補寫一下網誌吧!

這個糙米芝士瑪芬其實吃起來的質感似"糕"多一點,因為糙米飯太重發不起了.
甜東西吃得多,這次做個鹹的點心, 味道麻...一般啦,不過當午飯吃真的很飽肚.這是一個高纖有營的點心啊!

食譜改自:Savoury Muffin

韭菜煎餅/西芹龍脷香草麵/芒果西米露

2010-09-21T19:31:00.005+08:00

某天的晚餐...韭菜煎餅

西芹龍脷黃豆蟹柳香草麵

芒果西米露
終於成功征服了大粒西米,秘密就是真空煲 ^^, 加上芒果茸 & 切粒, 成為我們的飯後甜品

蛋黃蓮蓉烤饅頭

2010-09-21T19:30:00.004+08:00

奶奶俾左盒月餅我地, 不過齋食月餅實在太漏, 最簡單既方法是買麵包夾月餅食,不過頹左D喎...所以又諗計將佢D餡改造...

屋企冇高筋粉喇, 於是用低筋粉做了這個無油烤麥饅頭卷,多了麥粉,少了罪惡感.

全麥彼得包

2010-09-21T19:29:00.004+08:00

彼得包(PITA BREAD) 係一種好得意既包, 得意在焗的時候會自動脹起(如果成功的話), 焗起就可以在中間夾野食. 今次我用左一半麥粉, 不過好似重得濟脹得少少咋... ANYWAY, 出貓用刀界開照夾野食^^

(未用刀界開前)

日式芝士鬆烤餅

2010-08-26T22:14:00.002+08:00

這是在新買的 <煎餅葱油餅> 裏的食譜之一, 不過粉漿太稀, 變左好薄既蛋糕.
自己多手加左芝士粉, 都幾香既...不過唔會ENCORE喇~
~

椰汁紅豆糕

2010-08-26T22:00:00.003+08:00

Frente 整既紅豆糕好正呀, 原來唔使蒸添, 好方便呀! 試下整先, 肥都唔理喇~
本來覺得唔係好夠實, 但係老公仔好鐘意食,頓時覺得佢好食左好多咁~
剛煮起的樣子
雪了3小時的樣子
吃淨最後一件的樣子

7月份愛筵 By 真光使團

2010-07-31T23:02:00.004+08:00

$25 可以食到乜? 睇下下面就知:

by大健媽咪
by大健媽咪
by 青蛙
卤水雞翼by jenny媽, 泰式生菜包by j 媽, 煎餃子 by jelly, 甜麥蜜獅子狗+腸 by 嘉
沙律蛋 by tina (另有沙律供夾蜜糖方包)
蕃茄薯仔湯 by 恒媽咪, 日式冷麵 by jelly, 椰汁紅豆糕 by frente
by Joey
by 阿樊
尚有j媽泰式沙律, 阿雙的白飯和 ivan 的碗仔翅, 飲品任飲
每月不同主題, 歡迎致電鴿子園查詢/訂位

黑芝麻提子麥饅頭

2010-07-31T22:50:00.003+08:00

超健康+超簡易午餐之選:黑芝麻提子麥饅頭 (一滴油都唔使, 仍然鬆軟)

(特別鳴謝:抵抗消費文化嘉年華之芝麻粉)

發大左一倍呀, 但表面唔夠光滑添...
雲石層般的內裏close up

麥香草包 / 果仁可可muffin 仔

2010-07-20T23:30:00.004+08:00

香草包整過幾次, 今次加埋麥粉, 多點健康 :)

果仁可可muffin 仔:
本來打算整俾同事食, 不過加少左泡打粉雪左會變實,都係下次整第二款啦...(加左少少腰果碎O係面)

飲食大發現: 無油超低脂蝦片

2010-07-12T22:51:00.008+08:00

想食蝦片, 但怕肥, 有計!! 仲要快靚正添!

快成點: 1分鐘搞掂
有幾低脂: 0.57fat/100g (見下圖)

味道又如何: 同油炸冇乜分別, 好香蝦味, 拎上手仲冇油淋淋感覺添!

需要工具:微波爐
方法:買包印尼生蝦片(印尼雜貨店有售 $15一包有40片), 想食既時候放入微波爐用中火叮1分鐘就食得喇~~~睇住佢由一塊生膠片發大3倍變做熟蝦片果一剎那感覺真係好神奇啊~^^
雖然係無油,不過都唔可以放肆既,因為1塊大蝦片都有35大卡架!

P.S. 放入焗爐會硬D架(見下圖), 都係微波爐最好

簡易雪糕DIY

2010-07-10T17:23:00.003+08:00

原來自製雪糕好簡單架咋, 仲好香滑添. 其實第一次整唔係咁成功, 似香蕉雪芭多d, 但第二次整加埋蛋黃, 真係似返雪糕, 仲要好rich 朱古力味添! 加埋焗香的腰果碎同朱古力粒粒,yummy.

香蕉雪芭

朱古力果仁碎酒香雪糕

朱古力奶 250ml, 可可粉40克, 蛋黃3個 (滑D), 糖30克, 淡忌廉150克, (rum酒2大匙), 果仁碎, 朱古力粒.
做法 :
1.朱古力奶加熱放入可可粉拌勻備用.
2.蛋黃加入砂糖打發至乳白色, 將作法1分次少量慢慢加入拌勻, 開火加熱至85度後關火放涼.
3.淡忌廉打至反轉唔掉, 分次加入放涼作法2中拌勻, 放入冰箱, 代稍凝固取出充份攪拌 (1小時), (加入果仁/朱古力粒) 重覆三至五次, 雪至完全凝固即成

蜜糖焗腰果

2010-07-05T11:41:00.002+08:00

我在中大校園工作的最後一天(攝於打波後),都係果句...唔捨得

原來箍牙都可以食到果仁,整個honey garlic roasted cashew nuts 先

7.2 港島一日遊

2010-07-05T11:37:00.007+08:00

繼續留港消費, 今天去了銅鑼灣<一門>午膳,這裏的厚燒蛋是招牌菜,我們點了雜菌厚蛋,還有牛肉石頭飯,蝦餅,大大隻軟殼蟹沙律,很滿足 :)

天后<臨記>格仔餅, 從來未食過o禁脆既格仔餅!
中環幾時多左條扶手電梯,正!

坐船去紅磡,風景一流

7.1 昂坪360+大澳遊

2010-07-05T11:32:00.006+08:00

7.1 天朗氣清的一天, 昂坪360帶給我倆喜出望外的景色.
可能因為早陣子下了幾天雨,洗淨了濛濁的空氣,可以遠眺飛機不停的乘風而起,藍天碧海...好像去了外地旅遊似的心情^^

個小朋友好似馬騮仔

原來天壇大佛都唔係好高O者,日日行上賤標都係二百幾級

搭21號轉移陣地入大澳

香妃卷, 好似煎餅果子, 好香孜然粉味呀~

行完大澳, 出返東涌行OUTLET, 再返九龍塘食EXP, 好滿足呀! 多謝老公^^

檸檬芝士蛋糕仔

2010-06-30T00:18:00.003+08:00

To my dearest colleagues and labmates:
I will miss you all! Wish you all the best~

梳乎厘

2010-06-30T00:17:00.003+08:00

沒有梳乎厘杯子, 用了碗來作, 果然是爬升得很高, 但要立即享用的甜品.

一陣風似的....我還是喜歡焗蛋糕多一點

提子麥餐包

2010-06-30T00:16:00.003+08:00

喜歡兩次桿捲的餐包,撕出來較一次桿捲有筋性
等待第二次桿捲中
即將入爐, 塗上蛋黃水先
紮實軟綿綿的麥餐包, 早餐吃一個已經很滿足

桑寄生蛋茶 / 花生麻糬餅

2010-06-06T00:18:00.003+08:00

桑寄生紅棗蛋茶
第一次食這個糖水是在西環<源記甜品>,但它不是很常見,所以一直也沒有再嘗過.
直至最近與校長等一班CELL員食過生日飯後再戰<綠林糖水>,又有緣再次品嘗它.
聽校長說原來自己煲也很容易,於是翻查了舊同事送的食譜,煲了這個人生第一次的桑寄生紅棗蛋茶^^ 今次略嫌蛋不夠入味, 下次連蛋+蓮子一起煲看看效果如何.

一大盒10元可以煲5次以上啊!

花生麻糬餅
看<中唱>有<多多>花生糊送, 一直不知用來作什麼好...就用它來做個麻糬餅, 外脆內軟, 吃起來有花生醬的香味. 這是一個翻炒又翻炒的小食, 無他, 快靚正又多變化麻

冬菇蒸比目魚/YORKSHIRE PUDDING/雙重朱古力瑪芬

2010-05-27T15:57:00.005+08:00

前陣子回家吃飯, 媽咪蒸了比目魚, 味道很甘香. 在凍肉舖看見$20/兩塊, 買來試一試.味道不錯,但始終是有骨的魚, 老公大人麻麻地(為了應酬我還是勉為其難吃了一點), HONEY放心啦, 冇下次喇~ ^^

香蒽芝士YORKSHIRE PUDDING (結論:我都係鐘意甜味多D^^):

蛋糕班既雙重朱古力瑪芬:

泡打粉多得濟, 滿到瀉晒
P.S. 六星級酒店大廚積高先生話加青檸/檸檬皮會有一份清香, 下次試下先

東部華僑城

2010-05-18T00:11:00.005+08:00

5月1日,7個人幾經辛苦,終於到達了東部華僑城,記住唔好漏左"東部"兩個字, 會好大件事架!~~~
呢日真係好多人,連KFC$100桶餐都要搶O禁濟,因為撞正內地假日,所以去到入口都塞車塞到暈
幸好天氣真的EXCELLENT,影左好多靚相,茶溪谷個景係幾靚,不過入場費貴左D(RMB$130),去一次就夠喇~~

豆沙鍋餅/橙酒CREPE

2010-05-14T16:22:00.005+08:00

第一次用新飯煲來煮紅豆,不用按壓已經變棉棉的紅豆蓉了,又不會像舊飯煲/用煲煮會滾瀉,以後做豆沙不用在鑊炒到手指起枕了^^
這個少油版豆沙鍋餅是用來消滅紅豆蓉的.雖然沒有餐廳用油煎般香脆,但是這個LIGHT版沒那麼油膩,吃多件也不會濟,而且快靚正呀~

橙酒CREPE 是某天假日的自製下午茶,薄薄的PANCAKE,加上微甜的橙酒SAUCE,感覺像去了HIGH TEA...

放假搞作3:芋頭糕

2010-04-22T18:47:00.004+08:00

第3樣搞作是芋頭糕,這是我第一次弄的芋頭糕呢! 不過都是同一問題,就是芋頭不夠粉,下次還是乖乖等中秋後至冬天這段時間才做這個糕吧...
(是次餡料用了冬菇,臘腸,潤腸)

出動醬油膏伴吃,i love Taiwan!

同場加映這個購自佐敦柯士甸道<多美意餅屋>的芝士方包$14, 它的芝士真的多到不得了,10分好吃! 推介!!!

放假搞作2:香芋饅頭

2010-04-22T18:45:00.005+08:00

第2樣搞作:芋頭饅頭
可惜現在不是芋頭當造的季節,芋肉不夠粉,不過蒸的時候還有滿屋芋頭香氣.
用了三溫糖,所以有點微黃色.樣子也不討好,不太光滑,但自家吃沒關係吧^^
準備桿捲二次
多手加多了水,麵糰切得不俐落
粒粒芋頭
海綿

放假搞作1:厚切豬肉乾

2010-04-22T18:43:00.005+08:00

呢排要清假,昨天全日留在家.但都忙足半日,皆因要整三樣野,一樣係豬肉乾,為左老公仔整既.
昨天買了4塊小梅頭豬扒, 挆左一陣都未變免治肉, 唔理喇, 照醃一晚做個厚切版肉乾!
與上次做的雞肉乾比較,厚切會比較多肉汁, 又不會在薄位焗燶了,不錯不錯... (食譜可以參照上次雞肉乾的LINK,真係似街賣的味道呢!再次推介!)
第1塊(共2塊)未焗前
今次加左老抽1湯匙,真係上色D喎!
JUICY^^
老公食完一塊又一塊^^

扭扭腸香辣肉丁PIZZA

2010-04-11T22:11:00.003+08:00

上次做了個扭扭腸PIZZA唔夠喉, 今次再接再勵, 整個包蟹柳/腸仔的. 今次減了1/5麵粉份量,加了少少咖喱粉, 換了雞丁,豬肉,火腿絲做餡同香辣茄汁.今次沒有發過頭,份量也剛好,滿足的晚餐^^

Popover

2010-04-11T00:49:00.004+08:00

Popover是一種美式下午茶/早餐小食,在英國有類似的東東叫 Yorkshire Pudding. 香港很少見,在電視節目中見到有一間BLT 的STEAK HOUSE 有,只見它的外型很有趣,很吸引. 後來在網上看到CAROL的食譜,原來做法很簡單,就找個週末試試看 (我只用了CAROL的一半份量做了6個MUFFIN杯SIZE).

我用了日本千代健康雞蛋($15.6/6只 SOGO特價),蛋味很濃,焗的時候有著一陣熟悉的香氣 -- 街邊雞旦仔! 看著它由液體慢慢變成固體,再發大(想不到只需倒入5成滿即會膨脹發大爆頂,我也沒有加泡打粉呢),很有趣!質感是外脆內軟的,但記得要立即食用,否則會收縮變淋了.

這個POPOVER可以做甜/鹹味,今次做了個甜版,很滿意,下次再試下芝士味先~
神奇的POPOVER

復活節崇拜的幸運禮物

2010-04-04T23:51:00.004+08:00

想不到一向沒有抽獎運的我,竟然抽中了圓角的書簽咭!
換到額外的小禮物,原來是幾包小食呢! 有媽媽喜歡的杏脯乾/無花果乾和老公愛的朱古力蛋,仲有桂花,可以沖茶用 :)

聽JENNY講莫爸爸去左好多間零食店先買夠派全永光兄弟姊妹的的朱古力蛋同布丁呢!辛苦晒!謝謝莫宅一家 :)

肉鬆芋蓉餡餅

2010-04-04T23:46:00.002+08:00

日本芋頭購自SOGO,好粉好好味,又整新野, 改自網上食譜:CAROL 食譜不過我整甜既, 下次試下整鹹既先,應該都好正
煲熟壓蓉
包餡桿薄 (有點爆餡添)
煎香

影下中間D餡先, 有來自台北的肉鬆同日本既芋蓉

胡椒餅變奏 / 無酵餅

2010-04-02T00:54:00.006+08:00

好掛住台北既福州胡椒餅, 外酥內軟又辣辣地,仲有香蒽味...其實自己整都幾麻煩架,要整埋油酥先有香酥感(好肥), 仲用炭爐烤得特別香脆, 抵佢賺錢.
自己整就SKIP左個油酥,做個胡椒包頂下癮就算,好飽呀...
沒有白芝麻, 改用飯素,原來係會燶晒架...
用胡椒芝士粉就OK

中間係豬扒宰成免治豬肉,不過唔落肥肉係差少少,唔得甘香

受苦節筵席用的無酵餅 -- 第三年整喇, 口感似硬版梳打餅, 好驚大家咬崩牙. 話明無酵, 就唔可以落梳打粉/酵母等, 好彩最後大家都清晒D餅 ^^

扭扭腸煙肉磨菇香草厚批

2010-03-28T22:29:00.005+08:00

o係sogo掃貨掃左大量意大利調味品: Oregano 香草, garlic powder, extra virgin olive oil, 用來整PIZZA最o岩喇~ 玩玩新鮮感,加d扭扭腸o係邊間先

今次用既餡料:煙肉碎, 鮮磨菇切片, 牛蒡絲(焗左好香架!), 粟米, 蟹柳絲, 洋蒽碎

冇買mozzerella cheese, 用芝士片啦
老公有事遲左1個鐘返,D腳指仔發到迫埋一齊,變成個批既其中一部份

好飽,兩個人一餐係KO唔晒,留返件第二日食,點知仲好味喎...

白糖糕試作

2010-03-28T22:28:00.004+08:00

中式糕點舖裏除了砵仔糕之外,白糖糕亦是常見的糕點. 但總覺得街賣的有一陣酸味,網友卻說自製的沒有酸味,都幾得意喎! 不斷尋求新意的我當然要試試
食譜參考我將20克白糖換成椰漿粉,唔多覺椰子味,可能要再多D.
發酵三小時後的樣子, 起左D泡, 不過原來未夠,因為蒸好冇出面賣的氣孔, 係好密密咁...不過當佢砵仔糕咁食都幾好味既~
我諗發酵6小時的話可能有兩倍高
切件入盒做早餐, 饑饉月又慳返D :)

麥精砵仔糕

2010-03-28T22:27:00.003+08:00

見到SHANDI整砵仔糕,心血來潮又想整,不過要整特別D既...用麥精維他奶如何?
我用白糖咋, 不過因為麥精本身啡色所以個色好似片糖砵仔糕咁

表面果D係朱古力釘呀, 本來係打算放中間架,不過遲左落囉,D糕都凝固左LU...
今次好滿意個質感,麥精味都幾得意,POST 埋個食譜先,做法非常簡單

材料： (大約 8個)
粘米粉 65 g + 澄麵 50 g
白砂糖 40 g
麥精維他奶 400 ml

做法：
1.將 150 ml 麥精 + 砂糖放入碗叮溶放涼備用.
2.將粘米粉及澄麵過篩後, 將巳放涼的糖水加入粉內拌勻成無粉粒的稀漿.
3.將餘下的 250 ml 麥精煲滾後, 將爐火關掉後, 等1至2分鐘左右,才將麥精慢慢加入粉漿內拌勻.
4.將粉漿傾入小碗內, 大火蒸10分鐘左右 (如果加入朱古力/紅豆可於第2分鐘開蓋加入).

玩玩新意思 -- 蜜汁雞肉乾

2010-03-28T22:25:00.003+08:00

平時食街買既肉乾就食得多,原來自己整都好容易, 仲冇O禁多色素,防腐劑等添加劑添!
最鐘意食雞肉乾, 就搵兩塊中型雪藏雞扒試做先
食譜參考
我冇落紹酒, 都好似街賣O禁好味,老公仔呢幾日講左好多次好好味, 我諗佢真係好鐘意^^
呢個新發現,推介大家試下, 用免治豬肉/牛肉仲簡單添, 唔使自己攪
用刀宰碎再醃,隔住保鮮紙滾到好薄
 D薄位好易燶呀~小心!

新彊雞豬肉串燒/燒茄子+大蘑菇/煙肉焗薯

2010-03-28T22:20:00.005+08:00

新彊雞扒/羊肉的香味來自孜然粉(小茴香). 可惜各大小超市商店也不見它的蹤影...踏破天涯無覓處,偶然在一土瓜灣小店找到它了! $6/支的孜然粉, 哈哈! 新彊串燒我來也! 今次用上雪藏的雞肉/梅頭肉,焗爐焗起好香呀~~
老公好鐘意

另加燒茄子,配上甜酸醬汁,煙肉,蕃茄洋蔥香草碎, 中間係一隻BBQ大磨菇,仲有上面有荷蘭白磨菇,購自SOGO,oregano+extra virgin olive oil+pepper+salt=italian taste

煙肉焗薯

煎蘿蔔絲餅/ 藕餅 / 薯餅

2010-03-28T22:18:00.003+08:00

鐘意整餅既我, 集合三次整餅既照片先
每次整餅, 果餐齋食餅都夠飽喇...
煎蘿蔔絲餅
蘿蔔絲餡
蓮藕餅
薯仔餅

香草芝士麵包棒

2010-03-28T22:16:00.002+08:00

外脆內軟的麵包棒, 它的名字叫 Grissini

真光使團愛筵

2010-03-16T15:47:00.008+08:00

饑饉月既愛筵,目標係食得簡單又健康.雖然話係饑饉,但係愛筵都唔可以虧待3月既壽星仔女既,今個月我地團既壽星仔係阿恒呢,希望你今年在鴿子園過得快樂啊! 我地都很開心有你既加入呢~ ^^

時間關係當日沒有詳細介紹, 以下來個菜單介紹一下:

百變三文治 (白+麥方包):
薯仔粟米沙律 by Jelly
蛋沙律 by 穎婷
火腿片及腸仔 by Frente
茄汁豆/青瓜片/蕃茄片
heshey朱古力醬(Frente提供)/花生醬/煉奶/沙律醬/茄汁

有營家常小菜 (配白飯, 忌廉白汁):
清炒時菜 by 阿嘉
煎餃子 by Frente's Fiance
茄汁豬排 by 大健媽
薯仔香腸 by 阿嘉
泰式粉絲肉碎 (生菜包)+沙律 by J媽
粟米薯蓉 by Jelly

時令甜品,生果:
瑞士蓮朱古力生日蛋糕 by Jelly
萍果/車厘茄/香蕉

每人$15埋單,right within budget : )
大家為左呢次愛筵都各盡其職, 有負責煮野食的, 有負責洗/切冷盤的, 還有買東西/預備場地的, 當然仲有愛筵後既音樂分享會, 冇大家一齊幫手都成不了事,真光團員越來越有默契 :) 下一星期又有攝影展喇~~繼續快樂地事奉呀!

一餡兩食之椰菜豬肉煎餃 + 餡餅

2010-03-16T15:39:00.003+08:00

做左幾次都係湯餃,今次整煎既, 有剩既餡用來做餡餅, 麵團是半燙麵糰(不用發酵粉),不過包到個底好厚,所以有一邊未煎得熟,有待改進~
前面果隻走光添(露餡)
先煎後加水蓋上焗熟
煎埋另一面
就咁睇個樣呃得下人,一食就發現未熟!
(要出動微波爐補鑊)

湯種肉鬆芝士包

2010-03-16T15:32:00.003+08:00

繼續消滅高粉行動,今次又玩湯種,中間夾芝士片同肉鬆,不過發得唔夠大呀,原因係塊芝士塊仲係凍,搞到個麵團發酵酵得唔夠好添,不過睇落個樣都OK既~

表面既係芝士粉
次次整湯種個包身都滑滑
另一面又影下
餡料係來自台灣的肉鬆+澳洲芝士片

焗蘿蔔糕

2010-03-16T15:13:00.002+08:00

經過數次整蘿蔔糕既試驗,加上高人的指點,今次我又再戰蘿蔔糕喇!
這一次我加多了澄麵的比重,加上有新刨刀用,可以更快手. 材料同上次一樣,不過唔知係咪落多左水,所以蒸左個半鐘都仲係痴筷子,索性放入焗爐焗熟佢! 哈哈,效果又幾好喎!個面脆脆地,仲好香添! 由於加多左澄麵,個糕仲挺身易煎,仲好有質感咁,大發現咁,老公都讚好味呀!
呢排白蘿蔔都仲係好平又靚,下次見到又買來整先~~
準備好喇~
好想齋切個面食左先,好香呀~
有冬菇,粟米,臘腸,瑤柱
一D都唔痴鑊

迷仔餐包/腸仔包

2010-03-06T23:27:00.004+08:00

數數手指,原來有五個幾月冇整過麵包喇!! D 高筋麵粉放左雪柜幾個月,要解封先得~
整返D簡單既包仔, 求求其其又一餐 : )

給老公的信

2010-03-06T14:58:00.006+08:00

老公仔:

時間過得好快呢,一遜間已是我們1週年紀念了.
1年前的3月7日,在主和眾人的見證下,我倆宣告了要結為夫妻的誓言.從此,我們多了一個的身份,多了一個稱呼,多了一個家. 老公,要說我們結婚1週年的感受,我最想對你說:慶幸我認識了你,幸好你捉緊了我,我才有現在的幸福,謝謝您.

今日襯著週末放假,花了半天整理電腦裏的照片,拾回我們舊日零碎的片段.
原來自中一認識你,我們已不經不覺經歷了很多共同的回憶,留下了很多一起拍下的照片.
中學畢業過後,我們有著不同的發展,認識了不同的朋友,有自己的戀人.幾年後再遇上,沒有想過會跟你開始,到現在還像夢一場...
看了我們的舊照片一遍,就像回到初初認識您的時候,再慢慢看著我們成長,一眨眼,原來這十數年就這樣過去了,我們也見證著彼此的成長.

一個人的下午,照片整理大工程也告完成了,心裏想起一些問題...不知道你跟我在一起以後,有沒有變得幸福了? 如果你選的不是我,相簿裏的人又會是誰呢? 不管是誰,我想我一定會很羨慕她呢.

回想過去的一年,自問愛人的功課我還未做得好. 今年的目標是陪您做多一些您喜歡的事,要同甘共苦,希望您跟我在一起生活的第二年會過得更幸福.

要跟著你一世的老婆仔上

椰菜雞肉餃/ 煙肉薯蓉餃

2010-03-05T16:00:00.004+08:00

聽朋友講自己包餃子都好容易,靚仔又鐘意食餃子,於是買左D圓型餃子皮玩下,大成街街市$4有半斤=五十塊左右,嘩!失敗左都抵玩啦...

嘗試1:椰菜雞肉餃 (comment:雞肉散開,都係用攪碎豬肉好D)

加埋燒賣又一餐

嘗試2:煙肉薯蓉餃(今次唔會散開,薯蓉味餃子仲幾得意添!)

加埋秘製辣椒甜豉油,yummy

諗下下次整咩饀好呢...

中大校花選舉 2010

2010-02-27T11:31:00.003+08:00

每年3月左右都是杜鵑花盛開的時候, 上班途中不禁要用相機拍下它的美. 其實中大還有其他顏色的,很多很多...來日要再補拍.各位認為以下哪一朵最有冠軍相?

杜鵑花林旁豎立了一棵桃花
我最鐘意這一朵桃花,好美啊!

雞肉粟米雲吞

2010-02-24T23:44:00.003+08:00

雲吞皮 $10/半斤=25塊左右, 做花生糖用唔晒, 求其搵D野包下, 就做左呢個雞肉粟米雲吞

蒸好之後覺得個皮有點厚,第二日用酸辣汁煮,FIT 晒~

新春團拜

2010-02-23T01:03:00.001+08:00

17個人一齊O係屋企可以做D咩? 可以開一圍玩CARD GAME, 一圍睇劇, 一圍玩WII 同一圍整小食囉! 非常熱鬧的一夜, 好開心呢~~ 飯後玩WII最好笑,又跳又叫,好HIGH,好彩樓下朋友仔識得,唔係實投訴我地^^

今次試整三樣簡單小食, QQ波有雙重芝士味(芝士粉+中間芝士片夾心)同雙重朱古力味(可可粉+朱古力粒粒),大家一齊整好似猜湯圓咁, 仲有幾個姊妹一齊整添!
哎呀...中間D芝士爆出來,不過變脆左好香好, 係咸左少少
唔知係咪D粉未勻,有D白色粒粒,但味道好得
雙重朱古力小蛋糕,外脆內軟架!成功!
大合照, 好迫^^
晚餐係外賣中菜及pizza & chicken,呢個係櫻之花pizza

脆皮花生糖 / 芥花籽油角仔

2010-02-23T01:01:00.004+08:00

用雲吞皮做花生糖同夾年糕, 本身係炸架, 我用焗的就凍左會硬D, 都係為左消滅D花生餡而作的

原食譜是炸的,應該幾好味,大家可以試下,餡料可以換其他

原來唔用牛油用液態油都可以好鬆脆架! 個皮OK,不過D餡燶晒...因為個皮沒加糖上唔到色,結果焗過龍 >.< 要餵垃圾筒...

賀年糕點一大堆

2010-02-17T10:40:00.007+08:00

新年最開心就係同家人一齊過節,又有好多好野食,奶奶年年都整芋頭糕,蘿蔔糕同年糕,又有買回來的印尼千層糕同黃金糕,嘩~~~惟有跑多幾次步啦!
學老爺話齋, 過節一家人一齊食糕點,飲啖茶,傾下計, 真係人生一大享受呢~

奶奶出品紫色芋頭糕^^
Monica印尼千層糕

南瓜年糕
第一次自己蒸,很軟熟,喜歡加入南瓜的清甜味...雪左二日,剛剛好,實實地又煙煙UN UN,我鐘意凍食,好似食糖咁^^

南瓜鬆糕
由糯米粉同粘米粉做成,質感好像實淨版的年糕,非常低糖,算是健康糕點呢! 煎過以後外脆內軟,正呀!

蘿蔔糕
第二次試作,這次加入了粟米,瑤柱,冬菇.用細刨真係刨到手軟, 我決定要買個大刨返來...加上伯娘的提點,下次一定會做得更好的! 蘿蔔糕係爸爸生前最愛吃的,也是大少最愛吃的糕點,所以一定會努力做好佢,上到天家整俾爸爸食 ;)

賀年焗角仔

2010-02-07T00:29:00.005+08:00

謝謝韋太提供既食譜, 試整左一次用焗爐做既牛油皮角仔. 雖然不及媽咪既豬油皮油炸版(可惜因為豬油不健康...已經絶版了),但係健康版既角仔, 一試無妨 :)

餡料:紫菜肉鬆,花生/合桃碎,砂糖,桂格穀粉 (唔鐘意椰絲同芝麻,自製可以飛晒呢D材料,嘿嘿)

包得唔靚,見諒...

情人節撞正年初一,來個心心特別版!

金菇肥牛卷 / 8 mix Jenny Bakery cookies

2010-01-14T13:49:00.009+08:00

人生第一次的金菇肥牛卷, 加左少少蟹柳入去, 原來都幾簡單啊, 又好味

謝謝Mimi & 史兄的禮物, 第1次食齊8種味道, Yummy ;) 肥都要食,好鐘意d果仁,又唔太重牛油~~

** 呢個係聖誕特別版來的啊!!!^^

蘿蔔糕 / 朱古力LOAF CAKE

2010-01-05T14:19:00.006+08:00

呢排白蘿蔔又靚又平,就在農曆新年前試整下蘿蔔糕先!

因為唔夠白蘿蔔, 所以加左D紅蘿蔔入去, 你見到橙色一絲絲既就係喇~
我放左好多料入去呀,臘腸, 瑤柱, 台式肉燥, 冬菇, 粟米粒, 蟹柳
煎左佢個面脆脆地又香, 可以encore~ (不過刨蘿蔔係最攰既步驟呢,所以一次整一個就夠喇, 唔係會手軟架)

遠度由美國返來既 Ada 送既聖誕禮物, 朱古力MIX POWDER, 焗完個面脆架, 好 RICH 的口感, thank you Ada!!! :)

雞扒雜菜 / 芋絲糕

2009-12-09T09:32:00.002+08:00

雞扒雜菜

CELL員送的<點心世界>內的其中一款食譜: 芋絲糕

但係煎果陣好易散,可能切得唔夠幼添

藍苺合桃瑪芬 / 可可蛋糕仔

2009-12-07T16:37:00.005+08:00

藍苺酥的芯太甜的話...可以留起來作蛋糕啊~

藍苺合桃瑪芬焗起時外脆內軟的...忍唔住食左三個...結果令到我一日的總熱量intake doubled左平日!!! 因為剛巧晚上約了朋友生日飯...不能推喇~~~ OHOH...

可可蛋糕仔
這個可可蛋糕仔,本來期望是一個小CUP CAKE,卻成為了一頂小帽子 @.@ (表面是抹茶米通碎)

煎釀豆腐 / 桂花雞扒 / 涼伴青瓜

2009-11-19T12:08:00.007+08:00

煎釀豆腐
一包免治豬肉可以分兩味 (茄子夾冇影), 送飯一流

桂花雞扒
桂花糖都可以用來煮餸, 又幾夾喎! 煎得又香又滑^^, 以後煮雞扒唔一定要做雞丁了!

麻辣涼拌青瓜
經過多次的嘗試,終於調校了一個較好的煮製方法

Jelly について ～ 話したり、食べたり、遊んだり