完工喇!~ 2.7.07

星期日下午，師傅竟然都開工，原來佢地打算今日趕起貨．星期一同ｊａｍ再去睇，大致上都冇問題，可以收貨了．竟然這麼順利！手工方面有好有唔好啦，因為我屋企本身做得太好，所以比較之下就覺得地牆線的邊有點太厚，睡房一些牆身的油漆不夠平滑，閣仔門有少少空隙．要讚的是舖地磚及天花線的手工很好，而且價錢也不貴啊！絶對是友情價，3萬蚊包磚．
已經訂了床架同衣柜，荃灣愉景新城裏的直銷中心好大好多款睇，果真是旗艦店（４萬２千尺）！而且真的好平好平!所以裏面人頭湧湧呢!我們訂了的纖維板白色燈箱床架才1,680元, 訂造5尺連柜筒及全身鏡才2,780元! 好彩冇在jusco買啫!


閣仔

客廳

可可香蕉雪芳蛋糕 2.7.07

今日放假，將兩個熟蕉整雪芳蛋糕，我多手將一半蛋漿加左可可粉，點知啲可可粉唔溶之餘仲滲入晒差不多成個蛋糕，搞到個蛋糕變左做可可香蕉蛋糕，啲可可粉仲有啲苦添，結果我在中間塗了些煉奶加強甜度．
不過呢個蛋糕雪凍左之後好味左好多喎，啲可可粉食落變左少少黑純朱古力粒粒的感覺，變成extreme dark chocolate banana cake頓時高級左好多^_^


朱古力色

中間有香蕉同可可粒

日本綿花蛋糕 1.7.07

整蛋撻用剩好多花奶,從我的outstanding list 中找到這個食譜 – 日本綿花蛋糕．呢個蛋糕在網上好ｈｉｔ的,有好多焗蛋糕發燒友都整過．呢個蛋糕既特色係比海綿蛋糕更軟滑，但我結果整得比較實，同埋好重蛋味，未諗到點可以做得好啲，所以都唔會再整住喇～～


焗緊

出爐了

冷卻後