4月29日 義工服務日

準備左1個多月,終於到了這天.是日天陰,早上還下著微雨,幸好崇拜後已經停雨了.
11:30am briefing,lunch,1:45pm到達沙田坳道的廣蔭安老院.
雖然是大斜坡,但都好近龍翔中心,所以好快就到.
余姑娘好nice, 所有野都準備得妥妥當當,2:30pm未到婆婆們已經主動走入來禮堂與我們的義工們傾計.
祈禱後正式開始
第一部份:健康十式
阿蟹準備得好好,仲有青蛙,得鴻及joey媽媽出來做示範,這部份令婆婆與義工們都熱身了.
第二部份:估歌仔
婆婆們分3組,播一些熱門的粵曲給他們估,估得最多的一組有獎
第三部份:摺紙鶴
義工與婆婆一起摺紙鶴,再轉贈予另一位婆婆,將祝福送給別人.
第四部份:送禮物
婆婆們都很喜歡我們預備的禮物與玫瑰花呢!好開心呀!
第五部份:飲茶聊天
義工們大都認為這部份最能給予長者關懷.其實很多義工都是第一次探訪長者的,但都能於短時間與長者談得很投契,他們都說很享受這段時光呢!
有義工分享與他談天的婆婆雖然聽力與視力都不好,但婆婆卻說很感謝神送她的所有,婆婆更主動開聲為義工祈禱,比起很多活動自如的人,她們有著更豐盛與喜樂的心靈啊!

姑娘說這次活動令婆婆們很開心,還問我們何時再來呢!
她特別指出其中一位只懂說潮洲話的婆婆,平時因為院內的人都聽不懂她說甚麼,但主真的有祂的安排,剛巧是潮洲人的阿勇便與她一組.姑娘說很久沒有看到她那麼愉快地與人傾談了.

我想多謝Ray,昇仔,趙進,阿fan(又名gary)的參與,多謝你們賞面接受我的邀請,你地tum得d婆婆好開心呀!
當然要感謝我們的主, 我們由找服務對象,計劃流程,預備遊戲,採購禮物到服務當日都很順利,也讓我們得到做function的寶貴經驗.希望下次可以做得更好!一切榮耀歸主! 我們更希望可以把基督的愛帶給少人探望,行動不便的長者,因為他們更加需要我們將福音帶給他們呢!

(最新加入! 7 may)
大會攝影師koeman 既相

義工問卷檢討回顧


gary哥影既~~

Sha Tin Town Lot No.462

呢個view真係一流

金沙日本料理

話說深圳一日遊係返左香港先食晚飯,結果我,jam 同gloria就去左沙田廣場既金沙日本料理,呢間食肆係由前酒店師傅主理,佢既食物賣相同味道都認真唔錯,大家睇下相就知.睇落都覺得去左酒店高級餐廳食咁樣,當然,價錢唔算好貴,同和民差唔多咋!值得去呢~

釀雞肉卷

素沙律(大大碟,有合桃碎好好味)

帆立貝拉麵(超彈牙)

木魚炸蝦卷物

基本小餐包 21/4/07

這次是特別為了日文發表拍攝而做的基本餐包,味道少少咸,剛出爐時外脆內軟,也發得非常順利.簡單而好吃^^


打好的麵糰,發酵前


發酵後


出爐了,一個個白雪雪好可愛^^


中間軟綿綿

義工預備日 15 Apr 07

今日下午主要係召集義工們進行以下的預備:
1. 長者探訪注意地方 (鳴謝桂姐^^)
2. 講解服務日流程
3. 健體操動作優先睇
4. 將禮物包入袋
5. 褶玫瑰 (鳴謝gloria^^)

好開心阿ray 同阿fan 都有來幫手,由於大家都係褶玫瑰新手,一開始都唔知點入手,好彩有gloria幫手,一日走幾場事奉,辛苦晒呢^_^ 憑著大家的聰明,夾好夾腳完成了三十幾支玫瑰,仲幾靚添架! 最令人意外的是,原來男仔褶花都真係有一手架喎! 有相為證架!

個個都係即學即褶,見得人呢!


褶花小組


package 小組


豐富禮物包:麥餅,麥片,揼骨鎚,密實膠盒,愛心茶包,玫瑰花,由環保袋裝住

完成品

一切準備就緒,願主繼續保守服務日29/4 順利進行!

深圳一日遊 9 Apr 07

復活節,饑饉月過後可以鬆一鬆去玩了! 7年冇去深圳,今次跟JAM ,LILY , Gloria, 賢仔, 阿陶 返深圳,見識左深圳既地鐵,每個站都有公安,好乾淨企理,全線有幕門,好先進咁;不過warning關門的播音同關門同步,搞到我俾度門夾到,仲同lily賢仔分離左.等下一班列車到都等左10分鐘,嗯...尚有進步的空間呢...

到達大劇院站,先去味千拉麵醫肚,叫左個牛肉飯廿幾蚊,都叫平過香港少少,又幾好食.去新書城打書釘,煮食書籍不算多,但好平,各人都有收穫^_^ 我就買左本食物營養手冊 同一本樂理書. 同我上次去書城的印象好唔同呢,原來依家大陸d書既質素都好高,全彩頁粉紙印製,都只係40蚊,o係香港起馬賣90蚊啦!

睇完書已經4點幾,再去東門完成今次來深圳的主要任務 -- 2蚊揼骨鎚(探長者的禮物之一)! 好利害呀, 我地掃晒佢d貨,買左40支,我仲買多個打蛋器,全店2蚊! 多謝各位幫手拎鎚鎚呢~~
步行街有百佳,法包1條只售2.8! 呢間百佳好大間, 除左一般超市貨品,仲有電器賣添!

大家都有點累,去了麥記食tea,佢地仲有香芋批喎,不過冇買到,驚食唔晒.
最後一站去左羅湖商業城,d野唔算貴,但真係間間都獅子開大口,咁既價錢,我lunch 去旺中買唔好? 嘿!

呢日係長假最後一日, 所以7點幾襯早返左香港先食晚飯,好彩用e道過關好順利.

深圳俾我既印象都係好雜又唔安全,冇咩特別事都唔會點去,行街最緊要行得安心麻~~

深圳地鐵

近排的生活

近排有好多個第一次...

第一次報班跳aerobic
比起jazz 係易跟d既,不過仲要努力跟先得,d動作既名要記住...
同olay講我jazz 跟唔到, 上左3堂就冇再上, olay話第一次係咁,上完10堂之後就會跟到.聽完佢咁講,我又有返d信心.aerobic共12堂,依家仲有9堂, 我要繼續努力, 今次一定要堅持上足12堂!

第一次睇中醫
經diana介紹,睇佢daddy於大圍街市的舖子,佢話我血虛,執左5劑藥,陳uncle好健談,同佢傾計好開心,仲好好人咁俾discount我.由於佢冇代客煎藥,要辛苦媽咪幫我日煲夜煲,但佢一句怨言都冇,世上只有媽媽好,千真萬確,我愛你mummy!!

第一次玩紅籌
用ebanking 買股好方便,不過經紀佣金買賣各100蚊,真係要有把握先好買,唔係都幾難回本.早排買 中移動,本來打算中長線投資的,點知過兩日急升,睇個勢佢好快會跌返,結果如我所料,放左之後1小時插水式跌市(大戶玩野)...好彩及早離場,獲利回吐.我亦用今次例子親身示範俾媽咪知,低位先係入市時機,高位要捨得放手既道理...(佢之前高追匯豐148買入,喊得一句句...)
不過奉勸大家,有時間睇住個市先好玩短炒,大戶操控個市,遲d放都冇

饑饉月回憶

好耐冇update 過網誌,原來上一篇已經係1個月之前...冇計...呢排太忙於做大大小小不同的research...日子過得很充實...不過有感覺的時候唔即刻寫低,之後真係會淡左好多.

好想寫呢個饑饉月既感受,現在只剩下努力抵抗消夜習慣,最後一星期起到身返足4日晨更兼練歌練到冇飯食的瘋狂生活(令我之後數天都慣左未夠6點自己醒左),復活節假裏其實只有9號是真正的放假.

經過饑饉月,我已經習慣了在公司不放置乾糧,可以專心工作了.如果宵夜都可以同樣戒到既話就好了~~
練習choir雖然係辛苦,但可以為主獻詩,係一件好榮幸既事. 受苦節崇拜過程順利,感謝主! 可以成為事奉的一份子,辛苦也是值得的.今日全部cell 員都返齊9am崇拜,o係台上望到佢地齊人,總算安心,連mimi都有返呀!不過同佢緣慳一面呢,我換完衫都已經走了.果日仲收到小雙雙給我的蜜糖水潤喉,好感動^^
今次識到幾位新朋友(cherry,shirley同mk),下次的事奉應該是聖誕崇拜了.