品香樓 29/7/08

呢一晚join 左jam cell 去南山村既品香樓為7月生日的cell員慶祝,出席的cell員很多,坐滿左兩圍枱呢! 好欣賞佢地會好照顧d比較靜既cell 員, 唔會忽略其中一個. 而我雖然好少join佢地既活動,但亦好感受到被佢地接納既感覺,好warm.我諗呢個就係佢地cell 成功建立維繫既重要元素之一呢!
大象介紹呢間食肆好旺場,味道真係幾掂,而且埋單每人只係$56,誠意推介! 以後o係又一城唔使再俾貴價食店局限左我地既選擇了,行遠少少就有又平又正既中菜館呢!

拜訪拍拖褓母屋企 ~ 褓仔女聚

好開心呀,今晚有褓仔女聚,而且仲係上劉牧屋企. 我都係第一次上去咋!

劉牧屋企是簡單舒適的格調,以白色為主,都係我同jam既style.仲有個露台望到好遠一片綠色,好舒服呀!

原來劉牧有三代褓仔女呀! 今晚三代同堂,冇出席晒都有差不多十pair, 有d己經成家立家添喇! 劉牧親自下廚煮飯, 有我最鐘意既五穀紅米飯,d 送仲源源不絕送上,辛苦晒劉牧同李牧師呢!可以招呼到o禁多人既晚飯真係唔簡單,我都要學下野先得!

食完飯有個抽紙仔分享時間,呢個牧養安排唔錯呀,可以在短時間好精華咁俾大家有均等機會分享拍拖樂與怒,我抽到既係"熱心", jam就抽到"氣憤",至於分享d咩,就當然係出席當日聚會既朋友先知得既秘密啦!

我們就這樣渡過了一個愉快的晚上,好高興認識大家啊! 特別要鳴謝拍拖褓母的招呼呢!

婚前輔導camp 12-13/7/08

兩日一夜的婚前輔導camp,於熟悉的烏溪沙青年新村舉行.
每對將於永光行禮的準新人都需要上婚前輔導班,亦包括這個camp,今次的camp約有20對人仔,當中包括了兩組婚前輔導班的同學.
婚前輔導班己經上了8堂,一班共有11-12對,由本來只認識sunny心怡1pair,到後來大家上堂時認識了大家的家庭背景及性格,不知不覺地建立了親切感.平時大家放學都很累,沒有怎樣傾談,但入camp便有很多傾計的機會,而且談得很投契,大家也很珍惜這份情誼.
隨著輔導班將接近尾聲,大家都有點不捨,於是交換聯絡再約班聚.我覺得大家都很nice呢!希望可以繼續保持這份情誼.始終是有緣在差不多時候步入人生另一個階段,分享彼此的經歷也特別有共鳴呢!

平時去camp就去得多,可以公然拖著手拍住拖咁去camp就真係第一次,好似約埋一齊拍拖咁,蠻有趣呢!
camp 中包括了互相認識遊戲,查經,祈禱會,case study & sharing,情書及信物製作等.時間不會很趕,有不少時間可以出去行沙灘,食糖水,於活動室玩uno,康樂棋等,很輕鬆好玩,就像週末渡假的心情 :)

雖然個camp係短時間左d,但係學到既野就畢生受用.
當中深刻的環節有查經時候,學會了順服另一半,平時的我實在也太多意見了. 另外,製作信物的時候,我發覺自己的美術觸覺真的很水皮.但這個環節提醒了我,送禮物不一定要花錢買,有時親手製作的東西會令另一半亦感動呢! 這數年收到不少他親自製造的小飾物,每次都讓我感動不己, 這方面我比不上他,但我會努力的!大家都試下親手做一d小勞作俾你既另一半丫,話唔定會帶俾佢一份驚喜呢!

周健雄牧師 教你作對聯 27/7/08

繽紗主日的活動之一: 周健雄牧師 教你作對聯

雖然出席的人數少,與牧師合共5人,但係好好玩呀,個半鐘就作到4句下聯,要對詞性同平庂,對聯仲會一連四期刊登o係崇拜附頁.周牧師又帶得攪鬼,我同二佬都對得好開心呀!

以下係我地既作品,版權所有,不得翻印啊!

1.
雲淡天高花競艷
天昏地暗虎相爭

2.
蒙主愛 千歌寄意
沐神恩 八福臨門

3.
法主自當常虔敬
榮神務要更忠心

4.
近水遠山圖畫地
藍天碧海上海灘

美麗佳人 揀相記 28/7/08

約了星期一7pm 揀相, 職員多番提醒可以的話盡量早點到,因為一般都會花很多時間才能揀到相. 由於honey 要遲d o黎,所以我7:15pm 便先到達睇相.

原來我地果日影左超過370張相呀! 仲要有好多試機/拍得不好的己經預先刪除了呢! 我們今晚的目標是要從這370張相中選取最好的35張入相簿,還要選油畫,海報及謝咭等照片.

結果呢....照片出來的效果比我們想像中好,顏色很鮮艷.尤其是草地與藍天.有些地方有驚喜;但亦有些地方未達到我們預期的效果.有個不太滿意的地方是某些相片裏看到有數個污點,雖說這些可以用電腦修掉,但是也真不太專業呢!
anyway 我同honey make decision一向都好快,所以亦在1小時裏決定了35張相,沒有加錢要多一些相片.很喜歡職員們沒有黑面或勸加照片,給人舒服的感覺!
btw, 35張雖然係少左d,但係我地已經打算再於vinsy image 影多一輯,到時會多150張相以上呢! 要瘦d先得!

下一步是於9月初看執相效果及拎softcopy cd, 到時再post 相俾大家睇啦!

美麗佳人 拍婚紗照 26/7/08

嘩, 原來我成個月冇update 過個blog 喇!! 時間過得真係快呢!
其實呢個7月有好多野想同大家分享呀, 只係每天都好似一眨眼就過, 都冇時間寫低想要記錄下來的人和事...

今次想講下終於影得成既婚紗相拍攝過程啊! 原定是今年4月拍的,結果因為天氣唔好,所以改左6月,又再因下雨再次改期,改到我連工都轉埋,今次終於影到喇!!

7月26日星期六, 雖然天氣炎熱,但是有藍天白雲, 好正呀!
我們的台灣化妝師先為我化妝造型,我覺得普通啦,比較喜歡wendy (我大日子的化妝師)的造型.攝影師是來自台灣的audi,很yeah的樣子.

9am 換衫化妝,先拍些室內照.然後11:45am 出車往中大.美麗佳人為我們book的7人日本van很先進,也很舒適,這千多元是值得的. 在車上抖足精神,半小時後便到達我們的母校中文大學了!

當日的行程如下:
第一站:崇基 (利黃瑤璧樓的樓梯,平台,教堂,小橋流水,未圓湖,草地) 米色婚紗
第二站:新亞 (mmw6樓, mmw天台,天人合一,小草地)白色婚紗
第三站:本部 (百萬大道,lady shaw) 白色婚紗
第四站:大埔海濱公園 白色婚紗
第五站:尖沙咀 (鐘樓,海旁) 粉紅色晚裝
第六站:室內景 粉紅色晚裝

7月份的星期六中大未開始o camp 及嘉年華,所以比較少人,很適合拍照.途中遇上不少summer camp的學生與我們打招呼送上祝福,很warm呢! 拍完中大只是4時多,助手提議住大埔海濱公園,原來都幾靚架!金色的夕陽令翠綠的樹葉添上閃閃的亮光...之後再返尖沙咀影鐘樓.在星期六黃昏的時候到處都是人,要找一個角度沒有拍到旁人的也真不容易呢! 不過audi做到了! 拍了一會兒,audi說等天黑一點再拍.中途有個好可愛既小妹妹走來跟我合照,有些遊客還用手機/相機為我們拍照呢! 好得意,o禁大個女未試過做左香港景點之一!

拍完夜景,再回studio拍幾張室內景,走的時候己經差不多9時了.這時的我也真開始覺得累了,雖然整天只吃了一個包,但原來拍照真的不覺得肚子餓的! 幸好mc的職員提醒我買兩支保礦力補充體力.

總括而言,整個拍攝過程也很開心,因為同honey一齊影婚紗相本身就是非常快樂的事啊!honey 到黃昏時有點累,但也笑得很帥.同行的crew也很照顧週到.攝影師audi的搞笑細胞令氣氛很輕鬆,他指導我們擺的pose也很清楚易明.

星期一晚便揀相了,不知道拍得怎樣呢? 總覺得當日的造型有點不自然,不似自己的樣子呢,但在網上看到audi的作品蠻不錯的樣子...期待著...